له چوارچێوه‌ى سه‌ردانه فه‌رمييه‌كه‌يدا بۆ توركيا و پاش گه‌یيشتنى به ئه‌نقه‌ره، نيوه‌ڕۆى ئه‌مڕۆ چوارشه‌ممه 2024/10/16 به‌ڕێز نێچيرڤان بارزانى، سه‌رۆكى هه‌رێمى كوردستان، له‌گه‌ڵ به‌ڕێز هاكان فيدان وه‌زيرى ده‌ره‌وه‌ى توركيا، كۆبووه‌وه.
له كۆبوونه‌وه‌كه‌دا كه به‌ڕێز ئيبراهم كالن به‌رپرسى ده‌زگاى هه‌واڵگريى توركيا ئاماده بوو، بره‌ودان به په‌يوه‌ندييه‌كانى توركيا له‌گه‌ڵ عێراق و هه‌رێمى كوردستان، دۆخ و ئاڵۆزييه‌كانى ڕۆژهه‌ڵاتى ناوه‌ڕاست و ئه‌گه‌ر و لێكه‌وته‌كانى، هه‌روه‌ها چه‌ند پرسێكى ديكه‌ى جێى بايه‌خى هاوبه‌ش، تاوتوێ كران.
