رێباز حه‌ملان
رووداوەکانی ئەم ماوەیەی رابردوو لە کۆتایی ساڵی ٢٠٢٥ لەکاتی سەردانی سەرۆک بارزانی بۆ شەرناخ لە باکووری کوردستان، لە دوای رووداوە تاڵ و ناخ هەژێنەکانی و پەلاماردانەکەی هەردوو گەڕەکی کوردنشین لە حەلەب، جارێکی تر بە هەڵوێستە نیشتمانی و نەتەوەییەکانی بۆ هەموو دونیای سەلماندەوە بە تورک و فارس و عەرەب، بە وڵاتێکی زلهێزی وەک ئەمه‌ریکاش کە سەرۆک بارزانی ئەو مەرجەعە باڵایەی گەلی کوردستانە کە مەزهەب و نەتەوە و ئایینزاکان و سیاسییەکان بە دۆست و نەیارانیشەوە باش تێگەیشتن کە بریارە چارەنوسسازەکان بێ سەری بڵند تێناپەرن .
هەر بریارێکی سیاسی بێ ڕەزامەندی بارزانی تێپەر ببێت بەردەوام نابێ و تووشی شکست دەبێ.
پەیامی ئەمڕۆی سەرۆک بارزانی بۆ پشتگیری هاووڵاتییانی عەرەبی سووری کە لە هەرێمی کوردستان نیشەجێن و ژیان و گوزەرانیان لە هەرێمە ئەو پشتیوانی و بە هانەوە چوونەی سەرۆک مەسعود بارزانی بۆیان لەپێناو پاراستنی پێکەوە ژیان و دروستنەبوونی کێشەی نەتەوەیی کوردو عەرەبە، زوڵم و ستەمی سیاسییەکان نابێت هاونیشتمانی سڤیل باجی بدات ئەوە لەگەڵ رەسەنایەتی کورد ناگونجێ و هەرێمی کوردستان هەمیشە پەناگەیەکی ئارام بووە بۆ هەموو نەتەوەو پێکهاتەیەک و هەرواشدەبێ و بۆتە شووناسی پێکەوە ژیان لە ناوچەکە.
هەمیشە سەرۆک بارزانی پێداگیری لە پێکەوە ژیان دەکاتەوە ئەو ستەمەی لەگەلی کورد دەکرێت سیاسیە زاڵم و بێ وەفاکانن و کاری حیزبی و خەڵکی نا مۆراڵن بەڵام مانای کێشەی نەتەوەیی نییە. ئەم هەڵوێستە بەردەوامانەی سەرۆک بارزانی کە زۆر جوامێرانەو کوردانە و موسڵمانانەیە وای کردووە رۆژ بە رۆژ مەزنترو مەقامی باڵاتر بێ لە بەرچاوی هەموو دونیا.
مەسعود بارزانی مەرجەع و ڕابەر و سەرکردەیەکی نەتەوەیی گەورەی کوردە، بە شانازییەوە وەکوو سیمبولی هەتا هەتایی کورد دەمێنێتەوە.
