ساڵح محەمەد تەیرۆ
هەلبەت پشتی‮ ‬هەلنگافتنا شورەشا ئەیلولامەزن لسالا‮ ‬1975‮‬و ب پیلانەكا دارێشتی‮ ‬یا سیاسەتا نێڤ دەولەتی‮ ‬یا وی‮ ‬سەردەمی‮ ‬ودەر ب دەربونا ب هزاران مللەتێ مەیێ دلسوزو كوردپەروەر بۆ دەولەتێن هەڤ سنوور ونەمازە ئیرانێ و بەلاڤكرنا وان دەربدەر و ئاوارا لسەر باژێرو باژێركێن ئیرانێ تاكو ببیتە ئەگەرا‮ ‬لاوازكرنا هەستا نەتەوی‮ ‬و هەست نەكرن ب هەلگیرساندنا شورەشەكا دی‮ ‬یا كوردی‮ ‬وبەرگریكار ل مافێن گەلێ كورد‮ ‬،‮ ‬رژێما بەعسا گور بگور ژی‮ ‬ل عیراقێ ب شێوەیەكی‮ ‬هوڤانە ودویر ژ سنجێن مروڤایەتیێ وئایینی‮ ‬كەفتنە گیانێ مللەتێ مە ل كوردستانا باشور‮ ‬ڤێجا بگرە ل گرتن و سیدارەدان و ئەشكەنجەدان و ڤەگوهاستن و ب بەعسیكرن و ب عەرەبكرن و ئەنفال و جینوسایدكرنا كوردو كوردستانیان‮ ‬،دوژمن وداگیركەرێت كوردستانێ گەهشتبوونە وێ قەناعەت و باوەری‮ ‬و خەون وخیالێن‮ ‬خاڤ كە ئێدی‮ ‬هیچ شورەشەك و بزاڤەكادی‮ ‬یا ئازادیخوازا كوردی‮ ‬ل كوردستانێ سەرهل نادەتەڤە و دێ گەهنە مەرەمێن خو‮ ‬یێن چەپەل و مللەتەك نابیت بناڤێ كورد و ئاخەك ژی‮ ‬نابیت بناڤێ كوردستان‮ ‬،‮ ‬لێ هزر نەكر كو مللەتەك خودان پارتیەكا مینا پارتی‮ ‬دیموكراتی‮ ‬كوردستان بیت ودامەزرێنەرێ وێ بارزانیێ رێبەرێ روحیی‮ ‬یێ نەتەوا كورد بیت و مللەتەك بیت ئیرادا وان مەزنتر بیت ل هەمی‮ ‬پیلان و توپ وتەیارو بومبەو ناپال وكیمیاباران وئەنفال وجینوسایدكرنێ‮ ‬واز ل مافێن گەلێ كورد نائینیت چونكە درویشمێ وان‮ ‬كوردستان‮ ‬یان نەمانبوویە و‮ ‬لسەركەفتنا مەغرورنەبن ول شكەستنا بێ ئۆمێد نەبن‮ ‬،‮ ‬لەوما هەر زوی‮ ‬ب زوی‮ ‬هزر دهەلگیرساندنا چریسكا شورەشێ دا كرەڤە و بۆ دەمەكێ نێزیك چریسكا ئاگرێ شورەشا گولانا پێشكەفتنخواز گەش كرەڤە‮ ‬،لێ سیستەمێ ئەڤێ شورەشێ و بەرخودانا وێ‮ ‬یا‮ ‬جودا بوو ل شورەشا ئەیلولا مەزن كو ئەوژی‮ ‬چریسكا شورەشا گولانێ ب رەنگەكێ پارتیزانی‮ ‬دەست پێكرو گەش بوو و خەلكێ دلسوز و قەهرەمانێن كوردستانێ ل هەمی‮ ‬ئالیەكێڤە قەستا شورشێ كرو ولدور وێ كومبین وب بیروباوەرییەكا موكمتر هاتنە مەیدان و چەپەر و سەنگەرێن بەرەڤانیكرنێ دا و رۆژ ب رۆژ دربێن مەزن كوژەك ل دوژمن و داگیركەرێت كوردستانێ ددان و كون مشك ل دوژمنی‮ ‬دكرنە قەیسەری‮ ‬و داستان لدویڤ داستانێ تومار دكرن هەروەكی‮ ‬داستانا دیرەلوك‮ ‬،‮ ‬سوتكێ‮ ‬،‮ ‬كانی‮ ‬ماسێ‮ ‬،‮ ‬مانگێشكی‮ ‬،‮ ‬مێرگەسور‮ و … هتد.

دیسان مەزنترین داستان دشورەشا گولانا نیشتیمانخواز هاتە توماركرن ئەوژی‮ ‬داستانا خواكوركێ بوو‮ ‬،‮ ‬هەروەتوڤ‮ ‬فەرە ئەم چ جارا رولێ تەڤایا چین و توێژەرێن جەماوری‮ ‬دڤێ شورەشێ دا ژبیر نەكەین و نەمازە‮ ‬یێن وی‮ ‬خەلكی‮ ‬كو ل گوندێن ئازادكری‮ ‬دا دژیان و هەردەم مالێن وان بنگەهێن پێشمەرگەیی‮ ‬بوون ول دەمێ پێتڤی‮ ‬ژی‮ ‬وەكو بەرگری‮ ‬مللی‮ ‬هەفسەنگەرێن پێشمەرگەهێن قەهرەمان بون‮ ‬،‮ ‬ئەگەر ئەم بزڤرینەڤە بۆ رولێ ئافرەتێ دڤێ شورەشا گولانا پێشكەفتنخواز هیچ دەمەكێ رولێ وێ ل زەلامی‮ ‬كێمتر نەبوویە ئەگەر زێدەتر نەبیت چونكە ژ ئالیەكێڤە خزمەتا پێشمەرگەیی‮ ‬و شورەشێ دكر و ژئالیەكێ دیڤە پێزانین و دەرمان لناڤ رژێمێ بو شورەشێ ڤەدگوهاستن كو ئەڤ چەندەژی‮ ‬ب هیمەتا دلسوزێن رێكخستنێن نهێنی‮ ‬بوون‮ ‬،‮ ‬هەروەها كارتێكرنا‮ ‬پوزەتیڤ‮ ‬یا ئیزگێ دەنگێ كوردستانێ كو نهۆژی‮ ‬دەنگی‮ ‬ئیزگەیی‮ ‬دگوهێ مەدا دزرنگیت لدەمێ دگوت‮ :‬ڤێرە دەنگێ كوردستانا عیراقێ‮ ‬یە‮ ‬و ب راستی‮ ‬ژی‮ ‬ئەڤ ئیزگەیە ببوو ماموستا و كادر دناڤ هەمی‮ ‬مالاندا و دپارزینكێ پێشمەرگەیی‮ ‬دا بۆ بلندكرنا ئاستێ هوشیاریا هەستا نەتەوی‮ ‬و نیشتیمانی‮ ‬و وەلاتپارێزی‮ ‬و هەروەها مەترسیەكا مەزن ژی‮ ‬ئێخستبوو دناڤ دلێ دوژمن و دویڤەلانك و داگیركەرێن كوردستانێ‮ ‬،‮ ‬هەر ئەڤ شورەشا گولانا پێشكەفتنخواز بوو هێڤێنێ سەرهلدانا جەماورێ كوردستانێ كو ل بهارا سالا‮ ‬1991‮‬ێ كوچك و دیوانخانێن رژێمێ و داگیركەرا لسەر زەندوباسكێن پێشمەرگەو جەماورێ خوراگر ل كوردستانێ هاتنە رامالین وگوتە وان‮ ‬باركەن لڤێرە هەرن وئاخامە ئێدی‮ ‬هەوە ناحەوینیت‮.

‬وا هاتن پێشمەرگێت مە شەل وشەپك ژ بەژنا وان‮ …‬وئەڤرۆژی‮ ‬ئەم‮ ‬یێن بەرەڤ هەلبژارتنێن سەروكایەتیا هەرێمێ وكابینەیا نەهێ‮ ‬یا حكومەتا هەرێما كوردستانێڤە دچین‮ ‬كو ئەڤە هەمی‮ ‬ل سایەیی‮ ‬خەبات وبەرخودانا شورەشا ئەیلولا مەزن وگولانا پێشكەفتنخواز وقوربانیا گەلێ مەیە‮ ‬،‮ ‬ڤێجا بلا ئەم هەمی‮ ‬خۆ بكەینە ئێك سەنگەر و ئێك هەلویست بۆ پاراستنا ئەڤان دەسكەفتیان ورێكخستنا نافمالا كوردی‮ ‬ئەركەكێ نەتەوی‮ ‬ونیشتیمانی‮ ‬یە لسەر ملێن هەر تاكەكێ كورد‮ ‬،دیسان ئەم‮ ‬یێن بەرەڤ گورانكاریانڤە دچین كو چاڤەرێ دهێتە كرن ل دەڤەرێ بهێنە ئەنجام دان و فەرە ئەم وەكو كورد ژی‮ ‬مفایی‮ ‬لڤان گورانكاریان وەربگرین‮ ‬و ئەڤان دەلیڤەیان ژ دەست نەدەین و ئەگەر نە دیروك بەزەیێ ب كەسدا‮ ‬نابەت‮.

‬لدویماهیێ سلاڤ وریز بۆ پێشمەرگەهێن قەهرەمان‮ ‬یێن شورەشا گولانا پێشكەفتنخواز وهەروەها جەماورێ خەلكێ گوندێن ئازادكری‮ ‬لسەردەمێ شورەشێ وبەرگری‮ ‬مللیان وشەپالا قەهرەمانا كورد وتەڤایا جەماورێ كوردستانێ وسەرێ رێزو تەقدیرێ دچەمینین بۆ گیانێ پاقژێن شەهیدێن شورەشا گولانێ وتەڤایا شەهیدێن بزاڤا رزگاریخازا كوردستانێ وسەركاروانێ شەهیدان بارزانیێ نەمر وئیدریسێ هەردەم ساخ‮.‬