خالد ئەحمەد بادی
كوردان دیروكەكا پر شاناز وسەروەری هەیە وبەردەوام كورد دچەپەرێ بەرگریكرنێ دابوینە وچ جاران كوردان زولم وستەم وزوری ل كەسێ نەكریە لێ هەر جار زولم وستەم وزوری ل مللەتێ كورد وكوردستانێ هاتیە كرن .هەردەم كوردان دەستێ هەڤالینی و براینیێ بوتەڤایا گەل وكوم وكەسان درێژ كریە وكوردان مفا گەهانیە جیهانێ لێ كوردان خو ژبیر كریە چونكە مللەتێ كورد هزركرن دكاركرنێ دا ب نیەتێن سافی و دلپاكی كریە ،ل ڤان قوناغێن زور هەستیار و ڤێ جارێ ژی حكومەت وخەلكێ هەریما كوردستانێ دەستێ براینی ودوستایەتی ومروڤایەتی یێ بو حكومەتا محمد شیاع سودانی وبو حوكمرانیا عیراقێ درێژ كریە لێ هەمی بریار بدەستێن عیراقێ ب سیاسەتەكا نەمرن نە ژین مامەلێ دكەن و هەر دیسان سیاسەتەكا ترسناك ودوژمنكارانە یێ بەرامبەر هەرێما كوردستانێ ئەنجام ددەن ودگێرن ،ب بوچونا من حوكمرانێن عیراقێ یێ بەركێ ژبن پێن هەرێمێ دكێشن نە ب شێوازێن بەرێ یێن كلاسیك وكەڤنار یان ب رێكێن شەرو جەنگا ، لێ ڤێ گەرێ یێ ب سیاسەتەكا بن پەردێ و سیاسەتەكا نەرم و مروڤكانێ یێ كارێ خو ئەنجام ددەن ، چونكە ب راستی یێ هیدی هێدی هەمی بادەكا دبەنە دبن دەستێ خو ڤە و ئەگەر هوسا بیت دێ شیێن كونترولێ لسەر هەریمێ كەن ودێ حكومەتا هەرێمێ لاواز كەن.
زور نەحەز دبێژن هەرێما كوردستانا عیراقێ هەرێمەكە و سەر ب عیراقێ ڤە یە ولدویڤ سیستەمێ گشتی یێ جیهانی و لدویڤ یاسایێن نیڤ دەولەتی هەرێم ب سەر مەركەزی ڤەیە راستە لێ هەرێما كوردستانێ جودایە وهەرێمێ ومللەتێ كورد رولەكێ سەرەكی هەبویە ددامەزراندنا حكومەتا عیراقێ وچەسپاندنا یاسا ودانانا حكومەتێ وجڤاتا دەستهەلاتی (مجلس الحكم) وپەرلەمان ودام ودەزگەهێن حكومی یێن عیراقێ وسوپایێ عیراقێ وهەروەسا پێشمەرگێ قارەمان زور كاركریە ورولەكێ مەزن دیتی یە بو شكاندنا تیرورستان وهتد .. ئانكو هەبونا عیراقێ لسەر خوگرتنا عیراقێ رولێ سەرەكی یێ حكومەتا هەرێما كوردستانێ وسەركردایەتی یا كوردی بوو . نوكە روژانە یێ بادەكا لسەر هەرێمێ ڤە دكەن و ئەو خالێن هەردوو حكومەت رێكەفتن لسەر كری ب رێژەكا زور كێم نەهاتیە جێ بەجێ كرن وبەردەوام حكومەتا عیراقێ یا رەڤینێ ژ كەتواری دكە تویا خو ب خودان دزانیت وكوردان ژی ب ناحەق ل قەلەم ددەن ،ل دەست پێكێ بادەكا برینا بودجێ وبرینا موچێن هەژار وبەلەنگازێن خەلكێ هەرێمێ وگومرك و( حرس حدود) ورێڤەبەریێن رەگەزنامە وپاسپورت وناسنامە وهەردیسان بادەكا نەفتێ وژبیركرنا ماددێ (140) و نوكە ژی یێ شەرێ هەرێمێ ب دادگەها فیدرالی كو دادگەهەكە ب تنێ دژی كوردان وهەرێمێ كار دكەت و ئەو گەندەلی نەدادپەورەی ودزی وخرابكاری یێن ل عیراقێ هەین هەر ناهێنە باس كرن ب تنێ دادگەها فیدرالی دژی هەرێمێ وگەلێ كورد كاردكەت.
بانگەوازیا مە ئەوە ب تنێ یەك رێك ددەستێ سەركردایەتی یا كوردی وحكومەتا هەرێما كوردستانێ ولایەنێن سیاسی یێن كوردی دەستێن خو بكەن دناڤ دەستێن هەڤ دا ولپشت مێزا دانوستاندنا روینن وخو بكەن یەك هزر ویەك بیروباوەر ویەك بریار ویەك ئاراستە ب باوەرم لوی دەمی دێ مللەتێ كورد وهەرێما كوردستانێ سەركەڤیت .
