تریفە دۆسكی
سیاسیه‌ت وه‌ك به‌هاییه‌كي نشتيمانى، د ناڤ كه‌سایه‌تیا كورد دا، نرخ و بهایێ خۆیێ روحى هه‌یه، سیاسه‌ت وه‌ك هیچ زانسته‌كى دى یێ سروشتى نینه، به‌لكو هه‌می زانست پێكڤه د ناڤ خۆدا خۆ نیشان دده‌ن. (ئاین، نه‌ته‌وه، سۆسیۆلۆژی، جیۆگرافی، هونه‌ر، ئه‌ده‌ب و شیعر، كاریگه‌ریا سیاسه‌تێ وه‌ك كار په‌یوه‌ندى ب هه‌می لایانڤه هه‌یه. لێ ئه‌و كاره دێ چه‌وا فۆرما خۆیا سیاسى و كارى نیشاده‌ت و چه‌وا گۆتارا خۆیا نشتیمانى پێشكیش دكه‌ت؟ ئه‌و یا گرنگه،
بۆ سیاسه‌تێ هه‌یه ئه‌م د شیعرێ دا وێنه خۆیا كه‌سایه‌تى بكه‌ین و كارێ تێدا بكه‌ین، ل دروستكرنا په‌یكه‌ره‌كى جوانیا حه‌زا خۆیا نشتیمانى ببینن، گرنگه ئه‌م دسیاسه‌تێ بگه‌هین وه‌ك (ئایدیا)، ئایا زمانێ سیاسه‌تێ زمانه‌كێ ئازاده؟ ئایا سیاسه‌ت دبیته خاله‌ك مه كۆم بكه‌ت بێ به‌رژوه‌ندیێن تاكه‌كه‌سى به‌ره‌ڤ گۆتاره‌كا ئێگرتى و به‌ره‌ڤ ده‌وله‌تبوونێڤه؟؟
ئایا ئه‌م وه‌ك نه‌ته‌وه دشێین به‌حسا كارێ سیاسى بكه‌ین به‌رامبه‌ر چینێن جودا جودا، ب حوكمێ بارودۆخێ چه‌ند ساله نه‌یارێن مه سه‌پاندى ب سه‌ر هه رێمى دا و خه‌لكه‌ك كرنه د دۆخه‌كێ دا؟! ئه‌ڤێ ئه‌زمونێ تا راده‌یه‌كێ كێمترخه‌م دببینن، ل ئاستێ ژیارا خۆ، ئه‌ڤ شرۆڤه، مه دبه‌ته بده‌ستڤه‌هینانا ئه‌ڤێ تێگه‌هشتنێ، ئه‌وژى پرسیاره‌كه گرنگه ئایا كاركرن دبوارێ سیاسى دا، حه‌زه‌كا وه‌لاتپارێزییه یان پیشه‌یه‌‌كی ئابۆرییه؟! گرنگه ئه‌م ئاراسته‌یا ئه‌ڤێ حه‌زێ بگهۆرن ژحه‌زه‌كا ئابۆرى بۆ حه‌زه‌كا وه‌لاتپارێزى و نشتیمان په‌روه‌رى، داكو خه‌لك ب چاڤه‌كێ ژیواری سه‌حكه‌ته سیاسه‌تڤانان، نه‌گه‌هیته راده‌یه‌كێ به‌راوه‌ردیا ژیارا خۆ و خزمه‌تگوزارىێن خۆ ل گه‌ل ئه‌وان بكه‌تن.
ئه‌ز دبینم ده‌لیڤه‌یه‌كه باشه بۆ هه‌می سیاسه‌تمه‌دارێن حكومى وحزبى، خۆ ببینن به‌رامبه‌ر ئه‌ركێن خۆ یێن گشتى و مه‌یدانى، هه‌ولبده‌ین بهێنه ناڤ جڤاكێ و خه‌لكى و چینێن پالا و فه‌رمانبه‌ر ببینن و ب روحیه‌ته‌كا نشتیمانى و كوردانه دوور ژخۆپه‌رستی و ل ئاستێ خه‌لكی بن، چونكی سیایه‌ت وه‌ك كار هاوه‌لاتیێ ئاسایى كارتێكرنه‌ك گرنگ ل سه‌ر هه‌یه، لاوازیا سیاسى یان هێزا سیاسیى هاوه‌لاتیێ ئاسایى كونترۆل دكه‌ت. بۆچوونێن وێ شرۆڤه‌كرنێن وى ئاستێ ژیارا وێ ژ خزمه‌تگوزاریێن دهێنه پێشكیشكرن بۆ وه‌لاتى، هه‌می خاله‌كن كایا سیاسی ده‌ته پێناسكرن. هه‌لبه‌ت دبیت ئه‌و پێناسه دوور بیت ژفۆرمێن توندوتیژى و خۆ فه‌رزكرنێ، گرنگه هه‌می به‌شدارییه‌كا سیاسى دوور بیت ژخۆپه‌رستنێ وقازانجێن ئابۆرى، شوناسكرنا خۆ وه‌ك كورد چونكو باوه‌رى دروست نابیت ل ناڤبه‌را وه‌لاتى و هه‌ر حزبه‌كا هه‌بیت، چونكی د ئه‌وێ دوخێ دا، مه‌تڕسى دكه‌ڤیته سه‌ر هاوسه‌نگیا نشتیمانى ل هه‌می رویێ وه‌لات، دكه‌ڤیته به‌ر هندێ، نه‌شێن شوناسا خۆیا كوردانه پێناسه‌بكه‌ت بۆ خه‌لكه‌كێ كو ل ده‌رڤه‌ى هه‌ریمێ ئه‌زمۆنا ئه‌ڤى پارچێ پیرۆز و جوان دبینن.
باوره‌ى گرنگه د ئه‌ڤێ كایى دا دروست بیت، یا گرنگه ئه‌م وه‌ك كورد و ب تایبه‌تی ئه‌وێ د ناڤا سیایه‌تێ دا كار دكه‌ین، بتنێ دروشما بلند نه‌كه‌ن، سیاسه‌ت ئامرازه‌كا گرنگه بۆ گه‌هشتنا ئارمانجێن نه‌ته‌وایه‌تى. گرنگ ئه‌ڤ ئه‌زمۆنا دوور و درێژ، عورف و كه‌لتورێ سیاسى مۆدێرنتر خۆ نیشا بده‌ت و ئاخ و وه‌لاتى و شوناسا وه‌ك كوردبوون گرنگتر بیت ژ به‌رژوه‌ندێت تاكه‌كه‌سى.
