خه‌بات: وریشە عومەر
تارا خالید دەرچووی پەیمانگەی هونەرە جوانەكانی سلێمانی بەشی پەیكەرسازی ساڵی 1996 چالاكیم هەبووە لە سەرە تای ڤیستیڤاڵی پەیمانگەو بەشداری 52 پێشانگای هاوبەشم كردووە، خاوەنی دوو پەیكەری گەورەم پەیكەری ژینگە پێكهاتووە لە4 پەیكەر بە ماتریالی ئاسن بەرزییەكەی 3 مەترە لە پاركی ئازادی جێگیر كراوە لە ساڵی 2012، دووەم كارم كارێكی هونەری دیوار بەندە بە ناوی پەیكەری ئاڵای كوردستان بەرزیەكەی5 مەترە، لە ساڵی 2016 بە دیوارێكی شەقامی سالمدا جێگیر كراوە، چالاكیم هەبووە لە زۆربەی بۆنەكانی نەورۆز وەك ڕە نگكردنی شەقامی سالم، بەردەوام كاری هونەریم بۆ منداڵان كردووە بە كێشانی وێنەی بەرگ و ناوەوەی چیرۆكەكانی منداڵان، ئەندامی سەندیكای هونەرمەندانی كوردستانم، لەم دیمانەیە وەڵامەكانی ئەم خاتوونە بناسە.
ـ گرنگی هونەری پەیكەرتاشی لە چیدا دەبینیت؟
ـ گەر بتەوێت وڵاتەكەت و شارستانییەتیەكەی، بە هەموو جیهان بناسێنیت، ئەبێت گرنگی بدەیت بە بوارەكانی هونەر بە تایبەت هونەری پەیكەرسازی چونكە پەیكەر لەگەڵ بواری بیناسازی زۆر نزیكن تەمەنێكی زۆری هەیە، بۆ مانەوە یان ئەگەر بێتو بە ماتریالی بڕۆنز بكرێت، پەیكەر ئەبێتە گێڕانەوەو مێژووی شارستانیەتی ئەو وڵاتە كا تێك كە میوانێك یان بێگانەیەك سەردانی وڵاتەكەت ئەكات، یەكەم شت كە بەرچاوی ئەكەوێت لە شەقام و شوێنە گشتییەكان ئەو كارە هونەرییانەن كە دانراون ئەبێتە پێناسەیەك بۆ وڵاتەكەت.
ـ جیاوازی ئەم هونەرە لەگەڵ هونەرەكانی دیكە لە چییدایە؟
هەموو هونەرەكان بایەخ و بەهاو جوانی خۆی هەیە، هونەری پەیكەرسازی بەرجەستەكردنی هەموو جوانییەكانیەتی لە ڕووی بابەت و لە ڕووی 3 رەهەندی كارە كە لە ڕووی مانەوە ی كارە كە كاتێك كە لە سەر شەقام بەرچاوی بینەر ئەكەوێت.
ـ لە كوردستان بۆچی كەمتر بایەخ بە هونەری پەیكەرسازی دەدرێت ؟
لە كوردستان هێشتا لە قۆناغی سەرەتاییداین لە هونەری پەیكەرسازیدا، پێویستە وانەی هونەر لە قۆناغی باخچەوە لە ڕووی پەروەردەیی گرنگی باشی پێبدرێت، هونەر نەكەین بە قوربانی وانەكانی تر چونكە هەمووی تەواوكەری یەكترین بۆ خزمەتكردنی كۆمەڵگایە.
ـ كورد پەیكەرتاشی هەیە وەك هونەرەكانی دیكە جێگەی شانازی بێت؟
ـ بێگومان هونەرمەندی پەیكەرسازی زۆر بەتوانامان هەیە كە جێگای شانازییە بۆمان.
ـ لەپەیمانگا بەشی پەیكەرتاشی هەیە، ساڵانەش قوتابی دەردەچن، تا چەندتوانراوە پەرە بە هونەرەكەیان بدەن؟
پەیمانگە قوناغێكی سەرەتاییە بۆ دیراسەتكردنی بوارەكانی هونەر بە شێوەیەكی ئەكادیمی دواتر بە دەستهێنانی بڕوانامەیە، دوای پەیمانگە دەرئەكەوێت كێ خۆشەویستی هەیە بۆ هونەرە كەی و بەردەوام ئەبێت، بەداخەوە ئەوانەیش كەمن كە بەردە وام ئەبن.
ـ پێشمەرگەو شەهیدان لە كوێی كارەكانی تۆدان؟
ئازایەتی پێشمەرگە قارەمانەكانمان خوا بیانپارێزێت و خوێنی شەهیدە نەمرەكانمان بوون بە ڕەمزو سیمبوڵ لەنێو پەیكەری ئاڵای كوردستان دا كە من نەخشاندوومە، ڕەنگیداوەتەوە.
ـ وەكو پەیكەرتاشێك دەڵێی چی؟ كاتێك دەبینیت لە ژووری بەرپرسان و فەرمانگە حكومییەكان پەیكەری هونەرمەندانی بیانی لێیەو هونەرمەندانی خۆمانیش زەقەی چاویان دێت؟
هەموو كەس ئازادە ئارەزووی چ كارێكی هونەری ئەكات كە لە ماڵەكەی یان لە فەرمانگەكەیدا بیبینێت، لای ئێمەش هەتا ئێستا هونەرمەند نەیتوانیوە هونەرەكەی بكات بەپیشە، چونكە كە من ئەو هونەرمەندانەی ، كە هەتا ئێستا خا وەنی شوێنێكی تایبەتی خۆیان بن بە تەنها كاری هونەری بكەن، بێگومان سەرقاڵی كارێكی دیكەن بۆیە نەبۆتە نەریت چاومان لە سەر كاری بازاڕە.
ـ بە بۆچوونی تۆ چی بكرێت باشە، تا هونەری پەیكەرتاشی پێشبكەوێت؟
پێویستە گرنگی زۆر بدرێت بەو هونەرمەندانەی كە بە خۆشەویستییەوە كاری هونەری ئەكەن سەركەوتوون، لە بواری پەیكەرسازی گرنگی بدرێت بە پڕۆژە كان شوێنێك هەبێت كە هاوكاری و پشتگیری كارە هونەرییەكان بكات لە ڕووی ماددی و مەعنەوییەوە.
ـ پڕۆژەی داهاتووت چییە؟
دوو پڕۆژەی هونەری گەورەم هەیە لە ئێستادا بە داخەوە بە هۆی قەیرانەوە وەستاوە.
ـ خەون بە دروستكردنی چ پەیكەرێكەوە دەبینیت، بینەخشێنیت؟
خەونەكانم زۆرن، پێم خۆشە هەموو كارە كانم لە خزمەت هونەری كوردیدا بن.
