خەبات‮ : ‬حەمە ئەحمەد جاف
یەكێك لە ئەندامانی‮ ‬ماڵی‮ ‬كتێب‮ ‬بە‮ ‬ڕۆژنامەكەمانی‮ ‬ڕاگەیاند‮: ‬ڕۆژی‮ ‬چوارشەممە‮ ‬2019/4/10،‮ ‬كۆمەڵێك لە نووسەران و‮ ‬ڕۆشنبیران،‮ ‬وەك‮ ‬یەكەم دەستەی‮ ‬دامەزرێنەر،‮ ‬كە بریتیبوون لە‮:‬بێكەس حەمەقادر ـ‮ ‬نیازی‮ ‬حەمەعەزیز ـ‮ ‬ئازا حەسیب قەرەداغی‮ ‬ـ‮ ‬زاناخەلیل ـ‮ ‬شۆڕش‮ ‬غەفوری‮ ‬ـ‮ ‬بژار حەكیم ـ‮ ‬حەمە ئەحمەد جاف ـ محەمەد قادر ـ ئەسكەندەر زرار‮ ‬یەكەمین كۆبوونەوەی‮ ‬دامەزراندنی‮ ‬خۆی‮ ‬لە هەولێری‮ ‬پایتەخت سازكرد. لەو كۆبوونەوەیەدا،‮ ‬دەستەیەك لە نووسەرانی‮ ‬خۆبەخش‮ ‬ماڵی‮ ‬كتێب‮ ‬دامەزرا‮.

‬ئامانجی‮ ‬ئەم ماڵە چاپكردن و بڵاوكردنەوەی‮ ‬كتێبی‮ ‬ئەدەبی‮ ‬و‮ ‬ڕۆشنبیریی‮ ‬و هونەرییە،‮ ‬لەسەر ئەركی‮ ‬دارایی‮ ‬ئەندامانی‮ ‬خۆبەخشی‮ ‬بەشدار بووی‮ ‬ماڵ‮. ‬واتا ئەو نووسەرو‮ ‬ڕۆشنبیرانەی‮ ‬دەبنە ئەندامی‮ ‬ماڵی‮ ‬كتێب‮ ‬مانگانە بە بڕێك هاوكاری‮ ‬وەك‮ ‬ئابوونە‮ ‬كە لە‮ ‬10‮ ‬هەزار دینار كەمتر نەبێ‮ ‬بەشداری‮ ‬دەكەن و پرۆسەكە بەردەوام دەبێ‮. ‬تاكو ئێستا زیاتر لە‮ ‬50‮ ‬پەنجا نووسەرو‮ ‬ڕۆشنبیر ئامادەیی‮ ‬و هاوكاری‮ ‬و بەشداربوونیان دەربڕیوە‮ . ‬چەند بەڕێزێكیش لەم دەستەیە ئەركی‮ ‬خۆبەخشانەی‮ ‬ئیدارە و دیزاینی‮ ‬مۆدێرن و هەڵەچن وزمانەوانی‮ ‬و سەرپەرشتی‮ ‬چاپیان گرتۆتە ئەستۆ‮. ‬بڕیاروایە مانگی‮ ‬كتێبێك‮ ‬یان دوو كتێب بخرێتە بەردەست و بیرۆكەش هەیە هەر لەم‮ ‬ماڵ‮ ‬ەوە رۆژنامەیەكی‮ ‬ئەدەبیش بڵاوبكرێتەوە‮. ‬تێبینی‮: ‬بڕیار وایە،‮ ‬نۆبەرەكتێبی‮ ‬چاپكراوی‮ ‬ئەو ماڵە‮ ‬،‮ ‬كۆمەڵە شیعرێكی‮ ‬ئەندامانی‮ ‬ماڵ‮ ‬بێت‮.‬