دوای‮ ‬چاوەڕوانییەكی‮ ‬دوورودرێژ،‮ ‬تیمێك لە پسپۆڕانی‮ ‬فەلەكناسی‮ ‬توانیان پەردە لاببەن لەسەر نهێنی‮ ‬ئەو تروسكاییە رووناكییە‮ -‬ ئاگرینییانەی‮ ‬كەماوەیەكی‮ ‬دووردێژبوو سەری‮ ‬لە زانایان سوڕماندبوو،‮ ‬ئەویش بە‮ ‬یارمەتی‮ (‬تلسكۆبی‮ ‬ئاسمانیی‮ ‬كیپلەر‮) ‬ی‮ ‬تایبەت بە ئاژانسی‮ ‬بۆشاییگەریی‮ ‬ئەمریكی‮ (‬ناسا‮). ‬
لەساڵی‮ ‬2012 ‮ ‬تیمێك توانی‮ ‬لەو داتایانە بكۆڵێتەوە كە لەلایەن تلسكۆبی‮ (‬كیپلەر‮) ‬ەوە رەوانە كرابوو و تایبەت بوو بە دەركەوتنی‮ ‬تریسكاییە رووناكییەكی‮ ‬بەهێزو خێرا لە گەلەستێرەیەك كە بە مەودای‮ ‬1.3 ‮ ‬ملیار ساڵی‮ ‬رووناكی‮ ‬لێمانەوە دوورە،‮ ‬ئەوكاتە پسپۆڕان نەیانتوانی‮ ‬بگەنە هیچ شیكردنەوەیەك بۆ ئەو دیاردەیە،‮ ‬ئاخۆ بریتی‮ ‬بوو لە تەقینەوەیەكی‮ ‬ئەستێرەیی‮ ‬مەزن لە جۆری‮ (‬سوپەرنۆڤا‮) ‬یاخود هەڵەیەكی‮ ‬تەكنیكی‮ ‬كۆمپیوتەرەكانیان بووە؟
ئەو جۆرە رووناكییە بە‮ (‬فلاشی‮ ‬گەشبووەوەی‮ ‬خێرا پەرەسەندوو‮ – ‬ FELTs‮ ‬ ناونرا و درەكەوت كەوا لەماوەی‮ ‬كەمتر لە مانگێكدا بەرزو نزم دەبێتەوە،‮ ‬كە ئەمەش ببووە هۆكاری‮ ‬ئەوەی‮ ‬لە زۆربەی‮ ‬زۆری‮ ‬روانگەو تلسكۆبە ئاسمانییەكاندا نەكەوێتە بەرچاو‮.‬
‮”‬تلسكۆبی‮ ‬كیپلەر ئێستا توانی‮ ‬درەگا واڵابكات لەسەر بینینێكی‮ ‬زۆر جیاوازو وردو پێشكەوتوو بۆ روانگەكردنی‮ ‬ئەو جۆرە دیاردانە،‮ ‬ئەگەرچی‮ ‬لە بنەڕەتەوە‮ (‬كیپلەر‮) ‬بۆ دۆزینەوەی‮ ‬هەسارە هەرە دوورەكانی‮ ‬دەرەوەی‮ ‬سیستەمی‮ ‬خۆر دیزاین كراوە‮”‬،‮ ‬لە زاری‮ (‬جێیسی‮ ‬دۆستۆن‮) ‬پسپۆڕی‮ ‬پڕۆژەی‮ ‬تلسكۆبی‮ ‬كیپلەر‮. ‬
داتا وەرگیراوەكان لە تلسكۆبی‮ ‬كیپلەر دەریخست كەوا ئەو دەرچە رووناكییە لە پڕو زۆر بەهێزەی‮ ‬كە لەو گەلەستێرەیەدا دەرچووبوو،‮ ‬سەرچاوەكەی‮ ‬لە ئەستێرەكە بووە كە لە قەراغی‮ ‬مەرگیدابووەو پێدەچێت ساڵێك پێش مردنی‮ ‬كۆتایی،‮ ‬جۆرە‮ (‬بڵق‮) ‬ێكی‮ ‬گازیی‮ ‬و تۆزو خۆڵیی‮ ‬وەك دوا چالاكییەكی‮ ‬پێش تەقینەوە كۆتاییكەیدا فڕێ داوەتە بۆشایی‮ ‬ئاسمانی‮ ‬دەوروبەری‮ ‬خۆی‮ ‬و لەسەر شێوەی‮ ‬دەرچەیەكی‮ ‬رووناكیی‮ ‬ماوە كورت،‮ ‬بەڵام‮ ‬یەگجار زۆر بەهێزی‮ ‬لێ كەوتۆتەوە،‮ ‬بە جۆرێك كە ئەو دەرچانە لە دواییدا بەدوای‮ ‬یەكدا هاتن و توانای‮ ‬رووناكییەكەی‮ ‬10 ‮ ‬جار ئەوەندەی‮ ‬توانستی‮ ‬رووناكی‮ ‬خودی‮ ‬تەقینەوەی‮ ‬مەزنی‮ ‬ئەستێرەیی‮ (‬سوپەرنۆڤا‮) ‬ببوون،‮ ‬ئەمەش بووە جۆرە شكڵ و شێوەو مۆدێلێكی‮ ‬نوێ و نەناسراوی‮ ‬تەقینەوەی‮ ‬ئەستێرەیی‮. ‬
پسپۆڕانی‮ ‬فەلەكناسی‮ ‬بەو هیوایەن كەوا لە رێگەی‮ ‬تلسكۆبی‮ ‬داهاتووی‮ ‬K2‮‬ و پڕۆگرامی‮ ‬TESS‮ ‬ بتوانن نموونەی‮ ‬دیكەی‮ ‬هاوشێوەی‮ ‬ئەو رووداو و دیاردە فەلەكییە ناوازەیە بدۆزنەوە،‮ ‬بەڵام بە شێوەیەكی‮ ‬كرداری‮ ‬و تائێستا لە رێگەی‮ (‬تلسكۆبی‮ ‬ئاسمانیی‮ ‬كیپلەر‮) ‬ەوە توانراوە‮ ‬20 حاڵەتی‮ ‬دیكەی‮ ‬جیای‮ ‬تەقینەوەی‮ ‬مەزنی‮ ‬ئەستێرەیی‮ ‬بدۆزرێنەوە‮.‬