ڕزگار نوری‮ ‬شاوەیس
لەم دنیایەدا هەموو كۆمەڵگەیەك لە كۆمەڵگەكانی‮ ‬مرۆڤ‮ ‬بە گوێرەی‮ ‬مێژووجیوگرافیا و جۆرەها فاكتەری‮ ‬دەرەكی‮ ‬و ناخۆی‮ ‬تایبەت بەخۆیەوە هەر لە ئابوورییەوە هەتا باری‮ ‬ڕۆشنبیری‮ ‬و باوەڕ‮ ‬و ئیمان‮ ‬بە كەشوهەواوە،‮ ‬لە رووی‮ ‬پەیڕەوكردنی‮ ‬بەها مرۆییەكانەوە هەنگاوی‮ ‬بەرەو پێشكەوتن‮ ‬ناوە‮ ‬،‮ ‬هەندێك گورج بوون‮ ‬،‮ ‬هەندیك سست و تەمبەڵ‮ ‬،‮ ‬هەندێكیش ئەگەر وەكو‮ (‬میزی‮ ‬حوشتر‮) ‬بۆ دواوە نەگەڕابنەوە،‮ ‬زمان بەستە و دەسەپاچە سڕ‮ ‬بوون و لە جێی‮ ‬خۆیاندا چەقیوون‮.‬
‮ ‬جا با بێینە سەر ئەوەی‮ ‬گەرەكمە بە بۆنەی‮ ‬ڕۆژی‮ ‬جیهانیی‮ ‬ژنان كە‮ ‬ڕۆژی‮ ‬8ی‮ ‬مارت‮ -‬ ئازار‮‬ی‮ ‬بۆ تەرخان كراوە لە سەرانسەری‮ ‬جیهاندا‮..‬
سەبارەت بە‮ (‬توخمی‮ ‬ئەفرۆدێت‮) ‬ئافرەتان‮ – ‬ژنان‮-‬ خانمان،‮ ‬دەڵێم‮:‬
شاراوە نییە كە وەك نەریت و‮ (‬ڕۆتینێك‮) ‬لە پاش‮ ‬ڕاپەڕینە مەزنەكەی‮ ‬گەلەكەمان ژ بەهاری‮ ‬ساڵی‮ ‬1991 ژ كە كچان و ژنانی‮ ‬كۆمەڵگەی‮ ‬ئەم هەرێمەی‮ ‬كوردستان‮ ‬ڕۆڵێكی‮ ‬بە هێز و قارەمانانەیان لە سەرخستنی‮ ‬هەبوو،‮ ‬گەلێك بۆنە وچالاكی‮ ‬شارستانیانەی‮ ‬جیهانی‮ ‬لە نێو كۆمەڵگەكەماندا بوونە نەریت و بایەخیان پێدرا‮ . ‬جا بە بۆنەی‮ ‬رۆژی‮ ‬جیهانیی‮ ‬ژنانەوە‮ ‬،‮ ‬بەندە پیرۆزبایی‮ ‬لە بانووان و خانمانی‮ ‬كوردستانە شیرینەكەمان دەكەم،‮ ‬ئەگەر چیش نازانم ئەم پیرۆز باییە كە منیش وەكو عالەمەكە كردم‮ ‬،‮ ‬دەرهەق بە كام دەسكەوت و سەركەوتنی‮ ‬گەورەی‮ ‬ئافرەتانی‮ ‬وڵاتەكەمە كە حسابی‮ ‬وەرچەرخاندنێكی‮ ‬مەزن و ئاكتیڤی‮ ‬و پۆزەتیڤی‮ ‬بۆ كرابیت لە‮ ‬ڕەوتی‮ ‬تێكۆشانی‮ ‬خانمانی‮ ‬كوردستاندا كە بەشێكی‮ ‬هەرە گرینگی‮ ‬خەباتی‮ ‬نەتەوەكەمانە‮..‬
بەڵام‮ ‬بێشك تەمەننای‮ ‬گوزەرانێكی‮ ‬باشتر و ئازادتریان بۆ دەكەم لەهەمان كاتیشدا ئەچپێنم بە گوێیاندا و دەڵێم‮ (‬مرۆڤ بە خۆی‮ ‬ماف و ئازادییەكانی‮ ‬نەسێنێت‮ ‬،‮ ‬كەس پێی‮ ‬نابەخشێت‮)..‬
‮ ‬ئەوەیش كە ئەمساڵ لەم‮ ‬ڕۆژەدا بە بیرمدا هات گلەییەكی‮ ‬گچكۆكەیە لە سەرجەم خانمانی‮ ‬كوردستان،‮ ‬بە تایبەتی‮ ‬دایكان و خوشكان و هاوژینانی‮ ‬شەهیدانی‮ ‬خەباتی‮ ‬سەختی‮ ‬نەتەوەمان كە ژیان و تەمەنی‮ ‬گەشیان كردە قوربانیی‮ ‬لە پێناوی‮ ‬ئازادییەكانی‮ ‬مرۆڤی‮ ‬كورد‮ (‬بەنێر و مێو‮). ‬
بە خانمانی‮ ‬سەر بڵندی‮ ‬وڵاتەكەم دەڵێم‮ :‬
زۆر خۆشحاڵ دەبووین كە بەچاوی‮ ‬خۆمان بماندیبایە و بەگوێمان بمانبیستایە كە ئێوەی‮ ‬ژنانی‮ ‬كوردستان كە تیاتاندا نییە لە دوور‮ ‬یان نزیك ئازیزێكی‮ ‬شەهید نەبووبێت،‮ ‬لە م بۆنەیەدا بەناوی‮ ‬دایكان و خوشكان و هاوژینانی‮ ‬شەهیدانەوە لەدەوری‮ ‬دروشمێك گردبوونەتەوە،‮ ‬بە‮ ‬یەك دەنگ داوای‮ ‬یەك‮ ‬ڕیزیی‮ ‬توانا و هەڵوێست،‮ ‬گوتارو‮ ‬ئامانجی‮ ‬هێزە‮ ‬كوردستانییەكان بكەن،‮ ‬چونكە بێ‮ ‬یەك‮ ‬ڕیزیی‮ ‬كۆمەڵگە هەموو ماف و هەقێك قاییلی‮ ‬پێشێلكردن و بزركردنە‮ ‬،‮ ‬بە بێ‮ ‬یەك‮ ‬ڕیزی‮ ‬دادپەروەری‮ ‬و‮ ‬یەكسانی‮ ‬مەحاڵە،‮ ‬مافە سرووشتییە مرۆییەكانی‮ (‬نێر و مێ‮) ‬لە تەم و نژێكی‮ ‬خەستدایە و پەیڕەوكردنیان لێڵ و وێڵە‮. ‬
بەش بە حاڵی‮ ‬خۆم‮ ‬دڵنیام لەوەی‮ ‬كە كەسوكار و خانووادەی‮ ‬شەهیدانی‮ ‬سەربڵندی‮ ‬نەتەوەمان لە پەیام و خواست و داوای‮ ‬یەك‮ ‬ڕیزی‮ ‬لە هەموو كەسێكی‮ ‬دیكە نزیكترن،‮ ‬لە گرنگیی‮ ‬ئەو پەیامە نەتەوەییە پیرۆزە‮ ‬،‮ ‬هۆشمەند تر و خەمخۆرترن،‮ ‬یەكڕیزیی‮ ‬درووست و‮ ‬ڕاستەقینە لەوانەوە دەست پێدەكات و بنیات دەنرێت،‮ ‬چونكە خاوەنی‮ ‬یەك موعاناتن‮ ‬،‮ ‬یەك زام و ئێش و ئازارن و خاوەنی‮ ‬ئەو قوربانییە گەورانەن كە بۆ هەموو ئازادییەكانی‮ ‬كورد و كوردستان دراوە نە تەنها بۆ حزبێك‮ . ‬
ئەوە قسەم بوو بۆ خانمانی‮ ‬ئازیز و بە‮ ‬ڕێزی‮ ‬ئەم كوردستانەمان،‮ ‬ئەما سەبارت بە توخمی‮ (‬نیرینەمان‮). ‬دەڵێم‮:‬
‮- ‬بەڕێزان،‮ ‬هیچ قسووری‮ ‬تیدا نییە گەر بڵێم كە زۆرینەمان لەم‮ ‬ڕۆژەدا‮ (‬جەنتڵین‮) ‬،‮ ‬جەنتڵیش نەبین دەچینە كەوڵی‮ ‬جەنتڵەوە و‮ (‬دەجەنتڵێنین‮ ..!) ‬بە تایبەتی‮ ‬هەندێكمان لەوانەی‮ ‬كە نازناوی‮ (‬سیاسەتمەدار‮) ‬و‮ ‬ڕۆشنبیر و ئەو تەرحە شتانەیان بو خۆیاندا دادوریوە،‮ ‬كەچی‮ ‬هەتا ئێستا‮ ‬،‮ ‬بگرە هەتا‮ ‬ڕۆژی‮ ‬حەشر لەو‮ (‬مەدارەی‮) ‬تیادا دەخولێەوە و فڕكەیان دێت‮ ‬،‮ ‬قەتیسن توانای‮ ‬پەڕینەوەیان نییە بۆ مەدارێك خۆشیان و میللەتیش لە بازنەی‮ ‬تەبایی‮ ‬و‮ ‬یەك‮ ‬ڕیزی‮ ‬و پاراستنی‮ ‬بەرژەوەندییەكانی‮ ‬گەل و وڵات بحەسێنەوە و لە خزمەت هەمووكورد و كوردستان بن بە نێر و مێوە‮..‬
خۆ هەندێك نێرینەی‮ ‬دیكە لە كۆمەڵگەماندا هەن ئەگەر بهاتبایە و خوانەخواستە پێغەمبەری‮ ‬ئیسلام محمد دروودی‮ ‬خودای‮ ‬لەسەر بێت‮ ‬خاتم الانبیاء‮) ‬نەبووایە،‮ ‬هەرگیز بە ناز ناوی‮ (‬ئەمیر‮) ‬یان‮ (‬مرشد‮) ‬قاییل نەدەبوون‮ ‬،‮ ‬بوونی‮ ‬مرۆیی‮ (‬مێ‮) ‬و مافەكانی‮ ‬بە مافی‮ ‬ژیانەوە‮ ‬یەكێكە لە كێشە زەبەلاحەكانیان لەم دنیایە وەك مافێكی‮ ‬پیاوانە هەقی‮ ‬چواریان هەیە زائیدەن‮ (‬ما ملكت ایمانهم‮) ‬لەو دنیاش زۆر لەوە زیاتر‮..!‬
‮ ‬دەی‮ ‬با لێی‮ ‬گەرێین‮ ‬،‮ ‬كاتی‮ ‬ئەم توانج و خوتە خوت‮ ‬و بۆڵە بۆڵە نییە‮ ‬،‮ ‬لەسەری‮ ‬نەڕۆین چاترە،‮ ‬و بێینەوە سەر گلەییەكەم لە توخمی‮ (‬نێر‮) ‬لە كۆمەڵگەكەماندا،‮ ‬گلەییەكەم پرسیارێكە لە هەموو ئەوانەی‮ ‬لە‮ ‬8ی‮ ‬مارتدا‮ ‬بە‮ ‬ڕێكەوت مەسەلەی‮ ‬هەرە دیرینی‮ ‬مافی‮ ‬ژنانیان دێتەوە‮ ‬یاد و لە‮ (‬9‮)‬ی‮ ‬ماردا لە‮ ‬یادیان دەچێت‮ ‬،‮ ‬ئەوانەی‮ ‬كە لە‮ ‬8ی‮ ‬مارتدا‮ – ‬كەڵەشێرانە‮ -‬ سینگی‮ ‬بەرگریكردن لە مافی‮ ‬مێ دەردەپەڕێنن و بە جۆش و خرۆشی‮ ‬جوامێرێكی‮ ‬تەزویرەوە‮ ‬،‮ ‬بە فرمێسكی‮ ‬تیمساحانە و ئاخوئۆفی‮ ‬حەفتا و حەفت‮ ‬ڕەنگەوە خۆیان دەهاوێژنە گۆمی‮ ‬مەنگی‮ ‬ماف و كێشەكانی‮ ‬ئافرەتی‮ ‬كوردەوە و بۆقە مەلەی‮ ‬تیدا دەكەن‮ ..! ‬پرسیاریان لێدەكەم‮:‬
بەڕێزان‮. ‬قەت ئامادەی‮ ‬ئەوە بوون،‮ ‬بە قیچێك لەم هەموو حەماس و هەست و نەستەی‮ ‬لە هەندێك‮ ‬8ی‮ ‬مارتدا دریدەبڕن،‮ ‬ئامادەن‮ ‬ڕۆژێك لە‮ ‬ڕۆژان‮ (‬مەرج نییە‮ ‬8ی‮ ‬مارت بێت‮ ) ‬بچنە‮ (‬تەنها نێرینەكان‮) ‬ئەگەر دە بیست‮ ‬نەفرێكیش بن،‮ ‬زەق و‮ ‬ڕەق،‮ ‬بە قسەی‮ ‬هەق بەرگری‮ ‬لە ئافرەتان و مافەكانیان بكەن و پێداگری‮ ‬لەسەر دابین كردنیان و چەسپاندنیان بە‮ ‬یاسا بكەن‮..‬؟