وەزیری دارایی هەرێمی کوردستان رایگه‌یاند: نرخی یەک دۆلار لە سەرجەم فەرمانگە و دامەزراوەکانی حکومەتی هەرێمی کوردستان بەرامبەر بە هەزار و 300 دینار دەبێت.
ئاوات شێخ جەناب، وەزیری دارایی و ئابوریی هەرێمی کوردستانی نوسراوێكی فه‌رمیی واژوو كردوه كه تیایدا هاتوه: پاڵپشت بە نوسراوی ژمارە (5/11/868)ـی بانکی ناوەندیی عێراق، وەزارەتی دارایی هەرێمی کوردستان نرخی دۆلاری لە دامودەزگاکانی حکومەت دیاریکردووە.
” لە رێکەوتی 14-03-2023ـەوە نرخی یەک دۆلار لە فەرمانگە و دامودەزگاکانی هەرێمی کوردستان بە هەزار و 300 دینار مامەڵەی پێوەدەکرێت.” نوسراوه‌كه ئه‌مه‌ی تێدایه.
