خه‌بات: عەلی‮ ‬بانیشاری‮- ‬هەولێر
سەرۆكی‮ ‬فراكسیۆنی‮ ‬پارتی‮ ‬چاكسازی‮ ‬توركمان لە پەرلەمانی‮ ‬كوردستان دەڵێ‮: ‬تا پێشمەرگە نەگەڕێتەوە كەركووك شارەكە سەقامگیری‮ ‬بەخۆیەوە نابینێت و خەڵكەكەی‮ ‬ئاسوودە نابن‮. ‬مونا قەهوەچی‮ ‬لە دیمانەیەكیدا لەگەڵ رۆژنامەی‮ ‬خەبات دەڵێت‮: ‬لە كابینەی‮ ‬نوێدا دەمانەوێت پۆستێك وەربگرین كە بتوانین خزمەتی‮ ‬خەڵكی‮ ‬پێ بكەین‮.‬
ناوبراو دەشڵێت‮: ‬پاش كۆبوونەوەی‮ ‬پارتی‮ ‬و‮ ‬یەكێتی‮ ‬و گۆڕان لەگەڵ پارتی‮ ‬لەسەر بەشداریمان لە كابینەی‮ ‬نوێدا گفتوگۆ دەكەین‮. ‬سەرۆكی‮ ‬فراكسیۆنی‮ ‬چاكسازی‮ ‬توركمان گوتیشی‮: ‬چاوەڕێمان دەكرد ژمارەی‮ ‬دەنگەكانمان لە هەڵبژاردنەكەی‮ ‬30ی‮ ‬ئەیلوودا زیاد بكات،‮ ‬بەڵام بەهۆی‮ ‬هەژمارنەكردنی‮ ‬دەنگی‮ ‬چەندین سندوق نزیكەی1200 ‮ ‬دەنگمان هەڵوەشایەوە‮. ‬مونا قەهوەچی‮ ‬دەشڵێ‮: ‬وەكو پێنج لایەنی‮ ‬سیاسی‮ ‬و پەرلەمانتار پڕۆژەیەكمان ئامادەكردووە و لەكاتی‮ ‬دانیشتن لەگەڵ پارتی‮ ‬دیموكراتی‮ ‬كوردستان بە ئاشكرا پێیان رادەگەیەنن كە دەمانەوێت بەشداری‮ ‬كارامان لە كابینەی‮ ‬نوێی‮ ‬حكوومەتی‮ ‬هەرێم هەبێت‮. ‬ئاشكراشی‮ ‬دەكات‮: ‬پاش كۆتایی‮ ‬هاتنی‮ ‬كۆبوونەوەكانی‮ ‬پارتی‮ ‬و‮ ‬یەكێتی‮ ‬و گۆڕان،‮ ‬لەسەر بەشداریمان لە كابینەی‮ ‬نوێدا گفتوگۆ لەگەڵ پارتی‮ ‬دەكەین‮.
‬
سەبارەت بە داواكارییەكانی‮ ‬پارتە توركمانەكان لە كابینەی‮ ‬نوێ،‮ ‬قەهوەچی‮ ‬گوتی‮: ‬جێگری‮ ‬دووەمی‮ ‬سەرۆكی‮ ‬پەرلەمانی‮ ‬كوردستان و پۆستێكی‮ ‬حكوومی‮ ‬بە مافی‮ ‬خۆمان دەزانین و دەمانەوێت خزمەتی‮ ‬سەرجەم چین و توێژەكانی‮ ‬باشووری‮ ‬كوردستان بكەن‮. ‬گوتیشی‮: ‬نامانەوێت پۆست تەنها وەكو ناو وەربگرین،‮ ‬بەڵكوو دەبێت بڕیارمان بەدەستبێت‮.‬
سەرۆكی‮ ‬فراكسیۆنی‮ ‬پارتی‮ ‬چاكسازی‮ ‬توركمان لە پەرلەمانی‮ ‬كوردستان ئەوەشی‮ ‬گوت‮: ‬هەر كەسێك لە نێو پارتە توركمانییەكان بتوانێت خزمەتی‮ ‬وڵات بكات و بەرچاوروونی‮ ‬لە پرۆسەی‮ ‬سیاسدا هەبێت و كاریگەر بێت دەتوانێت خۆی‮ ‬بۆ پۆستی‮ ‬جێگری‮ ‬دووەمی‮ ‬سەرۆكی‮ ‬پەرلەمـان كاندید بكات‮. ‬مونا قـەهوەچی‮ ‬دەشڵێت‮: ‬بە سەرجەم لایەنە سیاسییەكان و تەنانەت كونسوڵخانەكانیشمان گوتووە كە چـاومان لـە پـۆستی‮ ‬جێگری‮ ‬دووەمی‮ ‬سەرۆكی‮ ‬پەرلەمانە،‮ ‬چونكە لە كابینەكانی‮ ‬پێشتردا توركمانەكان پۆستی‮ ‬باڵایان پێنەدراوە‮.‬

توركمانەكان خاوەنی‮ ‬پێنج كورسی‮ ‬پەرلەمانین و زیاتر لە11 ‮ ‬هەزار دەنگیان لە هەڵبژاردنەكانی‮ ‬30ی‮ ‬ئەیلوولی‮ ‬ساڵی‮ ‬رابردوو بەدەستهێنا‮. ‬لەنێو پارتە توركمانییەكاندا باس لەوە دەكرێت لە كابینەی‮ ‬نوێدا رەنگە وەزارەتی‮ ‬دادیان بەربكەوێت،‮ ‬بەڵام زۆرینەی‮ ‬توركمانەكان لەگەڵ ئەوەن وەزارەتێكی‮ ‬خزمەتگوزاری‮ ‬وەربگرن‮. ‬مونا قەهوەچی‮ ‬لەو بارەیەوە دەڵێت‮: ‬پۆستێكی‮ ‬وەهامان دەوێت كە بتوانین لە رێگەیەوە خزمەتی‮ ‬خەڵكی‮ ‬بكەین‮. ‬سەبارەت بە دۆخی‮ ‬كەركووك و بەشدارینەكردنی‮ ‬عیرفان كەركووكی‮ ‬لە دانیشتنەكانی‮ ‬ئەنجوومەنی‮ ‬پارێزگا؟ مونا قەهوەچی‮ ‬گوتی‮: ‬كاك عیرفان كەسێكی‮ ‬توركمانە لەسەر لیستی‮ ‬برایەتی‮ ‬ئەندامی‮ ‬ئەنجوومەنی‮ ‬پارێزگایە و هاتووچۆی‮ ‬كەركووك دەكات،‮ ‬بەڵام تا دۆخی‮ ‬شارەكە نەگەڕێتەوە پێش‮ ‬16ی‮ ‬ئۆكتۆبەر بەشداری‮ ‬دانیشتنەكانی‮ ‬ئەنجوومەنی‮ ‬پارێزگا ناكات‮. ‬لەبارەی‮ ‬گەڕانەوەی‮ ‬هێزی‮ ‬پێشمەرگەش بۆ كەركووك؟ سەرۆكی‮ ‬فراكسیۆنی‮ ‬پارتی‮ ‬چاكسازی‮ ‬توركمان دەڵێ‮: ‬پێویستە هێزەكانی‮ ‬پێشمەرگە بگەڕێنەوە شارەكە و زۆرینەی‮ ‬پێكهاتەی‮ ‬توركمانیش پشتگیری‮ ‬ئەوە دەكەن؟ گوتیشی‮: ‬تا پێشمەرگە نەگەڕێتەوە كەركووك خەڵكی‮ ‬ئەو شارە ئاسوودە نابن‮. ‬قەهوەچی‮ ‬دەشڵێت‮: ‬وەكو توركمان پێشمەرگە بە هێزێكی‮ ‬نیشتیمانی‮ ‬دەزانین و هیچ كات نەمانگوتووە با توركمان هێزێكی‮ ‬تایبەت بە خۆی‮ ‬هەبێت‮. ‬