فەرماندەی فەرماندەیی ناوەندیی ئەمریکا ڕایگەیاند، ئۆپەراسیۆنی داستانی توڕەیی دژی ئێران بەردەوام دەبێت و توانای دەریایی ئەو وڵاتە بەتەواوی لاواز کراوە.
ئەدمیراڵ براد کوپەر، فەرماندەی فەرماندەیی ناوەندیی ئەمریکا ”سێنتکۆم”، لە پەیامێکی ڤیدیۆییدا ڕایگەیاند، ئۆپەراسیۆنی داستانی توڕەیی بە سەرکەوتوویی بەڕێوەچووە و ئۆپەراسیۆنەکەیش هێشتا بەردەوامە.
بەوتەی کوپەر، هێزەکانی ئەمریکا تاوەکو ئێستا زیاتر لە 10 هەزار ئامانجی سەربازییان پێکاوە و ئیسرائیلیش هەزاران ئامانجی دیکەی بۆردومان کردووە.
٠ یەکێک لە گەورەترین دەستکەوتنی ئەم ئۆپەراسیۆنە، تێکشاندنی 92%ـی هێزە دەریاییەکانی ئێرانە، کەشتییە سەربازییە بەهێزەکانی ئێران لەناوچوون.
٠ ئێران توانای ئەوەی نەماوە هێزی دەریایی خۆی لە ناوچەکە و جیهاندا بەکاربهێنێت.
فەرماندەی سێنتکۆم ئاشکرای کرد، زیاتر لە دوو لەسەر سێی کارگەکانی بەرهەمهێنانی مووشەک، درۆن، دامەزراوە دەریاییەکان و کارگەکانی کەشتیسازیی ئێران لەناو براون یاخود زیانی گەورەیان بەرکەوتووە.
