سەرچاوە ڕۆژنامەوانییەکان ئاشکرایان کردووە کە ئارسناڵ لە ڕێگەی پۆستێکی ئینستاگرامەوە وەڵامێکی ناڕاستەوخۆی لەلایەن ڕۆدریگۆی ئەستێرەی یانەی ڕیال مەدریدەوە وەرگرتووە، ئەمەش لەکاتێکدایە کە باس لە گفتوگۆی جددی نێوان هەردوولا دەکرێت سەبارەت بە ئەگەری گواستنەوەی ئەم هاوینە.
سەرەڕای پێکانەکان کە کاریگەرییان لەسەر ئاستەکەی هەبوو لە کۆتایی ئەم وەرزەدا، بەڵام چابی ئەلۆنسۆی ڕاهێنەری یانەی ڕیال مەدرید دووپاتیکردەوە کە ئەو یاریزانە داواکراوە و یانەکە پێویستی بە لێکتێگەیشتن هەیە لەگەڵیدا سەبارەت بە داهاتووی.
لای خۆیەوە ڕۆدریگۆ خواستی خۆی بۆ مانەوەی لەگەڵ تیپەکە دەربڕی، بەڵام یانەی ڕیال مەدرید داوای ئەوە دەکات کە لەکاتی جامی جیهانی یانەکاندا خۆی بسەلمێنێت پێش ئەوەی بڕیاری کۆتایی بدات.
لەلایەکی دیکەوە ئارسناڵ بە سەرۆکایەتی میکێل ئارتێتا، ڕۆدریگۆ بە یاریزانێکی بەهێز دەزانێت، بە لەبەرچاوگرتنی توانای یاریکردنی لە باڵی چەپ یان وەک هێرشبەرێکی ڕاستەوخۆ، ئەمەش وایکردووە ببێتە هەڵبژاردەیەکی ئایدیاڵ بۆ بەهێزکردنی هێرشی تیپەکە.
