خه‌بات: رەسول ساڵح خۆشناو‮
 ‬لە كۆبوونەوە فەرمی‮ ‬و بازرگانییەكان،‮ ‬بە هیچ شێوەیەك بنێشت لە دەمت نەبێت و جگەرەت بە دەستەوە نەبێت‮. ‬لە كاتی‮ ‬پشوو وەرگرتن دوای‮ ‬هەڵپەركێ‮ ‬یا هەر چالاكییەكی‮ ‬تر پێڵاوەكەت دامەكەنە.لە شوێنی‮ ‬داخراودا،‮ ‬لە كاتی‮ ‬هاتووچۆدا با جانتات بە دەستەوە نەبێت،‮ ‬جانتاكەت لەسەر مێز‮ ‬یا شوێنی‮ ‬تایبەتی‮ ‬دابنێ و چاویلكەی‮ ‬بەرڕۆژ و كڵاوت لەسەر نەبێت‮. ‬با مۆبایلت بە دەستەوە نەبێت،‮ ‬بە تایبەتی‮ ‬ئەگەر گرانبەها بێت،‮ ‬با وا هەست نەكرێت،‮ ‬گرینگتر دەردەكەوی‮ ‬لە كەسی‮ ‬بەرامبەر،‮ ‬بیخەرە ناو گیرفان‮ ‬یا جانتات‮. ‬تا پێت دەكرێت،‮ ‬منداڵ بۆ ئاهەنگ و بۆنەكان مەبە‮. ‬زۆر گرینگی‮ ‬بە خواردن مەدە و نە زۆر داوا بكە و دواتریش گلەیی‮ ‬لێ مەكە‮. ‬تۆ بۆ خۆشی‮ ‬و شادی‮ ‬بەشداریت لەو ئاهەنگە كردووە و خواردن بەس بۆ ئەوەیە هەست بە برسێتی‮ ‬نەكەیت و بەردەوام بیت لە خۆشی‮ ‬و شادییەكان و خواردن بابەتێكی‮ ‬لاوەكی‮ ‬بۆنەكانە‮.‬