رێبوار حەمەلاو شوانی
خەڵكی كوردستان بە پشوو درێژییەكی زۆرەوە و دوای چەند مانگ دواكەوتن لە پێكهێنانی كابینەی نۆیەمی حكوومەتی كوردستان ، لە چاوەروانی خزمەتگوزارین لە گشت سێكتەرەكاندا ، بەتایبەت كە لە ماوەی چوار ساڵی رابردووی كابینەی هەشتەم بە هۆی شەڕ و قەیران و گەمارۆ سەپێنراوەكان نەتوانرا پرۆژە خزمەتگوزارییەكان بچێتە بواری جێبەجێكردنەوە.
لە هەڵبژاردنەكانی پەرلەمانی كوردستان لە 30/9/2018 دا ، پارتی توانی بە 45 كورسی زۆرینەی پەرلەمان بەرێژەیەكی زیاتر لە جاران متمانەی خەڵكی كوردستان بە پلەی یەكەم بەدەست هێنا، بەمەش ئەنجامی هەڵبژاردن نەخشەی سیاسی گۆڕی، پێگەی پارتی لە لایەنەكانی دیكە جیاكردەوە، پارتی لە هەڵمەتی هەڵبژاردندا، بە رێنمایی سەرۆك بارزانی بۆ كاندیدەكان و كارنامەكەی خۆی لە بەڵێنی بێ بنەما بەخەڵك نەدا، كە پێیان جێبەجێ نەكرێ، راستگۆبن لەگەڵ دروشمەكانیان، بەدەنگدان بە لیست و كارنامەی پارتی لەو چوارچێوەیەشدا دەكرێ بڵێین بەدەنگدان بە لیست و كارنامەكەی، پارتی سەرپشك كراوەتەوە، بە كارنامە و پاكێجێكی پڕ لە گۆڕانكاری و خزمەتگوزاری وەك براوەی یەكەمی هەڵبژاردن، بۆ چوار ساڵی داهاتوو ئامادەی بكا، لە پێكهێنانی حكوومەتی داهاتوو كوردستان تا رەنگی سیاسی بگۆرێ، كە بێگومان حكوومەتێكی بێ ئاستەنگ نابێ، بەڵام ئەو وڵاتە پێویستی بە هەندێك راپەڕاندنی ئەركی تایبەتە، لە كاتێكدا هەرێمی كوردستان پێ دەنێتە قۆناغێكی نوێیە پێویستی بە چەندین بڕیار و یاسای تایبەتە بۆ لێك جیاكردنەوە و گۆڕانكاری و چاكسازی، لەهەندێ كەرت و سێكتەری خزمەتگوزاری، وەك لە پێش هەڵبژاردن لە كەرتی تەندروستی چەند هەنگاوێكی چاكسازی نا، بۆ كۆتا پێهێنان بەو بازرگانییەی ئێستا بە توانا و تەندروستی مرۆڤ دەكرێ، هەنگاوی ئومێدبەخش بوون، تا هەوڵەكانی بەگەڕ بخات بۆ دووبارە بەدەستهێنانی بڕوا و متمانە بە دام و دەزگاكانی حكومەوت، بەتایبەت لە نەهێشتنی گەندەڵی و رووتین لەكاروباری كارگێڕی و خزمەتگوزاری هاووڵاتییاندا، بە دابەزاندنی دەسەڵاتەكان بۆ ئاستی خوارووی دام و دەزگا خزمەتگوزارییەكانی حكومەت، كەم كردنەوەی ئەو كۆسپ و بەربەستانەی بەردەم بیروكراتی و نەهێشتنی ئەو هۆكارانەی دەبنە هۆی گەندەڵی و رۆتین لە سیستەمی كارگێریدا، تا ئەوانەی رێیان تێ دەچێ لە چوار ساڵی داهاتوودا جێبەجێیان بكات، پارتی بە گۆڕانكارییە ناوخۆییەكان و ئامادەكردنی تیمێكی توكمە بۆ حكوومڕانی لە كابینەی داهاتوو لە كوردستان، بەتایبەت ئەوانەی دەیان ساڵە لە دام و دەزگا حكوومییەكاندان، یان كەسێكی كەم توانا بێ لە پۆستێكدا لابدرێ، یا ئەو بەرپرسانەی رۆژێك لە رۆژان گەندەڵییان لەسەر بووە، ئەو گۆڕانكارییانە بەردەوام بن، ئەوەش تەنیا لە ناو پارتیدا وەك حزب، بەڵكو لە ناو حكوومڕانیشدا، هەر بۆیە پێویستە كۆمەڵێك بنەما دابندرێت، بەسیستەم بكرێت، واتە بۆ نموونە فلان كەس چوار ساڵی بۆ داندراوە هەر ئەوەندەیە و تەنیا یەكجار بۆی هەیە دووبارە ببێتەوە، گۆڕانكارییەكی ئەرینی بەمەبەستی دروستكردنی تیمێكی بەهێز بێ لە حكوومەتی نوێدا، كەسی نوێ بە عەقلێكی گەنجانە بە توانا و رابردوو پاك بخاتە پۆستەكان، حكومەتی داهاتوو پێویستی بە سەرلەنوێ پێداچوونەوە هەیە، لە هەموو سێكتەرەكان بەتایبەتی كەرتی ئابووری و سەربازی و بگرە تا بازاڕ و توانای دانانی سیستەمێكی گونجاو بۆ بازاڕ و مافی بەكاربەر بەگشتی و واستەكاری و هەدەردانی سامانی گشتی كە زۆر كەسی گەندەڵ لە حسابی سامانی گشتی دەوڵەمەندبوونە، ئا لێرەدا دیار دەبێت لە بەرنامەی داهاتووی حكومەت، پارتی بە ئەنجامدانی چەند هەنگاوێكی چاكسازی بەر لە هەڵبژاردن، بەتایبەت لەكەرتی تەندوستیدا، هەنگاوی مەزنی نا، بە بەردەوامی ئەو پرۆسەیە، هەوڵەكانی بۆ گۆڕانكاری و چاكسازی لە چەند بوارێكی دیكە، وەك پێداچوونەوە بەیاسای خانەنشین و چاكسازی لە سێكتەرەكانی دیكە، چاوی متمانە و باوەڕی زیاتری خەڵكی كوردستانی بەدەست هێنا، پارتی لە پێناو دەستەبەركردنی دروشمی سەرەكی خۆی لە حكوومەتدا، تا كوردستانێكی بەهێز ئاوا بكا، پێویستە هەوڵ و كۆششەكانی بخاتە گەر تا ئەو كارانەی پەیوەندییان بە دۆخی ژیان و خۆشگوزەرانی خەڵكی كوردستان ئەوە هەیە، لە كارنامەی كابینەی حكوومەتی داهاتووی كوردستان بایەخی پێ بدات، بەهێز بێت بۆ جێبەجێكردنی بەرنامەی خۆی بۆ بەڕێوەبردن و دەرباز كردنی قۆناغی سەخت و دابینكردنی داهاتوویەكی باشتر بۆ خەڵكی كوردستان، چونكە ئەو متمانە و باوەرەی خەڵكی كوردستان بە پارتییان داوە، ئەوە نیشان دەدات كە ئەركێكی گەورە و قورس لەسەر پارتییە كە رۆڵی سەركردایەتی سیاسیی هەرێمی كوردستان ببینێ.
