خەبات‮: یوسف هەورامی‮ – هه‌ڵه‌بجه‌ی شه‌هید
‬لەگەڵ هاتنی‮ ‬وەرزی‮ ‬بەهار دەشتی‮ ‬شارەزوورو شاخەكانی‮ ‬هەورامان چەندین جۆر گیا سەوز دەبێت و بە خواردنیان سودێكی‮ ‬زۆری‮ ‬دەبێت بۆ لەش،‮ ‬هەر بەو بۆنەیەوە ئەمساڵ‮ ‬ڕێكحراوی‮ ‬نوێ بو پاراستنی‮ ‬ژینگەو‮ ‬ڕێكخراوی‮ ‬ئارامی‮ ‬هەڵەبجە بۆ پاراستنی‮ ‬مرۆڤ و ژینگە چوارەمین ڤیستڤاڵی‮ ‬خۆراكی‮ ‬گیایی‮ ‬و خواردنی‮ ‬سروشتی‮ ‬سازكرد‮.‬

‮ ‬هەر بۆ ئەم مەبەستە سەرەتا چاومان كەوت بە قەیسەر‮ ‬ڕەحمان ئەحمەد‮- ‬ڕێكخەری‮ ‬فیستڤاڵەكەو بەم شێوەیە بۆمان دواو گوتی‮: ‬پێویستە نەوەی‮ ‬نوێ ئاشنا بكرێت بە گژوگیای‮ ‬سروشتی،‮ ‬بۆیە بەخەڵك دەڵێین كە ئەم خۆراكە سروشتیانە تەندروستن بیخۆن لەبری‮ ‬خواردەمەنی‮ ‬ناوقوتو و ماوەبەسەرچوو‮. ‬ئەگەر بێتو سەرنج بدەین هەمو شارێك فیستڤاڵێكی‮ ‬تایبەت بەخۆی‮ ‬هەیە بۆیە منیش بەباشم زانی‮ ‬فیستڤاڵێك بكەین كەتایبەت بێت بە خواردنە كوردەواریەكان وخۆراكە سروشتیەكان ئەبینین كە شوێنی‮ ‬جوگرافی‮ ‬هەڵەبجەو هەورامان گونجاوە بۆزۆربەی‮ ‬زۆری‮ ‬جۆرە گیاكان لەهەمانكاتدا ئم گیانایەیان بكارهیناوەو خواردویانەو خەڵكەكەشی‮ ‬تەندروستی‮ ‬باشیان هەبوە لەزۆربەی‮ ‬نەخۆشیەكان دوركەوتونەتەوە‮. ‬لەبەر دوو هۆكار ئەم فیستڤاڵەمان ئەنجام دا‮ ‬
یەكەم‮- ‬دووبارە ئەو گژوگیایانە بەخەڵك بناسینەوە و ئاشنابن لەگەڵیان بۆئەوەی‮ ‬تەندروستیان بپارێزن،‮ ‬لە هەمانكاتدا نمایشكردنی‮ ‬ئەم جۆرە گژوگیایانەو خۆراكە كوردەواریانە هۆكارێكی‮ ‬سەرەكیە بۆ ئەوەی‮ ‬گەشتیار زیاتر‮ ‬ڕووبكاتە هەڵەبجەو هەورامان،‮ ‬بۆیە پێویستە هەمومان هەست بە لێپرسینەوە بكەین ژینگەمان خۆش بوێت و نەهێڵین ئەم ژینگە جوانەی‮ ‬كوردستان لەناو بچێت،‮ ‬هەروەها دەبێتە هۆكارێك بۆدروست كردنی‮ ‬بازاڕێك بۆ دانیشتوانی‮ ‬ناوچەكە‮. ‬

دووەم‮- ‬سەبارەت بەژینگە كە ژینگەیەكی‮ ‬جوانمان دەداتێ پێویستە لەسەر ئێمەش‮ ‬ڕێز لەوژینگەیە بگرین و بیپاریزین،‮ ‬ئەوە دەزانین كە لەجیهاندا ساڵانە بەسەدان كەس بەهۆی‮ ‬خواردنی‮ ‬ناتەندروستەوە گیان لەدەست دەدەن بۆیە بەخەڵك دەڵێین كەئەم خۆراكە سروشتیانە تەندروستن بیخۆن لەبری‮ ‬خواردەمەنی‮ ‬ناوقوتو وماوەبەسەرچوو‮. ‬

هەروەها هێڤی‮ ‬ئەحمەد‮- ‬یەكێكی‮ ‬تر بوو لە بەشداربوانی‮ ‬ڤیستڤاڵەكەو كە خواردەمەنیەكانی‮ ‬ئامادەكردبوو و‮ ‬ڕێكیخستبوو و خەڵكی‮ ‬ڕۆژئاوای‮ ‬كوردستانە،‮ ‬تایبەت بەخەبات دواو گوتی‮: ‬یەكەمجارە بەشداربم لەم جۆرە ڤیستڤاڵانە شتێكی‮ ‬باشە ئەم خۆراكە سروشتیانە سودێكی‮ ‬زۆریان هەیە بەخواردنیان لەزۆر نەخۆشی‮ ‬دوردەكەوینەوە و پێویستە خەڵك ئەم جۆرە گژوگیایانە بناسێت و بیانخوات تەندروستیمان باش دەبێت‮.
‬
هەروەها ناوبراو زیاتر گوتی‮: ‬لەم ڤیستڤاڵە زیاتر لە‮ ‬60‮ ‬ جۆر گیاو خواردنمان نمایش كردوەو كەپێشتر باووباپیرانمان ئەم گژوگیانەیان بەكارهێناوە،‮ ‬لەهەمانكاتدا ژیانێكی‮ ‬ئاسودەو تەندروستیان بردوەتە سەر‮. ‬لەهەمانكاتدا هەوڵمانداوە بەهۆی‮ ‬ئەم گژوگیایانەوخۆراكە سروشتیانەوە زیاتر ئافرەتان لەماڵەكان بهێنینە دەرەوە بۆئەوەی‮ ‬بتوانن ژیانی‮ ‬خۆیانیان پێدابین بكەن وسود مەند بن كە رۆیشتون بۆ شارەزوورو هەورامان ئەم خۆراكانەیان هێناوەو ئامادەیان كردوە كە دەبینین ئامادەبوانی‮ ‬ڤیستڤاڵەكە دڵحۆشن و ئەوەی‮ ‬جێگای‮ ‬خۆشحاڵیە زۆرترین خانم بەشداربوە و هیوادارین بۆ ساڵانی‮ ‬داهاتو بتوانین لە شارەكانی‮ ‬تری‮ ‬كوردستان ئەم جۆرە ڤیستڤاڵانە‮ ‬ڕێكخەین و زۆرترین خەڵك بەشداربێت،‮ ‬ئەكرێت ئێمە لەم سێ مانگەدا بگەڕێینەوە بۆ سروشت و هەریەكێك لەم جۆرە گیایانە سودێكی‮ ‬تایبەتی‮ ‬هەیە بۆ لەش‮. ‬هەر لە فیستیڤاڵكەدا شلێر سەعید‮- ‬یەكیكی‮ ‬تر بو لەبەشداربوانی‮ ‬ڤیستڤاڵەكەو بەم جۆرە دواو گوتی‮: ‬ناساندنی‮ ‬خواردنە كوردەواریەكان بە هاوڵاتیان دووركەوتنەوە‮ ‬یە لەخواردنە بێ سوودەكان و بۆ ئەوەی‮ ‬خەڵك ئاشنا بكرێت بەو خواردنانەی‮ ‬كە تەندروستی‮ ‬باشیان هەیە بەتایبەت ئەو خواردنانەی‮ ‬كە باووباپیرانمان لەساڵانی‮ ‬ڕابردو بەكاریان دەهێناو تەندروستیان باش بو بەدەگمەن خەڵك نەخۆش‮ ‬دەكەوت‮. ‬