سەگڤان هالو
پڕنسیپی‮ ‬پێكەوە ژیانی‮ ‬ئاشتیانە‮ ‬یەكێكە لە پڕنسیپە گرنگەكانی‮ ‬گیانی‮ ‬دیموكراسی،
هەرێمی‮ ‬كوردستانیش وەك هەرێمێكی‮ ‬فرە‮ ‬ڕەنگ لە‮ ‬ڕووی‮ ‬ئایینی،‮ ‬نەتەوەیی،زمان و‮..‬هتد‮. ‬
‮ ‬چەندین پێكهاتەی‮ ‬جیا جیای‮ ‬لە خۆ گرتووە‮. ‬بۆیە گرنگیدان بە پرنسیپی‮ ‬پێكەوە ژیانی‮ ‬ئاشتیانە پێویستییەكی‮ ‬حاشا هەڵنەگرە‮. ‬خۆشبەختانە تاكو ئێستا‮ ‬ڕوحی‮ ‬لێبوردەیی‮ ‬و‮ ‬یەكتر قبوڵكردنی‮ ‬نێوان پێكهاتەكانی‮ ‬هەرێمی‮ ‬كوردستان جێگیرە،‮ ‬سەرباری‮ ‬ئەوەی‮ ‬دوژمنانی‮ ‬كوردستان زۆر هەوڵیان داوە و هەوڵ دەدەن پێكەوە ژیانی‮ ‬ئایشتیانە لەكوردستان تێكبدەن بەمەبەستی‮ ‬باشتر جێبەجێ كردنی‮ ‬ئەجندا و نەخشە سیاسیەكانی‮ ‬خۆیان،‮ ‬بەڵام نەیانتوانیوە درز بخەنە نێوان نەتەوە و زمان و ئایین وئاینزا جیاوازەكانی‮ ‬كوردستان و گیانی‮ ‬دیموكراسی‮ ‬زاڵ بووە بەسەریاندا‮.‬
‮ ‬لە هەرێمی‮ ‬كوردستاندا بە‮ ‬یەكەوە هەڵكردن و قبوڵكردنی‮ ‬یەكدی‮ ‬بە هەموو تایبەتمەندییەكانەوە لە ئاستێكی‮ ‬بەرز دایە كە بە هیچ شێوەیێك بەراورد ناكرێت لەگەڵ وڵاتە عەرەبی‮ ‬و ئیسلامیەكان،‮ ‬چونكە هەرێمی‮ ‬كوردستان بە پڕۆسەیێكی‮ ‬سیاسی‮ ‬دیموكراسیدا گوزەری‮ ‬كردووە بە هەموو كەموكوڕییەكانیەوە‮. ‬بەڵام دەوڵەتە عەرەبی‮ ‬و ئیسلامیەكان زۆربەیان هەڵگری‮ ‬هزری‮ ‬ناسیۆنالیستی‮ ‬عەلمانی‮ ‬و ئایینین،‮ ‬ئەمەش بێجگە لە‮ ‬ڕەتكردنەوەی‮ ‬ئەوانیتر واتە‮ ‬غەیری‮ ‬خۆیان هیچی‮ ‬تری‮ ‬لێ بەرهەم‮ ‬نەهاتووە و بووەتە هۆی‮ ‬دروستبوونی‮ ‬فەوزای‮ ‬سیاسی‮ ‬،‮ ‬ئایینی،‮ ‬نەتەوەیی‮ ‬و زمان و‮ …‬هتد‮. ‬سەقامگیری‮ ‬سیاسی‮ ‬و ئاشتیی‮ ‬كومەڵایەتی‮ ‬كەوتووەتە ژێر پرسیار گەلێكەوە‮. ‬هەموو ئەو نەتەوە و ئایین و زمانانەی‮ ‬ئەگەر دور نەڕۆین لە‮ ‬ڕوژهەڵاتی‮ ‬ناوەڕاست‮ ‬لە‮ ‬2014 وە تا ئەمڕۆ‮ ‬لە ژێر هەڕەشە و مەترسی‮ ‬تیرۆردا بونە،‮ ‬هانایان بۆ هەرێمی‮ ‬كوردستان هێنا بۆ ئەوەی‮ ‬گیان و ماڵ و كەڕامەتیان پارێزراو بێت و گەلی‮ ‬كوردستانیش بە حكومەتەوە بەوپەڕی‮ ‬ڕێزەوە هەموویانی‮ ‬گرتە خۆ و ئەمە وەك نمونەیێكی‮ ‬زیندوو و بەڵگە لە سەر ئەم قسانە‮. ‬مەبەستی‮ ‬سەرەكیمان لە نووسینی‮ ‬ئەم وتارە ئەوەیە كە پێگەی‮ ‬جوگرافی‮ ‬هەرێمی‮ ‬كوردستان كەوتۆتە ناوچەیێك كە بیری‮ ‬توند ئاژۆ تیایدا زاڵە و ئەو سیما جوان و شارستانیەی‮ ‬هەرێمیش،‮ ‬دەبێ بزانین بەردەوام لە ژێر هەڕەشەی‮ ‬ئیڕهابی‮ ‬فكری‮ ‬دایە بە هەموو جورەكانیەوە.بۆیە لە كۆتاییدا دەڵێم پێویستە حكومەتی‮ ‬هەرێمی‮ ‬كوردستان‮ ‬یەكەم ستڕاتیژیەتی‮ ‬خۆی‮ ‬لە سەر بنەمای‮ ‬بەهێزكردنی‮ ‬گیانی‮ ‬دیموكراسی‮ ‬دابڕێژێت و پرەنسیپی‮ ‬پێكەوە ژیانی‮ ‬ئاشتیانە لە ئەولەوییەتی‮ ‬كارەكانی‮ ‬خۆی‮ ‬دابنێت تاكو بتوانێت سەقامگیری‮ ‬سیاسی‮ ‬و ئاشتەوایی‮ ‬كومەڵایەتی‮ ‬زیاتر پارێزگاری‮ ‬لێ بكات،‮ ‬چونكە‮ ‬یەكێك لە هۆكارە سەرەكییەكانی‮ ‬پاراستنی‮ ‬ئاسایشی‮ ‬نیشتمانی‮ ‬پەیوەستە بە بەیەكەوە ژیان و بەیەكەوە هەڵكردنی‮ ‬پێكهاتە جیاجیاكان‮ ‬لە وڵاتەكەمان‮.‬