Bi navê Xwedayê mezin û dilovan
Di dirêjahiya rêze tawanan ya rejîma berê ya Iraqê di sedsala bîstan de, ji 25’ê Tebaxa 1988’an heta 6’ê Îlona 1988’an rejîma Iraqê êrîşeke nemirovane li piraniya navçe û gundên herêma serbilind a Behdînanê pêk anî. Di wê pîlanê de tawana kîmyabarankirin û girtin û kuştin û raguhestina bi darê zorê û enfalkirina welatiyên bêguneh ji aliyê hêzên rejîma wê demê ya Iraqê ve hate cîbicîkirin. Di encama wê tawana nemirovane de bi hezaran welatiyên Kurdistanê hatin komkujîkirin û bêserûşûnkirin û koçberkirin û bi sedan gund jî hatin xerakirin û wêrankirin.
Armanca sereke ya rejîmê ji wê tawana mezin guhertina demografiya Kurdistanê û cîbicîkirina siyaseta erdê şewitî û şikandina îradeya gelê Kurdistanê bû. Lê belê îradeya polayîn a gelê Kurdistanê ji bo mayîn û azadîxwaziyê bi ser ket û ew dijmin û tawankar bûn ku rûxiyan û bûn pend û îbreta demê.
Di bîranîna 38 saliya tawana Enfala Behdînanê de hezar silav bo giyanê pak ê şehîdên Enfala Behdînan û Germiyan û Barzan û hemû şehîdên rêya azadiya Kurdistanê dişînin. Di vê bîranîna diltezîn de radigihînin ku erkê li ser milê dewleta Iraqê ye ku qerebûya hemû wan tawan û binpêkirinên ku li dijî gelê Kurdistanê hatine kirin bike.
Mesûd Barzanî
25’ê Tebaxa 2026
