ڕۆناڵد ئاراوخۆی بەرگریکاری یانەی بەرشلۆنە مشتومڕەکانی داهاتووی خۆی لەگەڵ یانە کەتەلۆنییەکە یەکلایی کردەوە، دوای ئەوەی مەرجی کاتی ئازادکردنی 60 ملیۆن یۆرۆ کە لە نێوان 1 بۆ 15ی تەمموزی 2025 کارا بوو، بەبێ ئەوەی کارا بکرێت کۆتایی هات.
ئاراوخۆ لە مانگی یەکی ساڵی ڕابردوودا گرێبەستێکی نوێی واژۆکرد، کە بڕگەی ئازادکردنی 60 ملیۆن یۆرۆی لەخۆگرتبوو، ئەمەش دەرفەتێکی ئەگەری بۆ یانە گەورەکانی ئەوروپا دروستکرد بۆ ئەوەی گرێبەستی لەگەڵدا واژۆ بکەن.
بەڵام هەواڵەکان پشتڕاستیان کردۆتەوە کە لەم ماوەیەدا نە یاریزانەکە و نە بەرشلۆنە هیچ ئۆفەرێکی فەرمییان پێنەگەیشتووە، هەروەها ئەو دوو لایەنە بەنیازی جیابوونەوە نین تەنانەت ئەگەر ئۆفەرێکیش پێشکەش کرابێت.
