ئه‌مه‌ریكا بۆ جاری دووه‌م هێرشێكی چڕی كرده سه‌ر حووسییه‌كانی یه‌مه‌ن، ئه‌مجاره به‌نده‌ری حه‌دیده‌ی ژێر كۆنترۆڵی ئه‌و گرووپه‌ی كردووه‌ته ئامانج.
به‌گوێره‌ی ئه‌و زانیارییانه‌ی خراونه‌ته روو، له به‌نده‌ری حه‌دیده چه‌ندان ته‌قینه‌وه‌ی گه‌وره بیستراون و دوو كارگه‌ی گه‌وره‌ی تایبه‌ت به پاككردنه‌وه‌ی لۆكه له‌ناو براون.
هاوكات میدیاكانی ئێران له زاری حووسییه‌كانی یه‌مه‌ن، ئه‌وه‌یان گواسته‌وه كه فڕۆكه‌كانی ئه‌مه‌ریكا و به‌ریتانیا بۆ جاری دووه‌م، تاوه‌ری فه‌رمانده‌یی كه‌شتییه‌كی ده‌ستبه‌سه‌ركراوی ئیسرائیلییان له كه‌ناره‌كانی به‌نده‌ری حه‌دیده كرده ئامانج.
وه‌زاره‌تی ته‌ندروستیی یه‌مه‌ن ئاشكرای كردووه، له ئاكامی ئه‌و هێرشانه‌دا 53 كه‌س له هاووڵاتییان كوژراون كه ژماره‌یه‌كیان ژن و منداڵن.
