ساڵح محەمەد تەیرۆ
ئەگەر ئەم بزڤرینەڤە بۆ پشتی‮ ‬هەلبژارتنێن‮ ‬پرسا نەتەوی‮ ‬ونیشتیمانی‮ ‬یا ریفراندومێ ئەوا هاتیە ئەنجام دان ل‮ ‬25/9/2017 ی‮ ‬بۆ وان پیلان و ئاستەنگێن هاتینە دانان وداریشتن‮ ‬ژلایی‮ ‬دوژمن وداگیركەرێن كوردستانێ چ ل نافخویی‮ ‬و هەرێمی‮ ‬ودەرڤە ل دژی‮ ‬رێبازا پیرۆزا پارتی‮ ‬دیموكراتی‮ ‬كوردستان و بارزانیێ نەمر ب گشتی‮ ‬و ب تایبەت ل دژی‮ ‬سەرۆك بارزانی‮ ‬كۆ د وێ باوەریێ دا بوون‮ ‬و ب وێ خەیالا خاڤ دێ كارن بڤان پیلانێن خوفروشیێ وخیانەتكاریێ گوری‮ ‬بو پارتی‮ ‬بكوڵن و دگەل جەنازەیی‮ ‬ژی‮ ‬بەرەڤ گورستانێ ڤە بچن و سورەتا فاتیحە ژی‮ ‬دێ لسەر پارتی‮ ‬خوینن و ئەو پیلانا خیانەتكاریا دژی‮ ‬پرسا نەتەوی‮ ‬ونیشتیمانی‮ ‬ومروڤایەتی‮ ‬بجه بینن و بگەهنە مەرەمێن خۆ‮ ‬یێن چەپەل كو ئەڤە زێدەتر ل نیڤ چەرخی‮ ‬یە لسەر وێ هزرا چەپەل و بهێن گەنی‮ ‬دژین‮ ‬،‮ ‬لێ نەزانی‮ ‬و نەڤیا بزانن ژی‮ ‬كو ئەڤرۆ سەردەم‮ ‬سەردەمێ پێشكەفتنا تەكنولوژیایە و خەلكێ كوردستانێ‮ ‬یێ هوشیارە و باش و چاك دزانن كینە بەرەڤانیێ ل ئاخا پیرۆزا كوردستانێ كری‮ ‬یە ودكەن و خۆ ب خودانێن ئەزمونا هەرێما كوردستانێ دزانن و ل بەرپرسیارەتیا نەتەوی‮ ‬ونیشتیمانی‮ ‬ژی‮ ‬خو نادەنە پاش و هەلگرێن پەیاما راستەقینە‮ ‬یا دوزا رەوایا گەلێ كوردە كو ئەو ژی‮ ‬پارتی‮ ‬دیموكراتی‮ ‬كوردستانە و سەرۆك بارزانی‮ ‬یە‮.‬
پارتی‮ ‬دیموكراتی‮ ‬كوردستان وسەرۆك بارزانی‮ ‬سەرێن خوە لبەر وان پیلان و شەرخواز و خوفروشان نەچەماند وهەتا ب هیمەتا پێشمەرگەهێن قەهرەمان و ب سەرپەرشتیا سەرۆك بارزانی‮ ‬كوردستان و قەوارا وێ‮ ‬یا دەستووری‮ ‬ویاسایی‮ ‬و دۆز و داخازیێن گەلێ كوردستانێ‮ ‬یێن رەوا ب زیندی‮ ‬هێلاینەڤە و پیلانێن شەرخوازو خیانەتكارو خوفروشان شكەستنێ پێ بینین و وانەیەك ژی‮ ‬نیشا واندا كو تا ل ژیاندا مابن ژبیر نەكەن‮ ‬و ب كارێزما و شارەزا و بسپور نێچیرڤان بارزانی‮ ‬سەرۆكێ حكومەتا هەرێما كوردستانێ كو دهەمان دەم دا جێگرێ پارتی‮ ‬دیموكراتی‮ ‬كوردستانە و بۆ ئەگەرا سەركەفتن و پاراستنا ئەزمۆنا هەرێما كوردستانێ ژ هەمی‮ ‬ئالیەكێڤە و پەیوەندیین حكومەتا هەرێما هەرێما كوردستانێ بزڤرینتەڤە‮ ‬و خەلكێ كوردستانێ ل وێ قویناغا سەخت ودژوار رزگاركر بكەتن‮ ‬،‮ ‬چونكە ئارمانجا وێ پیلانا مەزن ئەو بویە كو حكومەتەك نەمینیت بناڤێ هەرێما كوردستانێ و جارەكا دی‮ ‬ببیژن‮ ‬پارێزگەهێن باكوری‮ ( ‬محافەزات ئەل شیمال‮ ).‬
‮ ‬هەر ل پشتی‮ ‬راگەهاندنا ئەنجامێن هەلبژارتنێن نوێنەرێن جڤاتا عیراقا فیدرال كو ل‮ ‬25گولانا‮ ‬2018 هاتیە ئەنجام دان و پارتی‮ ‬دیموكراتی‮ ‬كوردستان شیا‮ ‬25‮‬كورسیان بدەستڤە بینیت بۆ جڤاتا نوێنەرێن عیراقا فیدرال‮ ‬و بویە پارتیا ئێكەم لسەر ئاستێ عیراقا فیدرال‮ ‬،‮ ‬دیسان ل هەلبژارتنێن پەرلەمانێ كوردستانێ ژی‮ ‬كو ل‮ ‬30ئیلونا‮ ‬2018 ‮‬هاتیە ئەنجامدان دیسان پارتی‮ ‬شیا‮ ‬45‮‬كورسیان بدەستڤە بینیت و ژبلی‮ ‬ئەو فرت وفیلێت ل دەنگێت پارتی‮ ‬دیموكراتی‮ ‬كوردستان هاتینە كرن ل هەردوو هەلبژارتنان دا‮ .‬
پشتی‮ ‬ڤان ئەنجامێن ڤان هەلبژارتنان دوژمن و داگیركەرێن كوردستان و ئەوێن بووینە هەڤسەنگەرێن وان ژی‮ ‬هەولدا كو بخودا بچنەڤە و گەهشتنە وێ باوەریێ كو ئەو پیلانێن وان داناین تویشی‮ ‬شكەستنێ بوون و ئەو معادلاتێت وان هزر ژی‮ ‬بۆ دكر دخەلەت بوون وهاتنە بنگوركرن و ئەو هێزێن زلهێزێن دەرڤە ژی‮ ‬یێن بووینە پشتەڤانی‮ ‬ڤێ پیلانێ پەشیمان ببنەڤە‮ ‬كو مەحالە پارتی‮ ‬ژناڤ بچیت‮ ‬،‮ ‬ژبەر ڤێ چەندێ ل پشتی‮ ‬ئەنجامێن هەلبژارتنان هەولێر بۆ قیبلەها سەرەدانێن شاندێن حكومەتا ناوەندی‮ ‬و‮ ‬یێن دەرڤە ژی‮ ‬و گەهشتنە وێ باوەریێ كلیلا چارەسەریا كێشەیێن دنێڤبەرا حكومەتا عیراقا فیدرال و هەرێما كوردستانێ و ئارامی‮ ‬و تەبایی‮ ‬و پێكڤە ژیان‮ ‬یا ددەستێ سەرۆك بارزانی‮ ‬و ل هەڤلێر و پیرمام و سەرێ بلنددا‮ ‬نەك ل لایەكێ دی‮ ‬یێ كوردستانێ‮ ‬یە‮ ‬،‮ ‬هەر شاندەكا بیانی‮ ‬وهەرێمی‮ ‬و عیراقی‮ ‬ژی‮ ‬سەری‮ ‬ل هەڤلێر دابیت داخاز كری‮ ‬یە كو سەرۆك بارزانی‮ ‬سەرەدانا بەغدا بكەتن بۆ چارەسەریا كێشەیێن دنێڤبەرا حكومەتا بەغدا وهەرێما كوردستانێ‮ ‬،‮ ‬چونكە باش و باش دزانن كو گرنگیا سەرۆك بارزانی‮ ‬دسەنتەری‮ ‬براردانێ چەندە و‮ ‬یا خویایە ژی‮ ‬كو سەرۆك بارزانی‮ ‬ژ بلی‮ ‬مەرجعەكێ مەزنە بۆ گەلێ كوردستانێ و خودان مەزنترین پارتی‮ ‬یە لسەر ئاستێ عیراق و كوردستانێ‮ ‬،‮ ‬دیسان بارزانی‮ ‬مساومە لسەر بهوستەكا ئاخا پیروزا كوردستانێ ناكەتن هەر چەند بەرەڤانیكرن و پیلان دسەخت ودژوار بن‮ ‬و بریارێ ژی‮ ‬ل چ كەس ولایەنەكێ ژی‮ ‬وەرناگریت وخودانێ هەلویستێ خۆ‮ ‬یی‮ ‬نەتەوی‮ ‬ونیشتیمانی‮ ‬یێ نەگورە و بریارا خویە‮. ‬لەوما و بو بەرژەوەندیا گشتی‮ ‬كو هەردەم پارتی‮ ‬دیموكراتی‮ ‬كوردستان و سەرۆك بارزانی‮ ‬بەرژەوەندیا گشتی‮ ‬ل پێش بەرژەوەندیا بەرتەسكا حزبایەتی‮ ‬دانایە و سەرۆك بارزانی‮ ‬زڤریەڤە بۆ ناڤ سەنتەرێ بریاردانێ ل عیراقا فیدرال و ئەڤە ژی‮ ‬نیشانێ سەنگ و پێگەها سیاسی‮ ‬و دیبلوماسی‮ ‬یا سەرۆك بارزانی‮ ‬یە ل سەر ئاستێ نافخویی‮ ‬و دەرڤە‮ ‬،‮ ‬لێ خالەكادی‮ ‬یا گرنگ ئەوە كو مرۆڤ ئاماژێ پێ بدەت ئەوە كو ئەڤ سەرەدانا‮ ‬یا گرنگ و ئەو پێشوازیا مەزن ئەوا ژلایێ سەركردە و بەرپرسێن حكومەتا ناوەندی‮ ‬ل سەرۆك بارزانی‮ ‬هاتینە كرن و كومبونێن وی‮ ‬دگەل وان ئەڤە خۆ ب خۆ‮ ‬بەرسڤەك بۆ بۆ وان كەس و لایەنێن دەرڤە و هەرێمی‮ ‬و عیراقی‮ ‬وهەرێما كوردستانێ ئەوێن ل دژی‮ ‬پرسا ریفراندومێ راوەستایی‮ ‬و ل پاش سازدانا ئەڤێ پرسا نەتەوی‮ ‬ونیشتیمانی‮ ‬و دیروكی‮ ‬و بویە سەنەدەك و بەلگەهەكا‮ ‬یاسایی‮ ‬ددەستێن مللەتێ كورددا‮ ‬،‮ ‬هەروەتوڤ بەرسڤەكا توند ژی‮ ‬بۆ وان ئەوێن كو ل وێ باوەریێ دا بون و دوێ خەونا حوشترێ دا دژیان كو سەرۆك بارزانی‮ ‬و ریفراندومچیێن كوردستانی‮ ‬تڤیا بهێنە دادگەهكرن لسەر پرسا ریفراندومێ‮ ‬و ب باوەرا وان ئەڤە خیانەتەكە ل عیراقا ئیكگرتی‮ ‬كرین و ئێدی‮ ‬سەرۆك بارزانی‮ ‬و پارتی‮ ‬دیموكراتی‮ ‬كوردستان هاتنە دابرین ل تەڤایا پەیوەندیین سیاسی‮ ‬ل نافخۆ و دگەل دەرڤە ژی‮ ‬لێ پێشینا راستگوتی‮ ‬یە‮ (( ‬ئاش ل خیالەكێ و ئاشەڤان ل خیالەكادی‮)).‬
لدویماهیێ فەرە ئاماژێ بدەمە گرنگیا پێگەها هەرێما كوردستانێ ل سیاسەتا نێڤ دەولەتی‮ ‬بۆ قویناغێن داهاتی‮ ‬و دپشت راستین كو پاشە رۆژا كوردستانێ دێ گەشتر و بهێز تر كەڤیت و دیرۆك ژی‮ ‬رەحمێ ب كەس دا نابەت و ئەو خیانەتكارو خوفروش ژی‮ ‬دێ كەڤنە بەرنەفرەتا دیروكێ و سەركەفتن ژی‮ ‬دێ بۆ ئیرادەیا گەلێ كوردستانێ بیت‮.‬