خەبات: دهوك‮ ‬
ل روژێن دەربازبوی‮ ‬فەرهەنگا گوتنێن مەزنان‮ ‬یا كو ژلایێ ماموستا رێكێش ئامێدی‮ ‬هاتیە بەرهەڤكرن كەتە بەر دەستێ خوەندەڤانان ل دور فەرهەنگێ وناڤەروكا وێ بەرێز رێكێش ئامێدی‮ ‬بو روژنامەیا خەبات گوت‮: ‬فەرهەنگا گوتنێن مەزنان ژ‮‬8020‮‬ هەشت هزار وبیست گوتنێن مەزنان پێك دهێت دگەل شروڤەكرن ورامانا گوتنان‮ ‬،‮ ‬فەرهەنگ چار بەرگەگە ژ‮‬1156‮‬ بەرپەرا پێك دهێت.لدور كومكرن وڤەكولینا فەرهەنگێ وماوێ ئامادەكرنێ وژمارا دانێن هاتینە چاپكرن ماموستا رێكێشی‮ ‬گوت‮: ‬ئەڤ فەرهەنگە زور‮ ‬یاگرنگە وماوێ‮ ‬42‮‬ سالایە ئەز ڤەكولین وكومكرنێ ل سەر دكەم هەتا من شیای‮ ‬ئامادەكەم‮ ‬،‮ ‬فەرهەنگە ب هەڤكاریا پارێزگەها دهوكێ‮ ‬500‮‬ دانە ژێ هاتینە چاپكرن.ل دور گرنگیا فەرهەنگێ بەرێز ئامێدی‮ ‬گوت:ئەڤ فەرهەنگە‮ ‬دەستورێ مللەتێ كوردە ئەگەر سەركێشێن مە ل سەر ڤان بچن وپەیرەوكربان چ جارا براكوژی‮ ‬پەیدانەدبو وژمێژە ئەم كورد دا بینە دەولەت چونكو ڤەرێژا ئاقلدارێن كوردایە وهەر تشتەكێ هاتیە سەرێ‮ ‬مللەتێ كورد ژباشی‮ ‬وخرابیا‮ ‬یا بویە گوتنەكا مەزنان وپێدڤیە هەر كەسەكێ كورد بزانیت كا مللەتێ كورد چاوا ژیایە وچاوا رێك ژلایێ ئاقلدارا هاتیە خوشكرن‮. ‬سەبارەت وەرگێران و لاتینیكرنا فەرهەنگێ ماموستا رێكێش ئامێدی‮ ‬گوت‮: ‬وەكو پێنگاڤا دووێ من لبەرە فەرهەنگێ ب پیتێن لاتینی‮ ‬ژی‮ ‬چاپكەم بو وێ‮ ‬یەكێ كوردێن مە ل باكور وروژئاڤا ویێن دەرڤەی‮ ‬كوردستانێ ژی‮ ‬مفای‮ ‬ژێ وەرگرن هەروەسا داخازێ ژهەر كەسەكی‮ ‬دكەم كو شیانێن وەرگێرانێ هەبن بو زمانێن بیانی‮ ‬وەكو عەرەبی‮ ‬فارسی‮ ‬تركی‮ ‬ئنگلیزی‮ ‬ئەلمانی‮ ‬فرەنسی‮ ‬ئەز ئامادەمە هەڤكاریێ دگەل بكەم بو وەرگێرانێ دا مللەتێن جیهانێ ژی‮ ‬بزانن مە كوردان ژی‮ ‬ئاقلدار وفەیلەسوف هەبوینە‮.‬