جاڵجاڵۆکەکەی ئەرجەنتین پەیوەندیی بە ئەتلەتیکۆوە کرد

یانەی ئەتلەتیکۆ مەدرید بە فەرمی گرێبەستەکەی لەگەڵ جولیان ئەلڤارێز تەواو کرد، کە لە یانەی مانچستەر سیتی پاڵەوانی خولی نایابی ئینگلیزییەوە یاریی دەكرد.
یانە ئیسپانییەکە ڕایگەیاند کە یاریزانە ئەرجەنتینییەکە بۆ ماوەی 6 وەرز تا ساڵی 2030 گرێبەستەکەی واژۆکردووە، بەمەش دەبێتە دووەم گرانترین گرێبەست لە مێژووی ڕۆخیبلانکۆسدا دوای جواو فیلیکسی پورتوگالی.
یانەکە لە ئەکاونتەکەیدا لە X تویتێکی بڵاوکردەوە کە وێنەی جاڵجاڵۆکەیەکی تێدابوو (سپایدەر)، وەک ئاماژەیەک بۆ نازناوی یاریزانەکە کە ئەلڤارێزە.
ماڵپەڕی مانچستەر سیتی لە زاری ئەلڤارێزەوە نووسیویەتی: ماڵئاوایی لەم یانە سەرسوڕهێنەرە دەکەم بە هەست و سۆزێکی زۆرەوە هەمیشە «شوێنێکی تایبەتی» لە دڵمدا دەبێت.