وەزیری دەرەوەی نەمسا بە سەردانێکی فەرمی گەیشتە هەولێر و وابڕیارە سبەی چوارشەممە بەجیا لەگەڵ هەریەکە لە سەرۆک بارزانی و سەرۆکی حکومەتی هەرێمی کوردستان کۆببێتەوە.

ئەمشەو (سێشەممە، 12ـی ئەیلوولی 2023)، ئەلکساندەر شالنبێرگ، وەزیری دەرەوەی نەمسا بە سەردانێکی فەرمی لە رێگەی فڕۆکەخانەی نێودەوڵەتی هەولێرەوە گەیشتە هەرێمی کوردستان.

وەزیری دەرەوەی نەمسا لەلایەن سەفین دزەیی، بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان و ژمارەیەک لە بەرپرسانی دیکەی حکومی پێشوازی لێکرا و سبەی چوارشەممە دەست بە کۆبوونەوە فەرمییەکانی دەکات.