خه‌بات: ساسان دەروێش – دهۆك
لە رۆژێكی‮ ‬سەختی‮ ‬گەلی‮ ‬كورد دا و‮ ‬دوای‮ ‬خیانەتی‮ ‬16ی‮ ‬ئۆكتۆبەر و لەدەست دانی‮ ‬بەشێكی‮ ‬زوری‮ ‬خاكی‮ ‬كوردستان،‮ ‬لە كاتێكدا كە ورەی‮ ‬هاوڵاتیانی‮ ‬ئەم هەرێمە لە نزیمترین ئاست دابوو،‮ ‬هەر لەو كاتەدا سوپای‮ ‬عێراقی‮ ‬و حەشدی‮ ‬شەعبی‮ ‬كە توشی‮ ‬غرورێكی‮ ‬یەك جار زۆر‮ ‬ببون و دەیانویست پەلاماری‮ ‬هەموو خاكی‮ ‬كوردستان بدەن‮ ‬،لە میحوەری‮ ‬سحێلا‮ ‬هێزە ئێراقییەكان بە هێزێكی‮ ‬یەك جار زۆرەوە دەستیان بە هێرشكردن كرد،‮ ‬بەڵام لەلایەن هێزەكانی‮ ‬پێشمەرگەی‮ ‬پارتی‮ ‬گورزێكی‮ ‬كۆشندەیان بەركەوت و رێگەیان پێ نەدرا بگەنە ئەو ئارمانجە و سنورێكیان بۆ‮ ‬غروری‮ ‬سوپای‮ ‬عێراقی‮ ‬دانا و وانەیێكی‮ ‬مێژووییان بەحكومەتی‮ ‬دا،‮ ‬كە هەیبەت و شكۆی‮ ‬پێشمەرگە بەهیچ شێوەیێك ناشكێ و پێشمەرگەكانی‮ ‬پارتی‮ ‬و بارزانی‮ ‬ئامادەی‮ ‬خۆ گوریكردنن بۆ خاكەكەیان.پەیامنێری‮ ‬كەناڵی‮ ‬كوردستان24 مەسعود محەمەد‮ ‬و وێنەگرەكەی‮ ‬ستار ئەحەمەد‮ ‬شانبەشانی‮ ‬پێشمەرگە قارەمانەكان لە سەنگەرەكانی‮ ‬پێشەوە لەناو ئاگری‮ ‬تانك و تۆپی‮ ‬دووژمن دا دیمەنی‮ ‬ئۆتۆمبێلە سوتاوەكانی‮ ‬سوپای‮ ‬عێراقیان‮ ‬پیشانی‮ ‬جیهان دەدا كە لەلایەن پێشمەگەكانەوە‮ ‬سوتێنرابوون‮.‬

لەژێر بۆمبی‮ ‬تۆپ و تانكی‮ ‬دووژمنانی‮ ‬كوردستاندا،‮ ‬یەكێك لە فەرماندە چاونەترسەكانی‮ ‬پارتی‮ ‬و بارزانی‮ ‬بە وتنەوەی‮ ‬ووشەی‮ ‬خۆنەچەمێنن‮ ‬سەركەوتنەكانی‮ ‬پێشمەرگەی‮ ‬لەرێی‮ ‬ئەم پەیامنێرە و شاشەكەی‮ ‬كوردستان24 ەوە بە جیهانی‮ ‬دەگەیاند،كاتێك كە خەڵكی‮ ‬كوردستان ئەو دیمەنانەی‮ ‬ئۆتۆمبێلە سوتاوەكانی‮ ‬سوپای‮ ‬ئێراقیان دەبینی‮ ‬ورەی‮ ‬خەڵكی‮ ‬زۆر بەرزبوویەوە و جارێكیتر گەلی‮ ‬كوردستان هەستایە سەرپێ‮ ‬و خۆراگریان كرد و نەیانهێشت دووژمنەكانیان بە مەرەمەكانیان بگەن‮.‬

جەنابی‮ ‬سەرۆك بارزانی‮ ‬لە زۆر شوێن ووشەی‮ ‬خۆ نە چەمێنن‮ ‬وەك رێزێك بۆ خەبات و ئەو سەركەوتنە گەورەیەی‮ ‬پێشمەرگە بەسەر هێزە داگیركەرەكانی‮ ‬كوردستان دا‮ ‬دووبارە‮ ‬دەكردەوە،هەر ئەمەش نا،‮ ‬بەڵكو لەلایەن زۆربەی‮ ‬سەركردەكانی‮ ‬كورد‮ ‬وەك سەرۆك بارزانی‮ ‬و كاك نێچیرڤان بارزانی‮ ‬و كاك مەسرور بارزانی‮ ‬و چەندین سەركردەی‮ ‬دیكە‮ ‬وووشەی‮ ‬خۆ نە چەمێنن‮ ‬وەك سمبوڵی‮ ‬سەركەوتنی‮ ‬گەلكی‮ ‬كوردستان بەسەر دووژمن و ناحەزانەوە دەووترایەوە‮.‬

نیگەرانی‮ ‬ئەوپەیامنێرە بۆچییە؟
ئەوپەیامنێرەی‮ ‬جەنگ لەدرێژەی‮ ‬وتەكانی‮ ‬بەنیگەرانیەوە وتی‮:‬زۆربەدڵ تەنگیەوە باسی‮ ‬ئەوە دەكەم دوای‮ ‬20خولەك لەوەرگرتنی‮ ‬ئەو وتەیە كەڕاستەو خۆ ئەو فەرماندەیە قسەی‮ ‬بۆمن دەكردو دەیگوت:خۆنەچەمێنن،شەهید بوو‮! ‬هەگیز لەدڵم دەرناچێیت‮.‬

هەرچەند ئەو سەركردەیەی‮ ‬كە ئەم قسەی‮ ‬دەكرد چەند جارێك رێزلێنانی‮ ‬بۆكراوە و خەڵاتكراوە،‮ ‬بەڵام پەیامنێرەكە وەك خۆی‮ ‬دەڵێت كەس ئاگاشی‮ ‬لێی‮ ‬نییە و لەلایەن لایەنە پەیوەندیدارەكانەوە هیچ دەستخوشیش لێ نەكراوە ئەو پەیامنێرە جەنگیە،‮ ‬بۆ رۆژنامەی‮ ‬خەبات دەڵێت‮” ‬بە درێژایی‮ ‬شەڕی‮ ‬داعش بەشداری‮ ‬لە هەموو میحوەرەكان كردووە،‮ ‬یەكەم كەس بووە كە دوای‮ ‬چونی‮ ‬پێشمەرگە بە پێنج رۆژ لەگەڵ ستاری‮ ‬هاوكاری‮ ‬لەڕێی‮ ‬قاچاخەوە خۆیان گەیاندووەتە ناو كۆبانێ و‮ ‬داستانی‮ ‬پێشمەرگەم‮ ‬بەدنیا گەیاندووە،دیسان‮ ‬یەكەم رۆژنامەنووسیش بووم لەگەڵ هاوكارەكەی‮ ‬لە هەرێمی‮ ‬كوردستانەوە خۆیان گەیاندووتە عەفرینی‮ ‬رۆژئاوای‮ ‬كوردستان و دەنگی‮ ‬خەڵكی‮ ‬بە جیهاند گەیاندووە‮.‬

هەر لە كاتی‮ ‬ئۆپەراسیۆنی‮ ‬مووسڵ لە شارۆچكەی‮ ‬باشیك برینداربووە و‮ ‬دوای‮ ‬چاكبوونەوەی‮ ‬دیسان دەستی‮ ‬داوەتەوە مایكەكەی‮ ‬و رووی‮ ‬لە بەرەكانی‮ ‬جەنگ كردۆتەوە ئەو پەیامنێرە جەنگیە باس لەوەش دەكات شانازی‮ ‬بە كارەكەیەوە دەكات،‮ ‬بەتایبەت داستانی‮ ‬سحێلا و گەیاندنی‮ ‬ووشەی‮ ‬خۆ نەچەمێنن‮ ‬كە بۆتە سمبوڵی‮ ‬سەركەوتنی‮ ‬گەلانی‮ ‬كوردستان بەسەر دووژمنانیان.ئەو پەیامنێرە و هاوكارەكەی‮ ‬ئاواتیان ئەوەیە‮ ‬ڕۆژێك لە‮ ‬ڕۆژان لە دیوانی‮ ‬سەرۆك بارزانی‮ ‬باس لەو رۆژە سەختە بكەن و باسی‮ ‬چۆنێتی‮ ‬گەیاندنی‮ ‬خۆنە چەمێننی‮ ‬بۆ بكەن و وێنەیێكی‮ ‬یادگاریشیان لەگەڵ بچركێنن‮.‬