سەربەست ساڵح
شكسپیر دەڵێ: فرمێسكەكان نیشانەی خەمخۆری و ئەمەكدارین، بەڵام چارەسەرنین.
ساڵانێكە بەناوی بە بەهەشتكرنەوە دەڕوخێنن و دەسوتێنن، تۆویی نائومێدی دەچێنن، بەناوی ئازادییەوە، بە درووشمی دیموكراسی و ئینشا و هوتافی دادپەروەرییەوە، بە ڕمڵێدان بۆ یەكسانی و مەدەنیەت! بەناوی ئەهلیی و بێلاییەنەوە ڕەش بەسپی و دواتر هەمان سپی بە ڕەشدەكەنەوە! خۆ لە ڕاستیدا ئەوان هەر ناو نازناوێك بە خۆیاندا هەڵبواسن تاقمێك كادری حیزبی و ئایدۆلۆژین، ئەوان داهێنەری باڵباڵێن و تاقمبازی و ئۆینبازی و پەڕلەمانبازی و سیاسەتبازین، ئەوان بەناو و دروشمی نوێسازیی دێنەگۆ، لێ ئەوەی بەرهەمیانهێناوە كۆن و سواوە، عەقڵەیەت و مەنتاڵیتەتی ئەوان تەنها بەكاری چێكردنی دۆزەخ دێت. ئەوەی ئەوان بەرهەمیانهێنا بەر لەهەركەس خۆیانی نائومێدكرد، سیاسەتی كۆنەپارێزانەی ئەوان پردەكانی متمانەی رووخاند، چینە كۆمەڵایەتیەكانیان لەیەكترازان، ئەوان هۆكاری دوودڵی و نانەوەی پشێووین، هۆكاری سستی پێشكەوتنی كۆمەڵگان. ئەركی بەرەی ڕستەقینەی گەل و نیشتمان و ئاڵاهەڵگرانی كوردایەتی و دیموكراسی گەلێك سەختە، لەوەی بەر بە تەووژمی دروستكەرانی دۆزەخ بگرین! ئەوانەی بەناوی دروستكردنی بەهەشتەوە هاتوون!. ئەوانەی پارێزگای سلێمانی و هەڵبجەو دەڤەری ڕاپەڕین و گەرمیانیان وێرانكرد، بەناوی ئەوەی ئاوەدانی دەكەنەوە!. ئەوان كە خۆییان وەك پارێزەری مڵك وماڵ و سامانی گشتی دناسێنن! سامانی گشتیان تاڵانكردوو دواتر حیزبەیان پێقوتكردوە، كەناڵی میدیایی زەبلاحیان پێدروستكرد، بەشێك لە رەووتی ڕایگشتیان پی بەلاڕێدا برد. بەناوی دیموكراسییەت و لیبڕاڵیزمەوە پەلاماری پیرۆزییەكانی نیشتمان دەدەن، بەناوی نوێگەرییەوە سەرگەرمی وێرانكردنی دەروونی مرۆڤی كوردن، بەناوی عەقڵانیەتەوە بەر بەعەقڵ و لۆژیك دەگرن لێناگەڕین كۆن بكەویت و كۆتایبیت، كامە چەمك و دهێنراوی هاوچەرخ هەیە لە(دیموكراسیەت، لیبرالیزم، ئازدی، یەكسانی و دادپەروەریی، كرانەوەی كۆمەڵگاو میدیایی ئازاد و بەدیهێنانی كۆمەڵگای مەدەنی ئەوان لاقەیان نەكردبێت بەناوی ئەوەی پراكتیزی دەكەن!. پرسی گەنج و زەمینەسازیی بۆ پەروەردەكردن و هێنانە پێشەوەی گەنج لە كوردستان یەكێكیترە لەو چەمەك و كاناڵانەی رەووتی پۆپۆڵیست لە كوردستان خراپ سوودی لێوەرگرتوە، ئەوان جیهانی گەنجانیان قانداوە بە درووشمی بریسكەدار، لە هێنانەبوونی زەمینەیەك گەنج زیاتر لە خواست و خەیاڵە وەنەوەشەییەكانی دەسبكەوێت، بە جۆرەها گوتار و شیعارات و هوتاف گەنج دەلاوێنن! لێ ئەو بەڵێن و درووشمانە هەرگیز بە واقیع شادنەبوون، نەك بەشێكی زۆری بەڵێنەكەنایان نەكرد بەكردار، بگرە بچوكترین بەڵێن و پەیمانیان نەبردەسەر، ئەم بێ بەڵێنیە بەشێك لە گەنجانی كوردستانی نائومێدكرد لە جیهانی سیاسەت و حیزبایەتی تا بە ئەگەری گۆڕانكاری بەرەو باشتر دەگات، ئەوان هێزە درووشم گەورەكان ئەو هێزانەی جگە لەدرووشم شتێكی تر شكنابەن، هۆكارن بۆ لاوازبوونی متمانەی خەڵك بە پرۆسەی سیاسیی و حكومڕانی، تا ئەو ئەندازەییەی بەشێكی زۆری هەوادار و لایەنگرەكانیان بەشداری پرۆسەی هەڵبژاردنی گشتی نەبوون، سەرئەنجام دەنگ و ڕێژەیی كورسییەكانیان داكشانی گەورەی بەخۆییەوە بینی (تۆ بڵێ هاڕەیكردە خوارەوە)!. لە پێكهێنانی كابینەی نوێی حكومەتی هەرێمی كوردستاندا ئیرادەی خێر و بەرەی ووڵاتپارێزان دەرفەتی ئەوەمان هەیە كار بكەین بۆ بنیاتی ماتمانەی خەڵك، دووبارە ڕێكخستنەوەی كۆمەڵگاو شكاندنی تەوقەكانی ناوچەگەرێتی و سەرپێخستنی حكومڕانیەك بتوانێت هاوشێوەی ئارامی و ئاوەدانی پارێزگای هەولێر و دەڤەری بادینان و پارێزگای دهۆك، پارێزگاو دەڤەرەكانی تریش ئاوەدان و ئارامبن، كابینەی نوێ سەرەتایەكبێت بۆ كۆتایهێنان بە نەفەسی دووئیدارەیی و قۆرغكاریی. سەرلەنوێ بنیاتنانەوەی متمانە.
