وەزارەتی دارایی لیستی مووچەی مانگی ئایاری رەوانەی بەغدا کرد

وەزارەتی دارایی دەڵێت لیستی مووچەی مانگی ئایاری فەرمانبەران و مووچەخۆرانی هەرێمی کوردستانی رەوانەی وەزارەتی دارایی حکوومەتی فیدراڵ کردووە.

رۆژی یەکشەممە 25ـی ئایاری 2025، وەزارەتی دارایی و ئابووری هەرێمی کوردستان بڵاویکردووەتەوە؛ “سەرلەبەیانی ئەمڕۆ لیستی مووچەی مانگی ئایاری فەرمانبەران و مووچەخۆرانی هەرێمی کوردستان لەلایەن تیمی تەکنیکی وەزارەتی دارایی و ئابووری هەرێمی کوردستانەوە ڕادەستی فەرمانگەی ژمێریاری وەزارەتی دارایی حکومەتی فیدراڵ کرا”.