سەرۆکی هەرێمی کوردستان پێشوازیی لە کونسوڵی گشتیی نوێی کۆماری چیک کرد و لە دیدارەکەدا جەختیان لە برەودان بە پەیوەندییەکانی نێوان هەردوولا کردەوە.
نيوه‌ڕۆى ئه‌مڕۆ يه‌كشه‌ممه 30ـی تشرینی دووەمی 2025، نێچيرڤان بارزانى، سه‌رۆكى هه‌رێمى كوردستان، له دیدارێکدا له‌گه‌ڵ لوکاس گیوریچ، كونسوڵى گشتيى نوێى كۆمارى چيك له هه‌رێمى كوردستان، وێڕاى پيرۆزباييى ده‌ستبه‌كاربوون، هيواى سه‌ركه‌وتنى بۆ خواست و هه‌موو پشتگيرییه‌کی بۆ سه‌رخستنى ئه‌ركه‌كه‌ى، دووپات كرده‌وه.
هه‌روه‌ها سوپاسى هاوكارييه‌كانى كۆمارى چيكى بۆ هه‌رێمى كوردستان كرد و خواستى هه‌رێمى كوردستانى بۆ بره‌ودان به په‌يوه‌ندييه‌كانى له‌گه‌ڵ كۆمارى چيك، نيشان دا.
