خەبات‮-‬ ‬ساڵح محەمەد تەیرۆ:
ل‮ ‬رۆژا‮ ‬12-3-1991‮‬ و بەرییا‮ ‬28‮ ‬ساڵان جەماوەری‮ ‬دەڤەرا‮ ‬ئاكری‮ ‬و ناحیا بەردەرەش كو هنگی‮ ‬بەردەرەش ناحیە بوویە و سەر ب قەزا ئاكرێ ڤە بوویە و‮ ‬ب هەمی‮ ‬چین و توێژین‮ ‬خوڤە و ب ئێك هەلویستا نەتەوی‮ ‬و نیشتیمانی‮ ‬و وەكو كلیل و دەروازا دەڤەرا بادینان راپەرین‮ ‬كر و بۆ دەمەكێ كێم جەماورێ قەزا ئاكرێ و ناحیا بەردەرەش و ب دەروبەرێن خوڤە شیان دەست دانێن سەر دام و دەزگەه و بارەگایێن رژێما بەعسا فاشیست.ل بیرئانینا‮ ‬28‮‬مین سالڤەگەرا سەرهلدانا دەڤەرا ئاكرێ مە بفەر زانی‮ ‬لسەر چەوانیا خوبەرهەڤكرنا ڤێ سەرهلدانا پیرۆز،‮ ‬بیرەوەریێن بەشداربوویێن سەرهلدانێ دئەڤێ‮ ‬ڕاپورتێدا تومار بكەین و بێخینەبەر چاڤێن خویندەڤانێن روژناما خەبات‮. ‬
لدەستپێكێ دا‮ ‬سەعدوڵڵا محەمەدسەلیمبەرنیاس ب‮ ‬سەعدو شوشی‮‬كو رولەكێ دیار و بەرچاڤ هەبوویە لسەرهلدانا دەڤەرێ بۆ خەبات گۆت‮: ‬ئەم وەكو رێكخستنێن نهێنی‮ ‬یێن سەر ب پارتی‮ ‬دیموكراتی‮ ‬كوردستان‮ ‬رێكخراوا روناهی‮ ‬و ب بانگەوازیێن ئیزگێ دەنگێ كوردستانێ لروژێن‮ ‬8-9-10-11\3‮‬ هاتینە ئاگەهداركرن كوب راستی‮ ‬رولێ ئیزگەی‮ ‬لسەرهلدانێن كوردستانێ نابیت بهێتە ژبیركرن،‮ ‬مەژی‮ ‬وەكو رێكخراو ب ئامادەبوونا بەرپرس و ئەندامێن لیژنێ وەكو ئەركەكێ نەتەوی‮ ‬خۆ ئامادەكر و كومبونەك سازكر،‮ ‬هەر دڤێ كومبونێ دا چەندین بریار هاتنە دان وەك ئاگەهداركرنا تەڤایا رێكخستنێن نهێنی‮ ‬ئەوێن سەر ب مەڤە و هەروەتوڤ ئاگاهداركرنا پیاوماقویلێن دەڤەرێ كو ئەوژی‮ ‬دگەل مە و جەماور دهاروكاروبن،‮ ‬هەروەها شێخ ئیبراهیم بهێتە ئاگەهداركرن كو ئەوژی‮ ‬ئاگەهداریا بەرپرسێن سەربازگەها رژێمی‮ ‬بكەن كو ئەڤە هێزەكا مەزنا پێشمەرگەیی‮ ‬هاتن و مولگەهێن خو چول بكەن و تاكو زەرەر و زیان نەگەهیتە جەماوری،پاش ئەم دگەل‮ ‬مستەفا تاها ئیسلامبەرنیاس ب‮ ‬مستەفا دوستەكی‮‬كو هەڤالەكێ دلسوز و پێشمەرگەهەكێ دێرین‮ ‬یێ شورشا ئیلونا مەزنە،‮ ‬ئەم كومبوین كو ئەوژی‮ ‬ب رولێ خو را ببیت و ئاگەهداریا پیاوماقولێن دەڤەرا سورچیایەتی‮ ‬و زێباریێن دەڤەرا دینارتێ بكەت بۆ سەرهلدانێ و هەلبەت ئەوژی‮ ‬ب ئەركێ خو رابوو وئاگەهدارییا شیخ شەهاب وشێخ دیفاع سورچی‮ ‬و لەزگین عەبدولقەهار‮ ‬زیباری‮ ‬كر‮.‬
‮ ‬ب راستی‮ ‬ئەڤ سەرهلدانە جەماورێ دەڤەرا‮ ‬قەزا ئاكرێ وناحیا بەردەرەش ب هەمی‮ ‬چین و توژێن خوڤە ئەنجامدا و ب خوراگری‮ ‬و ب هەلویستەكا نەتەوی‮ ‬چەك ل ملێن خوگرێدان و هەموو بوونە پێشمەرگە و راپەرین بۆ نەمانا زولم و زوردارییا رژێما بەعسا گور بگور‮.‬
د درێژیا گوتنێن خودا،‮ ‬سەعدوڵڵا محەمەد سەلیمدیاركر‮: ‬ل سپێدەیا‮ ‬رۆژا‮ ‬12-3-1991‮ ‬رێكخستنێن نهینی‮ ‬یێن پارتی‮ ‬دیموكراتی‮ ‬كوردستان و جەماورێ خوراگرێ ئاكرێ و دەوروبەر دەست ب سەرهلدانێ كرن و هەر زوی‮ ‬هەمی‮ ‬بارەگا و دام و دەزگەهێن رژێمێ گرتن و مزگینیا ئازادی‮ ‬هاتە راگەهاندن بۆ ئاكرێ‮. ‬بۆ دیروكێ دبێژم ئازادكرنا ئاكرێ بووە كلیلەو دەروازا سەرهلدانا دەڤەرا بادینان‮ ‬بوو‮. ‬فەرە ئاماژێ بدەم كو هەرزوی‮ ‬مە چەندین هەڤال دەست نیشانكرن بۆ پاراستنا بەلگەهێن دام ودەزگەهان تاكو نەهێنە سوتن وبرن و تالانكرن،‮ ‬هەر ل وێ رۆژی‮ ‬دوو هەڤال هاتنە دەست نیشانكرن و رەوانەكرن بۆ سەر زێی‮ ‬قەندیلی‮ ‬تاكو لقا2 هێزێن پێشمەرگەیی‮ ‬رەوانەیی‮ ‬سنورێ مە بكەن و پاش هێزێن پێشمەرگەیی‮ ‬ب سەرپەرشتیا‮ ‬زریان خوشناو جەبەلی‮ ‬ئەرگوشی‮ ‬گەهشتنە ئاكرێ و ب هاتنا وان پتر جەماورێ ئاكرێ و دەوروبەر ب جوش وخروش كەفتن و پشتی‮ ‬چەند رۆژان چەندین هێزێن دی‮ ‬یێن پێشمەرگێن پارتی‮ ‬دیموكراتی‮ ‬كوردستان هاتنە دەڤەرێ مینا قووەتا بابەكرزیباری‮ ‬و شەهید عەبدولڵا قادو و شەهید سلیمان هەرنی‮ ‬و قوەتا شەهید مەحمود هەرنی،‮ ‬شەهید شیمال ئاكرەیی‮. ‬لدویماهیێ پێتڤی‮ ‬یە مروڤ رولێن ئەڤان كەسان ژی‮ ‬ل بیرنەكەت مینا خودێ ژێ رازی‮ ‬ئیسماعیل مەحمود‮ ‬،كەریم خیلافتی،‮ ‬عوبەید ئیسماعیل‮ ‬و‮ ‬عەبدولرەحمان رەشید‮ ‬،‮ ‬عمر سلیمان‮ ‬،‮ ‬سەعدی‮ ‬جەمیل‮ ‬،‮ ‬ئەمین نەعو،‮ ‬رزگار رەشید ئەمین‮. ‬لێ ئەڤ سەرهلدانە ب هیمەتا جەماورێ خوراگرێ ئاكرێ و دەوروبەر هاتەكرن كوهیچ دەمەكێ نابیت رولێ جەماوری‮ ‬بهێتە ژبیركرن چونكی‮ ‬ئەگەر جەماور نەبا سەرهلدان نەدهاتە كرن‮. ‬هەر بڤێ هەلكەفتنێ پر ب دل پیروزباهیێن خو ئاراستەیی‮ ‬تەڤایا جەماورێ كوردستانێ ب گشتی‮ ‬ویێ دەڤەرا ئاكرێ وبەردەرەش ب تایبەتی‮ ‬دكەم‮.‬
‮‬سوفی‮ ‬باپیر‮ ‬بەرنیاس ب‮ ‬سوفی‮ ‬شنی‮ ‬بەژداربوویێ‮ ‬ڕاپەرینا ئاكرێ،‮ ‬كو بەرپرسێ رێكخراوا‮ ‬چیا‮ ‬یا نهێنی‮ ‬یا پارتی‮ ‬دیموكراتی‮ ‬كوردستان بوویە‮. ‬رولەكێ كاریگەر هەبوویە ل سەرهلدانا دەڤەرا ئاكرێ بۆ رۆژناما خەبات گوت‮: ‬پشتی‮ ‬چەندین بانگەوازی‮ ‬ژلایێ ئیزگێ دەنگێ كوردستانێ كو ئاراستەیی‮ ‬مەهاتینە كرن،‮ ‬وەكو رێكخستن كو ئەم دگەل جەماوری‮ ‬خو ئامادە بكەین و سەرهلدانێ دەست پێ بكەین و مینا دەڤەرێن هاتینە رزگاركرن،‮ ‬ئەمژی‮ ‬ل ئاكرێ رزگار ببین‮. ‬مەژی‮ ‬دگەل رێكخستنێن خو،‮ ‬خوئامادەكر و كومبون دگەل‮ ‬رێكخراوا روناهی‮ ‬هاتەكرن بۆ سەرپەرشتی‮ ‬كرنا سەرهلدانا جەماورێ دەڤەرا ئاكرێ ب دەور و بەرڤە و ل دەستپێكێ مە بریار دا بۆ گرتنا جهێن بلند ئەوێن هنداڤ باژێرێ ئاكرێ تاكو دوژمن ئەوان جهان نەگریت و زاڵ نەبیت لسەر جەماورێ خوراگرێ ئاكرێ ب هەمی‮ ‬چین و توێژڤە ورۆژا‮ ‬12-3-1991‮‬ مە دەست نیشانكر بو سەرهلدانی‮ ‬و هەروەسا‮ ‬مە ئاگەهداریا پیاوماقویلێن دەڤەرێ ژی‮ ‬كرن تاكو ئەوژی‮ ‬پالپشت وهاندەرێن جەماوری‮ ‬بن بو رۆژا سەرهلدانێ و دیسان‮ ‬سەعدوشوشی‮ ‬و عوبەید ئیسماعیل‮ ‬كو بێنە رەوانەكرن ب نامەیەكێ بو لقی2 ‮ ‬تاكو هێزێن پێشمەرگەیی‮ ‬بۆمە بهێن،‮ ‬ل سپێدەیا رۆژا‮ ‬12-3-1991‮‬ئەم زیاتر ل‮ ‬15‮ ‬كەسان ب درویشمێن كوردایەتیێ بەرەف بارەگایێ رێكخستنا بەعسیا ڤە چووین و هەر زوی‮ ‬ب زوی‮ ‬وب هاروكارییا جەماورێ ب شەرەفێ ئاكرێ مە شیان دەستا دانینە سەربارەگایی‮ ‬ئەمنا بەعسا و جەماورێ خوراگرێ ئاكرێ ب هەمی‮ ‬چین و توێژاڤە بەرەف سەربازگەه و دام ودەزگەهێن رژێمێ چوون ومزگینیا ئازادی‮ ‬و سەرفیرازیێ گەهششتە هەمی‮ ‬خەلكێ ئاكرێ‮ ‬یا كو نوكە دبێژنێ ئاكرێ‮ ‬یا كەڤن،‮ ‬هەروەتۆڤ چەند هەڤال ژی‮ ‬هاتبوونە دەست نیشانكرن بو پاراستنا بەلگەه ومستەمسكاتێن دام ودەزگەهان‮. ‬پشتی‮ ‬كوجەماوری‮ ‬و رێكخستنێن نهێنی‮ ‬دەڤەرا ئاكرێ پاكژكری،‮ ‬هێزەكا پێشمەرگەیێ لقا2 ب سەرپەرشتیا‮ ‬زریان خوشناو‮ ‬،‮ ‬جەبەلی‮ ‬ئەرگوشی‮ ‬گەهشتنە دەڤەرێ و ب هاتنا پێشمەرگەیی‮ ‬گەرم و گورییەكادی‮ ‬بۆ جەماورێ سەرهلدایی‮ ‬دروست بوو.لڤێرە‮ ‬یافەرە لبیرا مەنەچیت كو ئەڤ سەرهلدانە ب هیمەت وخوراگریا جەماورێ ئاكرێ و دەور و بەربوو ب هەمی‮ ‬خەلكیڤە،‮ ‬هەر ل پشتی‮ ‬رزگاربوونێ تەڤایا دام و دەزگەها،‮ ‬فەرمانبەر هاتنە ئاگەهداركرن كو بزڤرنەف سەردەواماخو وخزمەتا مللەتێ خوبكەن و ب راستی‮ ‬ژی‮ ‬دەست بكاربون ئەڤەژی‮ ‬پاڵپشتییەكا دیكە بوو بو سەرهلدانا پیروز‮.‬
هەروەسا هەڤال زەكی‮ ‬سەلیم ئاكرەیی‮ ‬كو ئێك بوویە ژ پشكدارێن سەرهلدانا ئاكرێ،‮ ‬وەها بو روژناما خەبات گۆت‮:‬‮ ‬ب هەلكەفتا رۆژا سەرهلدانا ئاكرێ كلیلا سەرهلدانا بادینان،‮ ‬پیروزباهیا هەمی‮ ‬خەلكێ‮ ‬كوردستانێ ب گشتی‮ ‬و نەمازە خەلكێ ئاكرێ دكەم و ب تایبەت جەنابێ سەروك بارزانی‮. ‬هەلبەت پشتی‮ ‬رزگاركرنا باژێرێ رانیێ و هەڤلێرێ مە وەكو رێكخستنێن پارتی‮ ‬دیموكراتی‮ ‬كوردستان‮ ‬یێن سەر ب رێكخراوا‮ ‬چیا‮ ‬پارتی‮ ‬دیموكراتی‮ ‬كوردستان،‮ ‬بەردەوام مە گوهداریا ئیزگێ دەنگێ كوردستانێ دكر دەما‮ ‬سەباح بەیتوللا‮ ‬كو هنگی‮ ‬بێژەرێ پشكا بادینی‮ ‬یا ئیزگەیی‮ ‬بو ونوكە ژی‮ ‬بەرپرسێ لقێ‮ ‬9 ‮ ‬كو بانگەوازی‮ ‬ددانە خەلكێ ئاكرێ‮ ‬كو خۆ بەرهەڤ بكەن‮ ‬بۆ رۆژا سەرهلدانێ و لدویڤ دا مە چەندین كومبون ئەنجام دان بۆ دیاركرنا رۆژا سەرهلدانێ و مەپەیوەندی‮ ‬ب چەندین كەسایەتیا كر دناڤ ئاكرێ‮ ‬و دەوروبەرێت ئاكرێ و خوشبەختانە هەمی‮ ‬د هاریكار بوون و ئەم بهەڤرا پێكهاتین كو رۆژا‮ ‬12/ئادارێسەرهلدانێ بكەین و بەری‮ ‬هنگی‮ ‬ب‮ ‬24‮‬ دەم ژمێران‮ ‬مە نامە بۆ دام ودەزگەهێن رژێمێ‮ ‬رەوانە كرن كو پێدڤی‮ ‬یە ل ئاكرێ‮ ‬دەركەڤن‮. ‬ئەوبو ل سپێدەیا‮ ‬رۆژا‮ ‬12 ێ ئادارێ‮ ‬رژێما عیراقێ هەموو‮ ‬فەرمانگەه چوولكرن و بەرەڤ میسل‮ ‬چوون و چریسكا سەرهلدانێ‮ ‬لبەر دەرێ قشلێ دەست پێكر وهەمی‮ ‬تەخ و چینێن جەماوەرێ ئاكرێ ودەوروبەر پشكدار بوون بێ جوداهی‮ ‬و لبەراهیكێ لیژنا بەرگری‮ ‬و لیژنا رەوشەنبیری‮ ‬و لیژنا ئەمنی‮ ‬و لیژنا پاراستنا مولكی‮ ‬گشتی‮ ‬هاتنە دانان و هەروەسا مە هێز دابەشكرن ب سەر فەرمانگەهێن گشتی‮ ‬یێن حكومەتێ بو پاراستنا مالێ گشتی‮ ‬و مە قووەتەك دروست كر بو پەلاماردانا فەوجا عەسكەری‮ ‬یا ئاكرێ و دائیرا ئەمنێ و ئیستیخباراتێ و بارەگایێ جەیشا شەعبی‮ ‬و رێكخراوا بەعسیا و بۆ دەمەكێ زورێ كورت خەلكێ ئاكرێ و دەوروبەر شیان ئاكرێ وناحیێن وێ رزگار بكەن و هەلبەت دهەمان رۆژدا مزگینیا رزگاركرنا‮ ‬باژێرێن دی‮ ‬ژی‮ ‬ئەوێن ل سنورێ قەزا ئاكرێ ژ لایێ سەباح بەیتوللا هاتە راگەهاندن ل ئیزگێ دەنگێ كوردستانێ‮.‬
هەروەها‮ ‬نڤیسەر‮ ‬ماجد ئەحمەد شەعبان‮ ‬بوو روژناما خەبات پەیڤی‮:‬‮ ‬ل سپێدەهیا‮ ‬رۆژا‮ ‬12-3-1991‮ ‬خەلكێ ئاكرێ و دەوروبەر ب هەمی‮ ‬تەخ وتوێژوچینێن خوڤە سەرهلدا ومل ب ملێ باژارێن دی‮ ‬یێن كوردستانێ هەستان ب رامالینا هێزێن داگیركەرێن كوردستانی،هەلبەت‮ ‬دەڤەرا ئاكرێ تایبەتمەندیەك جودا هەبوویە دگەل باژێرین دی‮ ‬یێن كوردستانێ،‮ ‬چونكە دەڤەرەكا پڕ‮ ‬كێشە و ئاستەنگ بوویە ل وی‮ ‬وەختی،‮ ‬لێ خەلكێ ڤێ دەڤەرێ ب باژێر و باژێركێن سەر ب وێڤە ب‮ ‬یەك دەنگ و‮ ‬یەك هەلویست چەكێ شەرەفێ و كوردایەتیێ هەلگرت و شیان تەڤایا بارەگا و بنگەهێن رژێما دكتاتوری‮ ‬دەستەسەر بكەن و تەسلیمی‮ ‬ئیرادا خەلكێ دەڤەرێ بكەن،‮ ‬لێ ل نك من ئەڤ رۆژە تایبەتمەندیەكا گرنگا هەی،‮ ‬چونكە بۆ جارا ئێكێ بوو ئەڤ دەڤەرە هاتیە ئازادكرن وخەلكێ ڤێ دەڤەرێ بخو حوكمرانیا خو بكەت‮ ‬،‮ ‬هەلبەت هێزێن پێشمەرگەیی‮ ‬ژی‮ ‬دگەل جەماورێ سەرهلدایی‮ ‬بوونە پارێزەرێن ڤێ دەستكەفتیا پیرۆز‮. ‬بۆ دیروكێ ئاكرێ دەروازەیا سەرهلدانا بەهدینایە و ئەڤ رۆژە لمە هەمیا پیروزبیت‮.‬
هەروەتۆڤ‮ ‬روژنامەنڤیس‮ ‬ئەلند ئاكرەیی‮ ‬بۆ خەبات گوت‮:‬
‮ ‬روژا‮ ‬12 ‮ ‬ئادارا1991 ‮ ‬د بیردانكا مەدا ئەو رۆژە كو دەڤەرا ئاكرێ رزگاربووی‮ ‬ل دام و دەزگەهێن رژێما فاشیست ول ڤی‮ ‬روژێ دا كەنی‮ ‬و بشكورین كەفتە سەر لێڤێن مە‮ ‬ونوكە ژی‮ ‬ل ژیر سایەیا حكومەتا هەریما كوردستانی‮ ‬دا رەوشەكا پر ئازادی‮ ‬وئاشتی‮ ‬دژین وفەرە ئەم هەمی‮ ‬ب ئێكرێزیێ ئەڤان دەسكەفتیان بپارێزین و بەرەف پێشڤە ببەین و دووبارە ئەڤ بیرئانینە ل هەموویان پیروز بیت‮ ‬وسوپاسیا روژناما خەبات دكەم بۆ ڤێ راپۆرتێ‮.‬