سەباح بەیتوللا
ب دامەزراندنا پارتی دیموكراتی كوردستان قویناغەكا نوی و دیرۆكەكا نوی بۆ گەلێ كورد و كوردستانیان ڤەبوو، دیسان شیا وێ ڤالاهیێ پڕ بكەت كو گەلێ كوردستانێ ل ئالیێ سیاسی تێكەفت ببوو وئەو پەرت و بەلاڤیا هێزێت شۆڕشگێر كوم بكەت و ئێككرێزیا جەماوری و تەخێت مللەتی بێخیتە سەر ئێك.
دامەزراندنا پارتی دیموكراتی كوردستان مرۆڤێ كورد كەفتە سەر رێ یەكا راست و دروست و ئەڤە ژی پشتی وێ بێ هیڤی و نائومێدیا ب سەر مللەتێ كورددا هاتی و ئاڵایێ خەبات و بەرخودان وخوراگریێ بلند كرەڤە و ناسناما كوردی بپارێزیت . بێگومان دامەزراندنا پارتی دیموكراتی كوردستان وەرچەرخانەك بو ل دیرۆكا نەتەوەیەكێ چونكی ئێكەم حزبا جەماوری و سەرتاسەری یا كوردستانێ بوو كو هیڤی و داخازا مێژوویا نەتەوا كورد بوو وهەردەم ژی یا ب ئارمانجاڤە گرێدایە نەك ب مەرجاڤە.
ئەگەر پارتی دیموكراتی كوردستان ب ئارمانجاڤە یا گرێدایی نەبا تڤیا شورشا ئیلونا مەزن هەلنەگیرساندنا چونكە 11سال بوو بارزانی و هەڤالێت خۆ ل ئێكەتیا سوڤیەتا بەرێ بون و ئەگەر پارتی ب ئارمانجاڤە یا گرێدایی نەبا پشتی نەكسا ساڵا 1975ێ دەست ب شورەشێ نەكرباڤە و ل پشتی كریارێن بەدناڤێن ئەنفالا بەردەوامی ب خەبات و تێكوشین و بەرخودانێ نەدابا.
گرنگترین ستراتیژیەتا پارتی ل خەباتا خۆدا ل چیایی و ل باژێری مسوگەركرنا كیانەكێ یە بۆ گەلێ كوردستانێ كو ئەڤە هیڤی و ئومێد و داخازیا هەر تاكە كوردەكێ دلسوزو نەتەوەپەرست و وەڵاتپارێزە. بێگومان پارتی دیموكراتی كوردستان بۆ هەر قویناغەكا خەبات و بەرخودانێ درویشمەك هەلگرتی یە كو بكاریت هەلبگریت و جێ بەجێ بكەت و لەوا خودانا 13كونگرایە و بۆ هەر قویناغەكێ پەیرەوپروگرامەك دانایە كۆ بگونجیێت دگەل واقعێ وێ قویناغا خەبات و بەرخودانێ.
چ پێنەڤێت كو پارتی خودانا بریارا خویە و بریارێ ل چ لایەن وكەسان وەرناگریت ژبەر ڤێ چەندێ حسابەكا مەزن بۆ رەئیا وێ دهێتە كرن ، دیسان سەنگا معادلا سیاسی یە ل دەڤەرێ و بێ رەئیا وێ چ بریارەك ناهێتە جێ بەجێ كرن و ئەڤە ژی مەزناهیا پارتی دیموكراتی كوردستان دسەلمینیت . بێ شك پارتی بۆ هەر قویناغەكێ خو نوی دكەتەڤە و قوتابخانا مەزنا بەلاڤكرنا هەستا نەتەوەیی و نیشتیمانی و وەلاتپارێزی یە و شیایی یە هەستا نەتەوی بكەتە تێگەهێ جڤاكی ل سەر تاسەرێ كوردستانێ ، لەوما جەماورێ كوردستانێ خۆ پێڤە گرێدایە و ل هەلبژارتنێت ڤێ دویماهیێ یێت عیراقێ و كوردستانێ پارتی بۆ حزبا ژمارە ئێك و سەرەرای وان ئاستەنگێت بۆ دهاتنە دارێشتن ل هندەك دەڤەرێن كوردستانێ.
پارتی دیموكراتی كوردستان ئەو سەرفیرازیا مەزن ودیروكی ژی بەركەفت كو ئەو ژی پرسا ریفراندومێ سەرئێخست و 93% كوردستانێ گووتێ بەلێ بۆ پەیاما سەرخوبونا كورد و كوردستانێ كو ئەندازیارێ وێ هێژا سەرۆك بارزانی بوو. ئەو بابەت گەلەك دزورن كو پارتی فەلسەفەیەكا روهن و ئاشكرا و زەڵالی بۆ هەبیت وەكی چارەسەركرنا كێشێت نەتەوەیی و هەرێما كوردستانێ و فیدرالیەت و پێنگاڤ هاڤێتن بەرەڤ سەرخوبۆنێ كو ب سەدان ساڵە خەبات و فیداكاری و بەرخودان و قوربانیدان ژێرا هاتیە كرن و دان.
هزرا نەتەوەیی ئەو هزرا هەستیارە كو دگەل بوونا مروڤێ كورددا دژیت و حەتا بۆ چركەیەكێ ژی نەشێت لێ دویر ببیت ، مە كوردا ژی پێدڤی بڤێ هەستا نەتەوەیی هەیە چونكی ئەم ژی نەتەوەینە مینا هەر نەتەوەیەكێ دی لسەر ڤێ گەردونێ ، پارتی دیموكراتی كوردستان لڤان 72 ساڵا دا هزرا نەتەوەیی دنێڤ مللەتێ كورددا بەلاڤكری یە و خەبات و بەرخودان و تێكوشین كری یە دا مرۆڤێ كورد و كوردستانی كەرامەتا خو ل دەست نەدەت چونكی ئەگەر كەرامەت ل دەست دا چ نامینیت كو ل دەست بدەت ، لەوما ئەڤ شانازیا مەزن بۆ پارتی دزڤریتەڤە .
چ پێنەڤێت پارتی ئەو قوتابخانا مەزنا كوردایەتیێ یە ئەوا ئەم فێركرین چەوا ل سەر ئاخا خۆ بژین و مە ئاخا خۆ خۆش بڤێت و چەوا بەرەڤانیێ لێ بكەین ، چونكی كارەساتا مەزن ئەوە خۆش ڤیانا وەڵاتی ل دلێ مرۆڤی دا دەربكەڤیت .دیسان پارتی دیموكراتی كوردستان هەمی دەما باوەری ب دیموكراسیەتێ هەبوویە و هەر ل رۆژا دامەزراندنا خودا ل رۆژا 16/8/1946 ێ و ناڤێ وێ پارتی دیموكراتی كورد و پاشان ل كونگرێ 3ێ بو پارتی دیموكراتی كوردستان ، ئەڤە ژی بەلگەها هندێ یە كو پارتی باوەری ب دیموكراسیێ هەبوویە و هەیە چونكی ل دیموكراسیێ و تەناهیێ نەڤیەكێ پێ دگەهینیت ، لەوا دفەرهەنگا پارتی دا دیموكراسی یا خوجهە و ب كریار باوەری پێ هەیە بەروڤاژیا خەلكێ دیتر كو ب تنێ ب زمان باوەری ب دیموكراسیێ هەیە .
پارتی دیموكراتی كوردستان ل 16/8/1946 ێ دروست بوو راستە ل بەراهیێ ئاستەنگ هەبوون ل پێشیا وێ ، بەلێ خوراگریا وێ و فیداكاری و قوربانیێت وێ تەحمولا هەمی نەخوشیان كر لێ بەرەڤ گوپیتكێن سەرفیرازیێ پێنگاڤ هاڤێتن و دهاڤێژیت . لدیماهیێ دێ بێژم مەزنترین دەسكەفتێ مەزن و دیروكی یی پارتی دیموكراتی كوردستان و دسەد سالێت خەباتێ دا و وەرگرتنا ئەنجاما دویماهیا سەركەفتنا ریفراندومێ بوو سەرەرای هەمی پیلان و ئاستەنگا ، بەلێ بۆ ریفراندومێ و دەولەت بوونێ و سەرخوبونێ دوو كەرەستە پێویستن:
1- سەرۆك و رێبەر ەكێ قەهرەمان و خوراگر و شارەزا و سیاسەتمەدار و فیداكار و چاڤ نەترس ئەو ژی ب بەلگەه خویا و ئاشكرا بوو كو هێژا سەرۆك مەسعود بارزانی بوو .
2- مللەتەكێ خوراگر و بهێن فرەه .
د سەرفیرازین كو بناغێ دەولەتا كوردستانێ ل سەركەفتنا ریفراندومێ هاتە دانان و ئەندازیار و نەخشەكێشێ وێ ژی جەنابێ سەرۆك مەسعود بارزانی بوو كو جهێ شانازیا هەمی نەتەوا كوردە و ئەڤرۆ جەنابێ سەرۆك مەسعود بارزانی بوویە مەرجەع و پشتەڤان و ئومێد بۆ هەمی نەتەوا كورد.
