خه‌بات: ‬سەرهەنگ نەجمەدین
لەگەڕی‮ ‬بیست وشەشەمینی‮ ‬خولی‮ ‬نایابی‮ ‬عێراق رۆژی‮ ‬10/5/2019 لەیاریگای‮ ‬نێو دەوڵەتی‮ ‬فرەنسۆهەریری‮ ‬،‮ ‬یانەی‮ ‬هەولێر‮ ‬میوانداری‮ ‬لە‮ ‬یانەی‮ ‬قوەی‮ ‬جەوییە كرد‮.‬
یانەی‮ ‬هەولێر بەسەرپەرشتی‮ ‬ڕاهێنەر ئەكرەم سەڵمان دووەم‮ ‬یارییە لەسەر دەستی‮ ‬ئەو‮ ‬ڕاهێنەرە ئەنجام دەدات،‮ ‬ئەگەرچی‮ ‬خولەكە پێی‮ ‬ناوەتە هەفتەی‮ ‬بیست وشەشەمینی‮ ‬قۆناغی‮ ‬دووەم،‮ ‬گێمی‮ ‬یەكەم دەستیپێكرد و هەردوو‮ ‬یانە بەپلانی‮ ‬هێرش بردن‮ ‬یارییان دەكرد،‮ ‬بەتایبەتی‮ ‬هێرشەكانی‮ ‬تیپی‮ ‬خاوەن‮ ‬یاریگا زیاتر لەنێو‮ ‬یاریگەیەكەدا دەبیندران‮ ‬،‮ ‬یانەی‮ ‬هەولێر چەندین هەلی‮ ‬ئاسانی‮ ‬بۆ‮ ‬ڕەخسا بەڵام هێڵی‮ ‬بەڕگری‮ ‬و گۆڵپاریزی‮ ‬قوەی‮ ‬جەوییە ببوونە رێگر لەبەردەم هێرشبەرانی‮ ‬یانەی‮ ‬هەولێر لە گۆڵ تۆمار كردن،‮ ‬لەبەرانبەردا‮ ‬یاریزانی‮ ‬قوەی‮ ‬جەوییە محەمەد قاسم‮ ‬هەلێكی‮ ‬ئاسانی‮ ‬بۆ‮ ‬ڕەخسا لەناكاو تۆپێكی‮ ‬بەهێزی‮ ‬ئاراستەی‮ ‬ناو گۆڵی‮ ‬یانەی‮ ‬هەولێر كرد،‮ ‬بەڵام ستوون بووە رێگر و تۆپەكە ئاراستەكەی‮ ‬گۆڕا و گۆڵی‮ ‬قوەی‮ ‬جەوییە لەم هێرشە مەترسیدارە رزگاری‮ ‬بوو كەدەبوایە هەولێر بەگۆڵێك پێش بكەوێت،‮ ‬بەمشێوەیە گێمی‮ ‬یەكەمی‮ ‬یارییەكە بەیەكسانبوونی‮ ‬هەردوولا بەبێ گۆڵ كۆتایی‮ ‬هات‮.‬

گێمی‮ ‬دووەم دەستپێكرد و ئەكرەم سەڵمان‮ ‬ڕاهێنەری‮ ‬یانەی‮ ‬هەولێر چەند گۆڕانكارییەكی‮ ‬گرینگی‮ ‬لەپێكهاتەی‮ ‬تیپەكە ئەنجام دا بەمەبەستی‮ ‬گۆڕینی‮ ‬ئەنجامی‮ ‬یارییەكە،‮ ‬بەم گۆڕانكارییە‮ ‬یانەی‮ ‬هەولێر فشارێكی‮ ‬زۆری‮ ‬خستبووە سەر تیپی‮ ‬بەرانبەر بەمەبەستی‮ ‬زوو گۆڵ تۆمار كردن،‮ ‬بەڵام سەرجەم هێرشەكانیان بێ ئامانج و بێ سوود بوون،ئەگەرچی‮ ‬یاریزانی‮ ‬یانەی‮ ‬هەولێر ئاسۆ رۆستەم موشەكێكی‮ ‬بەهێزی‮ ‬ئاراستەی‮ ‬ناو گۆڵی‮ ‬قوەی‮ ‬جەوییە كرد‮ ‬،بەڵام لەبڕی‮ ‬هەژاندنی‮ ‬تۆر ستوونی‮ ‬هەژاند،‮ ‬بەمشێوەیە‮ ‬یارییەكە بەبەیەكسانبوونی‮ ‬هەردوولا بەبێ گۆڵ كۆتایی‮ ‬هات،‮ ‬بەم ئەنجامە‮ ‬یانەی‮ ‬هەولێر دوای‮ ‬كۆكردنەوەی29 خاڵ لە پلەی‮ ‬سێزدەمی‮ ‬رێزیەندی‮ ‬خولەكەدا دێت،‮ ‬لەبەرانبەردا قوەی‮ ‬جەوییە بەكۆكردنەوەی‮ ‬55 خاڵ لەپلەی‮ ‬دووەمی‮ ‬رێزبەندی‮ ‬خولەكە جێگر بووە‮.‬
جێی‮ ‬ئاماژە بۆ كردنە‮ ‬یارییەكەی‮ ‬هەولێر و قوەی‮ ‬جەوییە پڵیتی‮ ‬فرۆشتی‮ ‬یارییەكە وەك كۆمەك و هاوكاری‮ ‬بۆ‮ ‬یاریزانی‮ ‬پێشووی‮ ‬هەولێر دیار رەحمان كۆكرایەوە‮. ‬