خالد ئەحمەد بادی
هەر دەم ل پشت دیواران تشتێن تێنە گوتن وكرن نە وەك‮ ‬یێن ل دیوانا دهێنە گوتن وكرن ئانكو جوداهیەك دناڤبەرا وانان دا هەیە‮ . ‬دزمانێ سیاسەتێ دا ژی‮ ‬زور تشت دناڤەندێن سیاسی‮ ‬دا دهێنە گوتن و زورێن دی‮ ‬ژی‮ ‬نهێنی‮ ‬نە بتنێ كومەكا دەست نیشانكری‮ ‬یێن بەرژەوەند پارێز‮ ‬دزانن‮ .‬لڤێرە مەرەم ئەوە‮ ‬یا كو زمانێ راگەهاندنێ‮ ‬بو مە باس دكەت نە وەك وێ‮ ‬یە‮ ‬یا كو زمانێ سیاسەتێ بو مە دبێژیت وپتریا جاران بەرژەوەندی‮ ‬كونترولێ دكەن‮ ‬وپرنسیپ وباوەری‮ ‬دبنە قوربانی‮ ‬بەرژەوەندیان‮ . ‬هەر ل دەست پێكێ هەڤركی‮ ‬یەكا دژوار لناڤبەرا واشنتون وموسكویێ‮ ‬یا بەردەوام بوویە وب هەمی‮ ‬لایەكی‮ ‬ئەڤ هەڤركی‮ ‬یە جاران زور توند دبوو وجاران ژی‮ ‬نەرمیەك دكەفتە دهەلویستێ وانان دا ئەمریكا وروسیا‮ ‬یاریەكا سیاسی‮ ‬دكەن ویاریا وان مینا‮ ‬یاریا توم وجێری‮ ‬یەجاران هەڤپشكن‮ ‬دگەل هەڤدو جاران ژی‮ ‬دوژمنێن هەڤدوو نە‮. ‬ئەمریكا و روسیا هەر لایەنەك هەولدەت زیانێ بگەهینیت لایێ دی‮ ‬وهندەك جاران ژی‮ ‬دوستن وبەرژەوەندیێن خو دپارێزن‮ . ‬پەیوەندیێن ئەمریكی‮ ‬وروسی‮ ‬دئاستەكێ‮ ‬ناوەند‮ ‬دا بون و وەك هەڤیەك هەبوو تاكو بویەرێن‮ (‬11‮)‬ی‮ ‬سیپتەمبەرێ وچونا ئەمریكا بو ناڤ روژهەلاتا ناڤەراست ب بهانەیا بەرهنگاریا تیرورستا و شەرێ تیرورێ روسیا باش زانی‮ ‬كو ئەمریكا خو گەهاندە دەڤەرا گرنگ ومفادار ژبو كونتروكرنا ژبدەرێن گازێ ویێن پەستانێ و هەر وەك هاتیە زانین كو دەڤەرا روژهەلاتا ناڤەراست‮ ‬یا زەنگینە ب سەرچاڤكێن سروشتی‮ ‬وپەستان وژێدەرێن ئاڤێ وكەش وهەوایەكێ گونجای‮ ‬ئێكسەر روسیا هێلەكا دی‮ ‬ڤەكر ئەوژی‮ ‬هێلا پەیوەندیێن ئیرانی‮ ‬لسەر بنەمایێ بەرژەوەندیان وبەرهنگاریبونا ئەمریكا‮ . ‬روسیا پەیوەندیێن بازرگانی‮ ‬وئابوری‮ ‬وسیاسی‮ ‬دگەل وەلاتێن هەڤرك دگەل ئەمریكا خوش كرن بەرامبەر ئەمریكا‮ .‬باسێ ئەمریكا وروسیا وبریتانیا و وەلاتێن زلهێز وبەرژەوەن پارێز درێژە ب سالان ژی‮ ‬بداوی‮ ‬ناهێت لڤێرە دێ باسێ نوكە كەین وهاتی‮ ‬وبوری‮ ‬یێ ئاشكەرایە‮ .‬لڤێرە مە دڤێت باسێ ڤەكێشا هێزێت ئەمریكا ل سوریێ وب مانایا رادەست كرنا كوردان بو توركیایە كو بازرگانیەكا سەركەفتی‮ ‬ئەمریكا دگەل توركیا كری‮ ‬یە وبابەتێ مەزی‮ ‬هەر ئەوێ رامانێ ددەت كو ئەمریكا وچوار قولیا هەرێمی‮ ‬كو ئەمریكا خو ب دوستێ لێقەوماو هەژار وبێ دەستهەلاتا ددانیت لێ بەروڤاژی‮ ‬داخویانیێن وانان دهێتە خویا كرن كو بتنێ ئەمریكا بەرژەوەندێن خو دپارێزیت ونە ملكە بو كەسێ وهەمی‮ ‬وەلاتێن بەرژەوەند خواز بتنێ خو دڤێت وكار دكەن بو خو بتنێ.بو نمونە لدەمێ ئەمریكا عیراق داگیر كری‮ ‬ناڤ لسەر خو دانا كو قورتالكەرا وەلاتیێن سڤیل وبێ گونەهە چەوان عیراق گرت ئێكسەر خو كرە داگیر كەر ونمونا دی‮ ‬دەمێ بویەرێن‮ (‬16‮)‬دروست بوین ب پلانا بریتانیا وسەرپەرشتی‮ ‬یا ئەمریكا وبێ دەنگیا روسیا ئەڤ داگیركرنە دروست بو ودوزا كوردان دەهان سالان پاشڤە بر وزور هەلویستێن دی‮ .‬لداوی‮ ‬یێ دێ بێژم بێ گومان هەر دەردەكی‮ ‬دەرمانەك هەیە وهەر پرسگرێكەكێ چارەیەك هەیە ودیروكێ دایە دیار كرن كو ب ئێك گرتنێ تو دشیێە مەزنترین هیز و دێ كونترولێ لسەر كوما قەیران وپرسان كەی‮ ‬و ب‮ ‬یەكگرتنێ ئیرادا تە دێ ب سەركەڤیت‮. ‬دئێك ژ هوزانێن خو دا بەدرخان سندی‮ (‬گەر قەیسەر وخەلیفە چون نێچیرێ دڤێت ئەم كورد خەزال وپەز كویڤی‮ ‬بین وگەر ترك وروس ب شەر هاتن دڤێت ئەم كورد هەر پێش لەشكەری‮ ‬بین‮ . ‬ئێكگرتی‮ ‬بن كورد‮ ‬ئاڤەدان وئارام بیت كوردستان وبلند بیت ئالا كوردی‮ ‬وسەركەفتی‮ ‬بیت پێشمەرگێ قەهرەمان‮.‬