خەبات- دهۆك
ل بارەگایێ مەكتەبا رێكخستنا پارتی ل پارێزگەها دهـوكێ رێزدارمەسرور بارزانی، سەرۆكێ حكومەتا هەڕێما كوردستانێ برێكا نوێنەرێ خۆ و د رێورسمەكێ هەژیدا سەرۆك و دەستەیا كارگێری و یاریزانێن هەردوو یانەیێن دهـۆك و زاخۆ خەڵاتكرن بهـەڵكەفتا بدەستڤەئینانا وان ئەنجامێن باش یێن ڤێ دوماهیێ هەردوو یانەیان بدەستخۆڤە هێنای.
ئەڤ رێورسمە ب ئامادەبوونا سەربەست لەزگین، بەپرسێ مەكتەبا ڕێكخستنا پارێزگەها دهـۆكێ و عیسا ئەحمەد، نوێنەرێ سەرۆك وەزیران و د.عەلی تەتەر پارێزگارێ دهـۆكێ و گوهداڕ شێخۆ سەرپەرشتیارێ ئێدارا سەربەخۆیا زاخۆ و ئاریان سەڵاحەدین بریكارێ وەزارەتا وەڕزش و ڵاوان و هەرسێ هاریكارێن مەكتەبا رێكخستنێ برێڤەچوون.
هەروەسا سەربەست لەزگین بناڤێ مەكتەبا ڕێكخستنا پارێزگەها دهـۆكێ و ئیدارا سەربەخۆیا زاخۆ سۆپاسیا جەنابێ سەرۆك وەزیران كر، كو ل سەر ئاستێ هەرێما كوردستانێ درێغی نەكریە ژ بۆ سەركەفتنا كەرتێ وەرزشێ و گوت: ئەف پێشڤەچوونە و هەروەسا ئەو دەستكەفتێن یانەیێن كوردستانێ ب تایبەت یانەیێن دهـۆك و زاخۆ بدەستخۆڤە دهینن بەرهەمێ پشتەڤانیا بەردەواما سەرۆك وەزیران و كابینەیا نەهـێ یا حكومەتا هەڕێما كوردستانێ یە.
