راپۆرتە هەواڵەكانی‮ ‬ئەڵمانیا بڵاویانكردەوە كە‮ ‬یانەی‮ ‬بایرن میونخ بڕە پارەیەكی‮ ‬زۆری‮ ‬ئامادە كردووە بۆ بەنجام گەیاندنی‮ ‬شۆڕشێك لە ریزەكانی‮ ‬بەهۆی‮ ‬بەرزبوونەوەی‮ ‬تەمەنی‮ ‬یاریزانای‮ ‬پێكهاتەی‮ ‬ئێستای،‮ ‬كە زۆربەیان لەسەرووی‮ ‬تەمەنی‮ ‬30ساڵیەوەن،‮ ‬وەكو رۆبن و ریبێری‮ ‬و بوایتنگ و نوێر و خافێر مارتینێز و هۆمڵز و لیڤاندۆڤیسكی،‮ ‬بەگوێرەی‮ ‬هەمانسەرچاوە‮ ‬یانەی‮ ‬باڤاری‮ ‬بڕی‮ ‬200ملیۆن‮ ‬یۆرۆی‮ ‬بۆ نۆژەنكردنەوەی‮ ‬ریزەكانی‮ ‬ئامادەكردووە،‮ ‬كە سەرەتا لەگواستنەوەكانی‮ ‬زستانە دەست پێدەكات و لەهاوینە كۆتایی‮ ‬دێت‮. ‬هۆكارێكی‮ ‬دیكە ئەوەیە دابەزینی‮ ‬ئەنجامەكانی‮ ‬تیپەكەیان لەم وەرزە كە ئێستا لەپلەی‮ ‬سێیەمی‮ ‬خولی‮ ‬ئەڵمانیا دان بەجیاوازی‮ ‬11خاڵ لەگەڵ‮ ‬یانەی‮ ‬بۆرۆسیا دۆرتمۆندی‮ ‬پێشەنگ،‮ ‬كە ئەمەش وایكردووە ئیدارەی‮ ‬یانەكە باوەڕی‮ ‬تەواوی‮ ‬بەوە هەبێت كە ئێستا كاتی‮ ‬ئەوە هاتووە نەوەكان گۆڕانیان بەسەردابێت‮. ‬لەلایەكی‮ ‬دیكەوە‮ ‬یانەی‮ ‬ئەتلەتیكۆ مەدرید ئەو هەواڵەی‮ ‬رەتكردەوە كە باسی‮ ‬رێككەوتنی‮ ‬بەرگریكاری‮ ‬یانەكەیان لۆكاس هێرناندێزیدەكرد لەگەڵ‮ ‬یانەی‮ ‬باڤاری‮ ‬بە شكاندنی‮ ‬بۆندەكەی‮ ‬بەبەهای‮ ‬85ملیۆن‮ ‬یۆرۆ،‮ ‬بەڵام هێشتا راپۆرتە هەواڵەكان باس لەدروستی‮ ‬بۆندەكە دەكەن‮. ‬یاریزانی‮ ‬هێڵی‮ ‬ناوەڕاستی‮ ‬فەرەنسی‮ ‬كۆرینتین تۆلیسۆ گرانترین بۆندی‮ ‬یانەی‮ ‬بایرن میونخ بووە كە بەبەهای‮ ‬45 ملیۆن‮ ‬یۆرۆ لەیانەی‮ ‬لیۆنی‮ ‬كڕی،‮ ‬بەڵام چاوەڕێ دەكرێت ئەم بۆندە پێوانەییە بشكێندرێت،‮ ‬ئەگەر‮ ‬یانەی‮ ‬بایرن بیەوێت ریزەكانی‮ ‬بەیاریزانی‮ ‬كێشی‮ ‬قورس نۆژەن بكاتەوە‮. ‬