خه‌بات: نەبەز روستایی

رۆژنامەی‮ ‬بێڵدی‮ ‬ئەڵمانی‮ ‬راپۆرتێكی‮ ‬بڵاوكردەوە كە تیایدا ئاماژەی‮ ‬بەدابەزینی‮ ‬ژمارەی‮ ‬هاندەرانی‮ ‬ریال مەدریدی‮ ‬ئیسپانیا كردووە لەسەر پەیژەكانی‮ ‬یاریگای‮ ‬سانتیاگۆ برنابیۆ‮ ‬لەكاتی‮ ‬بەڕێوەچوونی‮ ‬یارییەكانی‮ ‬یانەی‮ ‬شاهانە لەسەر ئاستی‮ ‬هەردوو خولی‮ ‬ناوخۆ و ئەوروپا‮. ‬رۆژنامەكە دەڵێت‮: ‬لەدوایین‮ ‬یاری‮ ‬ریال مەدرید لەسەر‮ ‬یاریگای‮ ‬برنابیۆ‮ ‬بەرامبەر‮ ‬یانەی‮ ‬رایۆ ڤالیكانۆ لەگەڕی‮ ‬17ی‮ ‬لالیگادا،‮ ‬تەنها‮ ‬55229هاندەر ئامادەی‮ ‬یارییەكە بوون،‮ ‬لەكاتێكدا‮ ‬یاریگای‮ ‬جێگای‮ ‬81044هاندەر دەبێتەوە‮. ‬لەدوایین گەڕی‮ ‬قۆناغی‮ ‬گرووپەكانی‮ ‬خولی‮ ‬یانە پاڵەوانەكانی‮ ‬ئەوروپا كە گەڕی‮ ‬شەشەم بوو،‮ ‬كە تیایدا ریال مەدرید لەسەر‮ ‬یاریگای‮ ‬خۆی‮ ‬بەرامبەر سیسكا مۆسكۆی‮ ‬رووسی‮ ‬بە3گۆڵی‮ ‬خاوێن دۆڕا تەنها‮ ‬51363 هاندەر ئامادەی‮ ‬یارییەكە بوون،‮ ‬بەگشتی‮ ‬ئامادەبوونی‮ ‬هاندەرانی‮ ‬ریال مەدرید لەسەر‮ ‬یاریگای‮ ‬سانتیاگۆ لەكەمی‮ ‬داوە،‮ ‬كە بەرێژەی‮ ‬5509هاندەر بووە بۆ هەر‮ ‬یارییەك،‮ ‬لەكاتێكدا ئاستی‮ ‬دابەزینی‮ ‬هاندەران لەیاری‮ ‬خولی‮ ‬یان پاڵەوانەكانی‮ ‬ئەوروپا نزیكەی‮ ‬11.000هەزار هاندەر بووە بۆ هەر‮ ‬یارییەك‮. ‬رۆژنامەكە ئەمەی‮ ‬زەقكردۆتەوە،‮ ‬كە رۆیشتنی‮ ‬رۆناڵدۆ بۆ‮ ‬یانەی‮ ‬یۆڤنتۆسی‮ ‬ئیتاڵی‮ ‬هۆكاری‮ ‬دابەزینی‮ ‬ئاستی‮ ‬هاندەرانە،‮ ‬بەتایبەتی‮ ‬لەكاتێكدا لەهیچ‮ ‬یارییەك‮ ‬یانەی‮ ‬مێرینگێ نەیتوانیوە تەواوی‮ ‬بلیتەكانی‮ ‬بفرۆشێت‮. ‬یاریگای‮ ‬برنابیۆی‮ ‬بەناوبانگ زۆرترین ئامادەبوونی‮ ‬ئەم وەرزەی‮ ‬لەسەر ئاستی‮ ‬هاندەران لە‮ ‬12یاریدا‮ ‬60هەزار هاندەر ئامادەی‮ ‬بینینی‮ ‬تیپەكەیان بوون‮. ‬كە ژمارەی‮ ‬پێوانەیی‮ ‬ئەم وەرزە لەسەر ئاستی‮ ‬ئامادەبوونی‮ ‬هاندەران بۆ سەر‮ ‬یاریگای‮ ‬سانتیاگۆ لەیاری‮ ‬دێربی‮ ‬بەرامبەر ئەتلەتیكۆ مەدرید بوو كە‮ ‬78682هاندەر بوو‮. ‬