خه‌بات‮: ‬موسلیم دۆڵەمەڕی‮ – بارزان
زۆرن ئەوانەی كە خولیا و حەزێكی تایبەت و سەیریان هەیە لەوانەش عەزیز عەزیز كە هاووڵاتییەكی دەڤەری بارزانەو ماوەی زیاتر لە حەوت ساڵە هەموو سەری ساڵێك لەسەر حسابی خۆی بە سەدان قەڵەم بە سەر فەرمانگە و هاووڵاتیاندا دابەشدەكات جگە لەوە چەندین حەزو خولیای سەیری تری هەیە وەك خۆی تایبەت بۆ‮ ‬خەبات‮‬ ‮ ‬باسیكردو گوتی‮: ‬من عەزیز عە زیزی تەمەن 49 ساڵ دانیشتووی گوندی پیرە ساڵی سەر بە ناحیەی‮ ‬بارزان من چەند حەزو ئارەزووی ‮ ‬تایبەتی خۆم هەیە كە هەر لە مناڵیەوە خولیای‮ ‬هەندێ ‮ ‬شت بوومەو تاكو ئێستاش هەر بەر دەوامم، ‮ ‬لەوانە من ساڵانە چەندین دەفتەری تایبەت ‮ ‬دەكەمەوە كە هەر یەكەو رەنگێكن هەر رەنگەو تایبەتە بۆ رووداوێكی جیهانی‮ ‬و هەرێمی ‮ ‬دەڤەری بارزانیش بە تایبەتی كە ‮ ‬هەر رووداوێك یان مردنێك یان لە دایكبوونێك ‮ ‬یان مەراسیمێك ‮ ‬یان ‮ ‬هەر شتێك لە دەڤەری بارزان رووبدات ‮ ‬رۆژو بەروارو ناوەرۆكی بابەتەكە ‮ ‬دەنووسم بەمەش ‮ ‬ئەرشیفێكی زۆری دەقیقی‮ ‬زۆربەی رووداوەكانی جیهانی‮ ‬و عێراقی‮ ‬و هەرێمیشم ‮ ‬لەلایە ‮ ‬زۆر جار ‮ ‬هەبووە زۆر كەس ‮ ‬پێویستی ‮ ‬بە رووداوێك ‮ ‬هەبووە ‮ ‬تەنها ‮ ‬ساڵەكەم پێبڵێ ‮ ‬یەكسەر ‮ ‬بۆیان دەردەخەم و زۆر ‮ ‬كەسیش سوودی ‮ ‬لێوەرگرتووە، بەڵام ‮ ‬ئەوەی ‮ ‬كەمێك ‮ ‬بۆ من ئەستەمە ئەوەیە كە خۆم خوێندەواریم ‮ ‬نییە، ‮ ‬بۆیە دەبێت هەموو جاریك لە ماڵەوە ‮ ‬مناڵەكانم‮ ‬یان ‮ ‬برادەرێك یان ‮ ‬خزمێك، یاداشتەكانم بۆ ‮ ‬بنووسێت ‮ ‬ئەگەر خۆم خوێندەواریم هەبوایە شتی باشترو خزمەتی زیاترم دەكرد، ‮ ‬هەر ‮ ‬لەبەر ‮ ‬ئەوەیە كە خۆم خوێندەوار نەبووم و وەكو كوێرێكم لە ژیان ماوەی زیاتر لە حەوت ساڵە خولیای ئەوە بوومە كە جیهان بە پێنووس ‮ ‬رووناك ‮ ‬بكەمەوە بۆیە هەموو سەری ساڵێك لەسەر حسابی خۆم بە سەدان ‮ ‬قەڵەم ‮ ‬دەكڕم و بەسەر ‮ ‬كارمەندانی دائیرەكان و مامۆستایان و دوكانداران و بگرە ‮ ‬هاوڵاتیانیش ‮ ‬دابەشدەكەم ‮ ‬بۆ ئەوەی میللەتەكەمان خولیای خوێندن و زانست و زانیاریان زیاتر بێت كە هەندێجاریش ‮ ‬دەفتەر و سجلی جۆراوجۆریش ‮ ‬دابەشدەكەم، بەو هیوایەی ‮ ‬بە حەزەكانم ‮ ‬بتوانم خزمەتێكی بچووك ‮ ‬بە گەل و ‮ ‬نیشتمانەكەم بكەم‮.‬