لە گەڕەکی ئاشتی لە شاری سلێمانی، ئاگر لە باڵەخانەیەکی بازرگانی کەوتەوە. بەڕێوەبەری بەرگریی شارستانیی شارەکە رایگەیاند، بەهۆی رووداوەکەوە کەسێک گیانی لەدەستداوە .
به‌یانیی ئه‌مرۆ چوارشه‌ممه ئاگرێک لەسه‌ر باڵه‌خانه‌یه‌كی بازرگانی له شاری سلێمانی كه‌وته‌وه‌و بەپێی زانیارییە سەرەتاییەکان کەسێک گیانی له‌ده‌ستدا.
عەمید دیاری ئیبراهیم، بەرێوەبەری بەرگری شارستانی سلێمانی بەهۆی کارکردن لە تەنکییەکی گازدا ئاگر کەوتەوە و وەستایەکیش گیانی لەدەستداوه.
به‌رێوه‌به‌ری به‌رگریی شارستانی سلێمانی داواشی له كه‌ناڵه‌كانی راگه‌یاندن كرد وردتر بن له گواستنه‌وه‌ی هه‌واڵ و زانیاری و وتی: ئه‌وه‌ی ته‌قیوه‌ته‌وه نه‌نكییه‌كی تایبه‌ت به سوته‌مه‌نیی (گاز) بووه نه‌ك ته‌نكی (غاز).
وتیشی: ئه‌و بنیانه‌یه كاری تێداكراوه هێشتا ته‌واو نه‌بووه و ره‌چاوی رێنماییه‌كانی سه‌لامه‌تیی كاركردنی نه‌كردوه‌و ئاگره‌كه‌ش كۆنترۆڵ كراوه.
