شیما مستەفا
پارتی دیموکراتی کوردستان نە بتنێ پارتەکا سیاسی بەلکی بزاڤەکا کومەلایەتی و سیاسی بوو ل سەر داخوازا مللەتێ کورد پیخەمەت دەست ڤە ئینانا مافێن ڕەوا هاتە دامەزراندن و پارتی دیموکراتی کوردستان نە بتنێ پارتیەکا سیاسی یە و چەندین ڕێباز و رێکخراوێن سیاسی و جڤاکی ب خوە ڤە دگرت و ل سەر ئاستێ دەڤەرێ و جیهانێ نوێنەرایەتیا گەلێ کورد دکت و تاکە رێکە بو چارەسەرکرنا پرسێن هەیی، خودان پرێنسیبە و شیان هەنە بو ڤێ چەندێ، پارتی هێز و ئیرادەیە ل سەر هەبوونا پرسا کوردی و چارەسەرکرنا پرسێن مللەتێ کورد و هەروەسا ئومێدەکە بو پاشەڕوژێ، پارتی دیموکراتی کوردستان ب مێژوویا خوە ڤە سەلماندیە کو رێبازەکە بو دەست ڤە ئینانا مافێن مللەتێ کورد و سەرەرای هەبوونا زورداریەکا زور ل سەر مللەتێ کورد، مللەتێ کورد گەهاندیە ڕوژا مە، دەست ڤە ئینانا مافێن ڕەوا یێن هەر مللەتەکی مافەك سەرەکی یە و مافێ چارەنڤێسیێ مافەك گەردوونی یە، هەروەسا مافێن مروڤی د جارنامەیێن نیڤدەولەتی ژی دا هاتیە دیار کرن و هەمی بیروباوەر ل سەر ڤێ چەندێ کووکن، مللەتێ کورد ب دەستێن دوژمنێن خوە هاتینە ستەم لێ کرن و زورداری لێ هاتینە کرن وەك ژناڤبرن، جینوساید و ژناڤبرنا کەلتور و نەتەوە و زمان و دابەشکرن و داگیرکرن و چەندین جورێن دی یێن تاوانێن دژی مروڤایەتیێ ل دژی کوردان هاتینە ئەنجامدان، پارتی دیموکراتی کوردستان ژ بو نەهێلانا ڤان ستەمکاریا هاتە دامەزراندن و بەردەوامیێ ددت خەباتا خوە دا کو مللەتێ کورد وەك مللەتێن دی یێن جیهانێ بگەهن مافێن خوە و ستەم لێ نەهێتە کرن، دوژمنداریا کوردستانێ و مللەتێ کورد بێ گومان بوویە ئەگەرێ وێ چەندێ کوردستان پارچە ببت و بهێتە داگیرکرن ژ لایێ دوژمنان ڤە، لاوازی و ناکوکیا دناڤبەرا کوردان دا دبت ئەگەرێ لاوازیا قەوارێ کوردستانێ و کوردان ژ خەونێن وان دویر دکت، پارتی دیموکراتی کوردستان هەوڵ ددت ڤێ ناکوکێ نەهێلت و مالا کوردی بکت ئێك، دا کو مێژوو دووبارە نەبت و چ جینوساید و کومکوژی و ستەمێن بوری دووبارە نەهێنە کرن ژ لایێ دوژمنێن کوردان ڤە.
