نەزهەت حالی‮
‬كاندید كردنی‮ ‬كاك نێچیرڤان و كاك مەسرور بارزانی‮ ‬بۆ دوو پۆستی‮ ‬گرنگی‮ ‬هەرێمی‮ ‬كورستان،‮ ‬لای‮ ‬زۆر كەس بە تایبەت جەماوەر و لایەنگرانی‮ ‬پارتی‮ ‬و ئەوانەی‮ ‬كە پارتی‮ ‬نین،‮ ‬بەڵام پێیان وایە بوونی‮ ‬كەسانی‮ ‬بەهێز و خاوەن ئەزموون لە ئاستی‮ ‬باڵای‮ ‬بەڕێوەبردنی‮ ‬وڵات بە تایبەت لەو بارودۆخەدا كار و پێویستیەكی‮ ‬ژیارییە،‮ ‬بە خۆشبینی‮ ‬و خۆشحاڵییەوە پێشوازی‮ ‬لێكراوە،‮ ‬زۆر سروشتییە لە كەشوهەوای‮ ‬دیموكراسی‮ ‬كەسانێكیش‮ ‬ڕای‮ ‬جیاوازیان هەبێت‮. ‬ ئەوەی‮ ‬لێرەدا مەبەستمە ئاماژەی‮ ‬پێ بدەم،‮ ‬لە بەدبەختی‮ ‬گەلی‮ ‬كوردستانە تاكو ئێستا كەشێكی‮ ‬ئارام و سەقامگیری‮ ‬ئەوتۆ بۆ ماوەیەكی‮ ‬درێژخایەن دروست نەبووە كە ئیتر بڵێین قۆناغەكە هەستیار نییە و دامەزراوە فەرمییەكانیش‮ ‬ڕەگی‮ ‬خۆیان بە قوڵی‮ ‬داكوتاوە،‮ ‬لە‮ ‬ڕاستیدا ئەو قۆناغەش زۆر هەستیارە و پێویستیمان بە سیاسەتمەداری‮ ‬شارەزا و خاوەن ئەزموون و ناسراو هەیە كە بتوانن وەكو‮ ‬یەك تیم بە پێی‮ ‬بەرنامەی‮ ‬سیاسی‮ ‬و ستراتیژی‮ ‬بۆ بەرژەوەندی‮ ‬هەرێم كار بكەن،‮ ‬بەر لە هەموو شتێكیش مانەوەی‮ ‬كیانی‮ ‬سیاسی‮ ‬هەرێمی‮ ‬كوردستان بپارێزن و پاشان لە هەموو‮ ‬ڕووەكانی‮ ‬سیاسی،‮ ‬ئابووری‮ ‬و كۆمەڵایەتی‮ ‬و زانستی‮ ‬پێشی‮ ‬بخەن‮. ‬ لەداهاتوودا ئەركی‮ ‬ئەو دوو بەڕێزە ئاسان نابێت و گەرچی‮ ‬زۆر لە بەرپرسارێتییەكە ئەكەوێتە سەرشانی‮ ‬هەردووكیان بەڵام بە تەنیا بەوانیش ناكرێت،‮ ‬نەك تەنیا تیمی‮ ‬حكومەتی‮ ‬داهاتوو بەڵكو تیمی‮ ‬پەڕلەمانیش لە پارتییەكان و لە وانەی‮ ‬كە بەشدار دەبن لە پێكهێنانی‮ ‬حكومەتی‮ ‬ئیئتیلافی‮ ‬داهاتوو زۆر گرنگە تەواو كەری‮ ‬یەكتری‮ ‬بن،‮ ‬نەك دژی‮ ‬یەكتری‮ ‬بن،‮ ‬ئەوەی‮ ‬گرنگە لایان سەركەوتنی‮ ‬هەرێم وگەلەكەی‮ ‬بێت‮. ‬ ‮ ‬ئەوە‮ ‬ڕاستییەكە كە كابینەی‮ ‬داهاتووی‮ ‬حكومەتی‮ ‬هەرێم درێژە پێدەری‮ ‬كابینەكانی‮ ‬ڕابردووە،‮ ‬میراتگری‮ ‬هەردوو لایەنی‮ ‬باش و خراپی‮ ‬كار و بڕیار و كردارەكانی‮ ‬كابینەكانی‮ ‬پێشوترە،‮ ‬زۆر شتی‮ ‬باش كراوە بەڵام كەموكوڕیش هەن كە عەقڵی‮ ‬سەلیم پێمان دەڵێت كاتی‮ ‬ئەوە هاتوە كە دەبێت چاك بكرێن‮. ‬ لە بەرئەوەی‮ ‬پارتی‮ ‬زۆرینەی‮ ‬كورسییەكانی‮ ‬پەڕلەمانی‮ ‬هەیە هەر بۆیە پێم وایە ئێمەی‮ ‬پارتییەكان زیاتر لە لایەنەكانیتر بەرپرسیارییەتیمان دەكەوێتە سەرشان،‮ ‬لە نوسین و قسە كردن و لە وتاردان نابێت هێرش بكەینە سەر هیچ كەس و لایەنێك،‮ ‬دەبێت بەكارهێنانی‮ ‬زمانی‮ ‬نەرم و لۆژیك باشترین شێوازی‮ ‬دەربڕینی‮ ‬باوەرەكانمان بێت،‮ ‬ئەو جۆرە لە گوفتار و رەفتارە نەرم و لۆژیكیە نابێت تەنیا بۆ كاتێكی‮ ‬كورت و دیاریكراو بێت،‮ ‬بۆ ئەوەی‮ ‬خەڵك بە هەلپەرستی‮ ‬لە قەڵەمی‮ ‬نەدەن،‮ ‬بەڵكو پێم وایە ئەبێت ببێتە كەلتوری‮ ‬سیاسیمان كە لە ئەنجامدا كاریگەری‮ ‬زۆری‮ ‬بۆ پاراستنی‮ ‬ئاسایشی‮ ‬كوردستان دەبێت‮. ‬ ‮ ‬كاك نێچێیرڤان و كاك مەسرور وەكو دوو كارەكتەری‮ ‬سیاسی‮ ‬پارتی‮ ‬و هەرێم تەواوكەری‮ ‬یەكتر دەبن لە بەڕێوەبردنی‮ ‬هەرێم،‮ ‬ئەزموونی‮ ‬سیاسی‮ ‬و دیپلوماسی‮ ‬و ئەمنی‮ ‬ئەوان لەگەڵ تیمێكی‮ ‬بە هێزی‮ ‬كارگێڕی‮ ‬و تەكنوكراتی‮ ‬دلسۆز وپاك و شارەزای‮ ‬حكومەت دەتوانێت هەرێم بەهێزتر و گەر خوا و گەلی‮ ‬كوردستان پشتیوانی‮ ‬ئەوان بن دەتوانن لە خزمەت كردنیان سەركەوتوو بن‮. ‬ لە سەر هەر كەسێك كە پۆستێك وەردەگرێت لە حكومەت بە كاك نێچیرڤان و كاك مەسروریشەوە پێویستە كە وەرگرتن و بەڕێوە بردنی‮ ‬پۆست بە ئەرك بزانن نەك مافی‮ ‬خۆیان،‮ ‬بۆ ئەوەی‮ ‬بتوانن هەست بە بەرپرسارێتی‮ ‬بكەن و ئەركی‮ ‬سەرشانیان جێبەجێ بكەن و ببنە جێگای‮ ‬رەزامەندی‮ ‬هاووڵاتیان‮. ‬ ‮ ‬لایەنە سیاسییەكان،‮ ‬بە پارتییەوەش پێم وایە جگە لەوەی‮ ‬سروشتییە وەكو استحقاقی‮ ‬هەڵبژاردن لە كۆبوونەوكانی‮ ‬پێكهێانی‮ ‬حكومەت و دابەش كردنی‮ ‬پۆستەكان داوای‮ ‬بەشی‮ ‬خۆیان بكەن،‮ ‬بەڵام لەوەش گرنگتر بوونی‮ ‬كارنامەیەكە كە حكومەت وەكو‮ ‬یەك تیم كاری‮ ‬لەسەر بكات و كەسانی‮ ‬شارەزا كە بە دور بن لە دەمارگیری‮ ‬بێ مانا و كەسانی‮ ‬بە توانا و پاك و دڵسۆز بن كە بتوانن خۆیان لەگەڵ كاری‮ ‬حكومی‮ ‬و ئیداری‮ ‬بگونجێنن و بە كاری‮ ‬تیمی‮ ‬و بە بەرنامە هێز بدەن بە دامەزراوەكانی‮ ‬فەرمی‮ ‬و حكومەتێكی‮ ‬بە هێز پێك بهێنن‮. ‬ ‮ ‬حكومەتی‮ ‬بەهێز واتە حكومەتی‮ ‬خاوەن دامەزراوەی‮ ‬بەهێز كە بتوانن‮ ‬یاسا و هاووڵاتیان بپارێزن،‮ ‬حكومەتێك كە بە دور بێت لە میزاجی‮ ‬كەسی‮ ‬و خاوەن بەرنامە وپلانی‮ ‬پێش وەختە بێت و هەڵی‮ ‬كار بۆ بێكاران بڕەخسێنێت،‮ ‬حكومەتێك كە كوردستانیان سەرەڕای‮ ‬جیاوازی‮ ‬باوەڕی‮ ‬سیاسییان بە هی‮ ‬خۆیان بزانن‮. ‬ ‮ ‬پێم وایە لە ئێستادا بارودۆخی‮ ‬نێوخۆی‮ ‬هەرێم بە تایبەت لە نێو پارتە سیاسییەكان گونجاوترە بۆ دیالۆگ كردن،‮ ‬ئەزموونی‮ ‬سیاسی‮ ‬ڕابردوومان ئەوەی‮ ‬درەخست نابێت بیر لە سڕینەوەی‮ ‬یەكتری‮ ‬بكەین،‮ ‬با سڕینەوەی‮ ‬پارتە سیاسییەكان لە مەیدانی‮ ‬كاری‮ ‬سیاسی‮ ‬بۆ بڕیاری‮ ‬گەلی‮ ‬كوردستان بێت لە كاتی‮ ‬هەڵبژاردنەكان،‮ ‬گەل كێی‮ ‬پێ باش بێت با هەڵیبژێرێت،‮ ‬هەر بۆیە گەر‮ ‬ڕای‮ ‬گەل ببێت بە پێوەر،‮ ‬لایەنە سیاسییەكانیش ناچارن كاری‮ ‬باش هەڵبژێرن لە بری‮ ‬كاری‮ ‬چەوت و هەڵە و خۆیان لە دیماگۆگیەت و فریودانی‮ ‬خەڵك بە دور بگرن‮. ‬هەروەها پێم وایە ئەوەی‮ ‬سیاسەت دەكات دەبێت زۆر كار بكات بەڵام نەفەسی‮ ‬درێژی‮ ‬هەبێت،‮ ‬حزبە مەزن و مێژوییەكانی‮ ‬كوردستان لەوانە پارتی‮ ‬بە خەبات و كاری‮ ‬سیاسی‮ ‬زیاتر لە حەفتا ساڵ گەیشتووەتە ئاستی‮ ‬ئێستا كە بتوانێت گەورەترین پارتی‮ ‬سیاسی‮ ‬هەرێم و عێراق بێت،‮ ‬ئەو حزبە بە قسە و بە دروشمی‮ ‬هەندێ كەس و لایەن لە نێو ناچێت‮. ‬ئەوە هەڵەی‮ ‬پارتە سیاسییەكان و خۆ نوێ نەكردنەوەو خۆ نەگونجاندنیانە كە لاوازیان دەكات و دەبێتە هۆكاری‮ ‬پوكانەوەیان‮. ‬ لە كۆتاییدا پێم وایە هەروەك چۆن پاراستنی‮ ‬كوردستان و گەلەكەی‮ ‬ئەركی‮ ‬هەموومانە،‮ ‬پشتگیری‮ ‬كردن لە كابینەی‮ ‬داهاتووش ئەركی‮ ‬هەموومانە بۆ ئەوەی‮ ‬ئەو حكومەتە بتوانێت حكومەتی‮ ‬یاسا پارێزی‮ ‬وخزمەتكردنی‮ ‬گەلی‮ ‬كوردستان بێت‮. ‬