سیمۆن بایلیزی‮ ‬كچە جومناستیكی‮ ‬ئەمریكی‮ ‬كە هەڵگری‮ ‬4 میدالیای‮ ‬زێڕی‮ ‬ئۆڵۆمپیادە،‮ ‬بەهۆی‮ ‬ئازارەوە لە وەرزش دوور دەكەوێتەوە گومان لەخۆی‮ ‬دەكات كە جارێكی‮ ‬تر بتوانێت بگەڕێتەوە سەر وەرزشی‮ ‬جومناستیك،‮ ‬هەروەها لەبەر قسە خۆشەكانی‮ ‬هەمیشە بە كچە گاڵتە ئامێزەكەی‮ ‬گۆڕەپانی‮ ‬جومناستیك ناوی‮ ‬دەبەن‮.‬

ئەگەرچی‮ ‬سیمۆن تەمەنی‮ ‬هێشتا نەگەیشتۆتە‮ ‬23 ساڵ و ئەوتوانایەی‮ ‬ماوە كە بتوانێت ركابەری‮ ‬پاڵەوانانی‮ ‬جیهان بكات،‮ ‬بەڵام لەناكاو بەبیانووی‮ ‬ئازاری‮ ‬جەستەیە بەشداری‮ ‬هیچ پاڵەوانێتییەك ناكات،‮ ‬ئێستاش هەمووان داوای‮ ‬لێدەكەن بگەڕێتەوە،‮ ‬بۆیە لەوەڵامی‮ ‬ئەمەدا گوتی‮: ‬كەس بڕوام پێناكات كە جەستەم ئازاری‮ ‬هەیە،‮ ‬بڕوام پێبكەن بایەكی‮ ‬سارد لێم بدات ئەوا هەموو جەستەم ئازاری‮ ‬دەبێت،‮ ‬رەنگە هەقیشیان بێت بڕوام پێنەكەن،‮ ‬چونكە لەوتەمەن بەخۆشم نازانم ئەو ئازارەم لەكوێ بۆ هات؟

هەروەها سیمۆنی‮ ‬بە پێكەنینەوە‮ ‬گوتی‮: ‬تكاتان لێدەكەم بڕوام پێ بكەن،‮ ‬من ئەو سیمۆنەی‮ ‬جاران نیم كە هەر چوارپەلم بەردەوام لە بۆشایی‮ ‬ئاسمان بوو،‮ ‬ئەگەر وابڕوات لەتەمەنی‮ ‬30 ساڵیدا لەسەر كورسی‮ ‬كەمئەندامان دەمبینم،‮ ‬رەنگە ئەوكات بڕوام پێ بكەن،‮ ‬نا نەخێر ئەوكاتیش بڕوام پێناكەن،‮ ‬چونكە من پیر نەبوویمە‮.‬