خەبات‮: نەبەز روستایی‮
لەچوارچێوەی‮ ‬گەڕی‮ ‬24ی‮ ‬خولی‮ ‬ئەڵمانیا‮ ‬بۆندسلیگا‮ ‬یانەی‮ ‬هۆفنهایم لەدەرەوەی‮ ‬یاریگای‮ ‬بەرامبەر‮ ‬یانەی‮ ‬فرانكفۆرت بە ئەنجامی‮ ‬3-2گۆڵ تووشی‮ ‬شكستێكی‮ ‬تاڵ بۆوە،‮ ‬لەكاتێكدا هۆفنهایم زۆر نزیك بوو لەسەركەوتن،‮ ‬بەر لەوەی‮ ‬یاریزانێكی‮ ‬بەكارتی‮ ‬سور بكرێتە دەرەوەو لەدوای‮ ‬دەركردنی‮ ‬2گۆڵی‮ ‬لێ تۆماركرا‮. ‬گێمی‮ ‬یەكەم بەهێرشی‮ ‬دوولایەنە دەستی‮ ‬پێكرد و‮ ‬یاریزانانی‮ ‬فرانكفۆرت و رۆڵەكانی‮ ‬راهێنەر هۆتەر لەنێوان هاندەرانیاندا بەهێزی‮ ‬یاریان دەكرد لەپێناو تۆماركردنی‮ ‬گۆڵی‮ ‬پێشكەوتن،‮ ‬بەڵام لەدوای‮ ‬چەند ساتێكی‮ ‬كەم‮ ‬یاریزانانی‮ ‬هۆفنهایم ئاوازەكەیان بەدەستهێنایەوەو پیاوانی‮ ‬راهێنەر گۆلیان ناگلزمان كۆنترۆڵی‮ ‬یارییەكەیان كرد‮.

‬توانیان لەخولەكی‮ ‬20 گۆڵی‮ ‬یەكەمی‮ ‬ئینتراخت فرانكفۆرت لەلایەن‮ ‬یاریزانی‮ ‬كرواتی‮ ‬ئانتی‮ ‬ریبچ بەلێدانی‮ ‬سەر تۆماركرا،‮ ‬بەڵام‮ ‬یاریزانانی‮ ‬هۆفنهایم پەرچەكردارێكی‮ ‬بەهێزیان هەبوو و فشاری‮ ‬زۆریان خستە سەر‮ ‬یانەی‮ ‬فرانكفۆرت،‮ ‬بەڵام نەیانتوانی‮ ‬گۆڵ تۆمار بكە،‮ ‬لەدواییدا راهێنەر دەستتێوەردانی‮ ‬كرد و‮ ‬ئادەم زالای‮ ‬هێنایە شوێنی‮ ‬كەریم دیمبربای‮ ‬لەپێناو هەمواركردنی‮ ‬سێكوچكەی‮ ‬هێرشبردن و‮ ‬یاریزانی‮ ‬بەرازیلی‮ ‬گۆیلنتۆن توانی‮ ‬گۆڵی‮ ‬یەكسانكردنەوەی‮ ‬ئەنجامەكە لەخولەكی‮ ‬44تۆمار بكات و گێمی‮ ‬یەكەم بەگۆڵێك بۆ هەردوولا كۆتایی‮ ‬هات‮. ‬گێمی‮ ‬دووەمیش تا خولەكی‮ ‬60 بەو ئەنجامە بەردەوام بوو و لەو خولەكەدا ئیسحاق بلفۆزیل گۆڵی‮ ‬دووەمی‮ ‬هۆفنهایمی‮ ‬تۆماركرد،‮ ‬تا ئەوكاتەی‮ ‬یاریزان نۆهۆ قاسم بەوەرگرتنی‮ ‬كارتی‮ ‬دووەمی‮ ‬زەرد لەخولەكی‮ ‬66كرایە دەرەوە،‮ ‬ئەمەش ورەو وزەیەكی‮ ‬زۆری‮ ‬دایە‮ ‬یاریزانانی‮ ‬فرانكفۆرت و لەخولەكی‮ ‬89 گۆڵی‮ ‬یەكسانكردنەوەی‮ ‬ئەنجامەكەیان تۆماركرد و لەخولەكی‮ ‬90+5 گۆڵی‮ ‬سەركەوتنیان تۆماركردو بەمەش فرانكفۆرت بە‮ ‬3-2گۆڵ سەركەوتنی‮ ‬بەدەستهێنا‮. ‬ئەنجامی‮ ‬یارییەكانی‮ ‬دیكەی‮ ‬دوێنێ ئێوارە‮ ‬یانەی‮ ‬لایبزیگ سەركەوتنێكی‮ ‬گرنگی‮ ‬لەسەر حیسابی‮ ‬یانەی‮ ‬نۆرنبێرگ بەئەنجامی‮ ‬گۆڵێكی‮ ‬خاوێن تۆماركرد و كە لەلایەن لۆكاس كلۆسترمان لەخولەكی40 ‮ ‬تۆماركرا،‮ ‬دوای‮ ‬ئەوەی‮ ‬لێدانی‮ ‬سزای‮ ‬لەسەرەتای‮ ‬یارییەكە لەدەستدا‮. ‬بەم ئەنجامەش لایبزیگ پلەی‮ ‬سێیەمی‮ ‬لە‮ ‬یانەی‮ ‬مونشنگلادباخ وەرگرتەوە‮.‬

لەلایەن خۆیەوە‮ ‬یانەی‮ ‬لیڤەركوزنیش سەركەوتنێكی‮ ‬گرنگی‮ ‬بەسەر فرایبۆرگ تۆماركرد بە ئەنجامی‮ ‬2گۆڵی‮ ‬خاوێ،‮ ‬كە گۆڵەكانی‮ ‬لەخولەكی‮ ‬4 و‮ ‬73 لەلایەن پیتەر بۆش و بایلی‮ ‬تۆماركران‮. ‬هەروەها‮ ‬یانەی‮ ‬هێرتابەرلین لەیانەی‮ ‬ماینزی‮ ‬بردەوە بە‮ ‬2-1گۆل‮. ‬لەبەرامبەریشدا‮ ‬یانەی‮ ‬شالكە تووشی‮ ‬شكستێكی‮ ‬قورس هاتەوە بە ئەنجامی‮ ‬4گۆڵی‮ ‬خاوێن بەرامبەر‮ ‬یانەی‮ ‬فۆرتۆنا دۆسلدۆرف‮.‬
‮‬- ریزبەندی‮ ‬5یانەكەی‮ ‬پێشەوەی‮ ‬بۆندسلیگا بەر لەیارییەكانی‮ ‬ئەمڕۆ بەمشێوەیە بوو‮.
دۆرتمۆند‮ ‬54خاڵ
بایرن‮ ‬51خاڵ
لایبزیگ‮ ‬45خاڵ
مونشنگلادباخ‮ ‬43خاڵ
لیڤەركوزن‮ ‬39خاڵ