رۆژی هەینی، 15ـی کانوونی یەکەمی 2023، نێچیرڤان بارزانی، سەرۆکی هەرێمی کوردستان پەیامێکی پیرۆزباییی بە بۆنەی جەژنی رۆژووی ئێزی بڵاوکردەوە و گوتی: “جەژنی رۆژووی ئێزی لە میر و جڤاتی رۆحانی و هەموو خوشک و برا ئێزدییەکان لە کوردستان، عێراق و هەر شوێنێکی جیهان پیرۆز دەکەم. هیوادارم جەژنێکی ئارام و پشووەکی خۆش بەسەر ببەن .
دەقی پەیامی نێچیرڤان بارزانی، سەرۆکی هەرێمی کوردستان:
جه‌ژنا ڕۆژى يێن ئێزى ل ڕێزداران میر و جڤاتا ڕووحانی و هه‌مى خوشك و برايێن ئێزدى ل كوردستانێ و عيراقێ و ل هه‌ر جهه‌كێ جيهانێ بن، ب گه‌رمى پيرۆز دكه‌م. هيڤيدارم جه‌ژنه‌كا ته‌نا و ئارام و بێهنڤه‌دانه‌كا خۆش ببۆرينن.
د ڤێ هه‌لكه‌فتنێدا جاره‌كا دى خوشك و برايێن خۆ يێن ئێزدى پشتڕاست دكه‌ين كو وه‌ك هه‌رگاڤ دێ پشته‌ڤان و پارێزڤانێن مافێن وان بين. دێ هه‌مى هه‌ولا ده‌ين كو ده‌ڤه‌رێن وان بێنه ئاڤه‌دانكرن و كوردستان هه‌ر وه‌لاتێ پێكڤه‌ژيانا ئاشتيانه يا هه‌مى پێكهاته‌كان بيت.
جه‌ژن پيرۆز بيت، هه‌ر سال ب خێر و خۆشى.
نێچيرڤان بارزانى
سه‌رۆكێ هه‌رێما كوردستانێ
2023/12/15
