هاندەرانی ریال مەدرید تووڕەیی خۆیان رشتە سەر سەرۆكی یانەی شاهانە فلۆرینتینۆ پێرێزی سەرۆكی یانەی ریال مەردید، دوای ماڵئاوایی كردنیان لەخولی یانە پاڵەوانەكانی ئەوروپا لە نیوە شەوی سێ شەممەی رابردوو، ریال مەدرید دوای ئەوەی لەیاری چوون بە 2-1 گۆڵ لەیانەی ئەیاكسی بردەوە لەقۆناغی 16ی ئەم خولەدا، لەیاری گەڕانەوەدا بە ئەنجامی 4-1گۆڵ سكستیان خوارد. دوای ئەوەی لەماوەی 3 وەرزی رابردوودا پاڵەوانی ئەم خولە بوون.
رۆژنامەی سپۆرتی ئیسپانی بڵاویكردەوە كە هەندێك لە هاندەرانی میرینگێ كەتا كۆتایی یارییەكە لەناو یاریگا مابوونەوە دروشمیان لەدژی پیرێز دەگوتەوەو داوای دەست لەكاركێشانەوەیان دەكرد، كە ئەم رووداوەش یەكەمین جار نییە لەلایەن هاندەرانی شاهانە لەدژی پیرێز دووبارە دەبێتەوە، بەڵكو پێشتریش لەدوای كۆتایی هاتنی یاری كلاسیكۆ لالیگا كە بەرشلۆنە بەگۆڵێكی خاوێن سەركەوتن هەمان كردار دووبارە بۆوە. هێرشی هاندەرانی مێرینگێ بەهۆی شكستی پیرێز بووە كە نەیتوانی قەرەبووی رۆیشتنی هێرشبەری پورتوگالی كریستیانۆ رۆناڵدۆ بكاتەوە، هەروەها نەیتوانی راهێنەرێك بهێنێت بتوانێت شوێنی زێنەدین زێدان پڕ بكاتەوە.
جێگای وەبیرهێنانەوەیە ریال مەدرید لەم وەرزەدا نازناوی سوپەری ئەوروپاو جامی شاو خولی یانە پاڵەوانەكانی ئەوروپای لەدستداوەو بەجیاوازی 12خاڵیش لەگەڵ یانەی بەرشلۆنە لەپلەی سێیەمی خولی لالیگادایە. تاكە نازناوی ریال مەدرید لەم وەرزە جامی جیهانی یانەكان بوو لەسەر حیسابی یانەی عەینی ئیماراتی.
