بەڕێوەبەرایەتیی هاتوچۆی هەولێر ڕایگەیاند، لە ڕۆژانی جەژنی قورباندا جووڵەی بارهەڵگرەکان سنووردار دەکرێت و لە چەند شوێنێکیش قەدەغە دەبێت.
ڕاگەیاندنی هاتوچۆی هەولێر، ئاگادارییەکی لە بارەی پلان و گۆڕانکارییەکانی هاتووچۆی بڵاو کردووەتەوە و ئاماژەی داوە، ئاگەداری شوفێرانی بارهەڵگر دەکەینەوە کەوا لە هەر چوار ڕۆژی جەژنی قوربانی پیرۆزدا هاتوچۆی ئۆتۆمبێلی بارهەڵگر لەو ڕێگەیانەی کە دەکەونە سەر شوێنە گەشتیاری و سەیرانگاکان قەدەغەیە، بە تایبەت ڕێگەی هەولێر- شەقڵاوە.
هەروەها ڕایگەیاندووە، ئەم بڕیارە لەپێناو بەرژەوەندیی گشتیی و دروستنەبونی جەنجاڵی و ئاستەنگی هاتوچۆیە لەم ڕێگایانە.
