سوورە مەرگەیی
پێچەوانەی چاوەڕوانی هەندێ دەستە و گرووپی خیانەتكار و وڵاتفرۆش، كە ریفراندۆم و گەڕانەوە بۆ دەنگ و بریاری خەڵكی كوردستانیان بە تاوان دەزانی و، پێیان وابوو سەرۆك بارزانی بە هۆی ئەنجامدانی ئەو تاوانەوە دەبرێتە ناو قەفەسی دادگا و پارتیش وەك حزب دەپووكێتەوە و بەوەش خواستی دێرینی ئەوان دێتەدی، ئەو چاوەڕوانیەشیان وەك هەموو چاوەڕوانیەكانی مامۆستاكانی پێش خۆیان هەڵە بوو، داگیركارانی كوردستانیش لەوان هەڵەتر بوون كە پێیان وابوو خیانەتی ئەو دەستە و گرووپانە دەتوانێ سەرۆك بارزتنی بوەستێنی و بەو وەستانەش حەزی شەرانگێزی و خواستی داگیركاری ئەوان دێتەدی، بەڵام هەر چۆنیك بێ داگیركارانی كوردستان و خیانەت بۆكراوان پێش خیانەتكاران بەئاگا هاتنەوە.
رێفراندۆم و گەڕانەوە بۆ دەنگ و بڕیاری خەڵكی كوردستان كە سەرۆك بارزانی رابەرایەتی دەكرد، نزیكەی 93 % دەنگی خەڵكی كوردستانی لە پشت بوو، ئەوەش نامەیەك بوو بۆ خیانەتكار و خیانەت بۆ كراوان كە سەرۆك بارزانی هەڵگری خواستی زۆرینەی هەرە زۆری خەڵكی كوردستانە، هەردوو لایان واتا خیانەتكار و خیانەت بۆ كراو پێیان وابوو دەتوانن بە پیلان و بەكارهێنانی هێز دەتوانن درزێك لە نیوان خواستی خەڵكی كوردستان و رابەرایەتی سەرۆك بارزانی درووست بكەن، ئەوە بوو لە 16ی ئۆكتۆبەری2017 دووانە پیلان و هێز بە هاوكاری و پشتیوانی وڵاتانی ئەقلیمی و بێدەنگی كۆمەڵگەی نێودەوڵەتی بەكار هێنرا و لە پردێ سحێلا وەڵامی خۆیان وەرگرت.
دواتر هەڵبژاردنی عێراق هاتە پێش و پێیان وابوو لەو هەڵبژاردنە دەتوانن پاشەكشە بە پارتی بكەن، بۆ ئەو مەبەستەش چییان پێكرا كردیان، لەوەشدا پێچەوانەی چاوەڕوانی ئەوان پارتی لەگەڵ ئەوەشدا كە لە كەركوك بایكۆتی هەڵبژاردنی كرد، بەڵام (25) كورسی هێنا و لەسەر ئاستی كوردستان و عێراق وەك حزب یەكەمی خۆی سەلماند، ئەوەش وەڵامێكی تر بوو بۆیان.
لە هەڵبژاردنی پەرلەمانی كوردستانیش خەیاڵی شكستی پارتی گرتبوونی، بەڵام پارتی لە باتی كورسی كەمبوون و پاشەكشە وەك ئەوان چاوەڕوانیان دەكرد، كورسیەكانی لە (38) كورسییەوە گەیاندە (45) كورسی.
ئەو زنجیرە سەركەوتنانەی پارتی پەیامگەلێك بوون بە خیانەتكار و خیانەت بۆ كراوانیان گوت: خواستی خەڵكی كوردستان و رابەربوونی سەرۆك بارزانی ئاوێتە بووی یەكترین و هیچ پیلان و هیزێك ناتوانێ لە یەكتریان جیا بكاتەوە.
ئەو زنجیرە سەركەوتنانەی لە پردێ و سحێلا و تەلەسقوف و مەمحموودییە و شوێنەكانی دیكە داگیركارانی كوردستانی لەوە ئاگادار كردەوە كە كورد نوێنەی خۆی دیاری كردووە و بە پیلان و هیز و شەڕانگێزی ناتوانن نوێنەر گۆڕكێ بە خەڵكی كوردستان بكەن، بۆیە بەراخستنی فەرشی سوور بۆ سەرۆك بارزانی و وەك رابەری كورد كەوتنە پێشوازی لێكردنی، بەوەش ئەو دەستە و گرووپانەی پێیان وابوو سەرۆك بارزانی دەبرێتە ناو قەفەسی دادگا و وەك دەیانەوێ بە دیار دادگایی كردنیەوە دادەنیشن، بەوەش مەیدانی تەراتێن و جلیتبازی خیانەتیان بۆ چۆڵ دەبێ و كەس نامینێ رێگری لە خیانەت و وڵاتفرشی ئەوان بكات، بەڵام پێچەوانەی چاوەڕوانیەكەیان بەو سەردانە و ئەو سەرە گرتنەی سەركردەكانی عەرەب بۆ بینینی سەرۆك بارزانی ژانی سیاسی گرتوونی و نازانن بە چ خیانەتێكی تر خۆیان دەرباز بكەن.
