خالد ئەحمد بادی
مللەتێ كورد هەردەم بەرژەوەندێن خو یێن تایبەت كرینە قوربانی بەرژەوەندێن گشتی و هەردەم كوردان كاركریە ژبو كو مروڤایەتی ب چەسپیت و ئاشتی بەرقەرار بیت وهەلویستێن كوردان دهەمی دەم وگاڤان داد دیار وبەرچاڤن , مللەتێ كورد خودان هەلویستەك ورابردویەكێ مروڤایەتی وجوامێری و ئاشتیخواز وئازادیخواز ومروڤدوست وهەڤدوستە وحەز تولڤەكرنێ ناكەت .هەردەم كوردان هەلویستەكێ ئەرێنی ل جهێ نەرێنی هەبوویە. خودایێ مەزن مللەت وگەل وكوم دروست كرینە دا هەڤكار وهەڤدوست بن دگەل هەڤدوو دا كو ژیان برێڤە بچیت . لرێككەفتی (6 -7\2\2023) ل دەم ژمێر (3:17 ) سێ وهەڤدە خولەك لدەمێ ناڤخویی ئەردهەژەكا زور بهێز ب پلا (7:8) لدویڤ پیڤەرێ رێختەر ل باژێرێن مەرەش وئامەد ودیلوك وسەنسور وبسمل وپارێزگەها غازی عنتاب ووكەهرەمان وهاتایی وئادیەمان و مەلاتیە وئورفا وئەدەنا وكیلیس ول زور باژێرێن دی , هەروەسا ل سوریێ كوردستانا روژئاڤا ل پارێزگەه و باژێرێن حەلەب و حەما و لازقیە و تەرتوس وجێندرێسێ ول زور باژێر ودەڤەرێن دی . ئەڤێ ئەرد هەژێ زور زیانێن مەزن یێن گیانی وئاڤاهی وگشتی هەبوینە ل(ترکیا و سوریا) كو لدویڤ میدیایا جیهانی داتایێن مەترسیدار هەنە كو روژانە زێدەتر دبن و تا نوكە پتر ژ (33181) سهـ و سێ هزار و سەد و هەشتێ و ئێک كەس بوینە قوربانی و رێژا گیانژدەستدایان زور یا زێدە دبیت وب دەهان هزار بریندار وپتر ژ (60) شێست هزار ئاڤاهی هەرفتی نە ژبلی زیانێن جادە ورێك وپر وبەنداڤا ومەترسی لسەر بەنداڤان هەیە وبەنداڤا ئەتاتورك ڤالا كریە ,ب راستی كارەساتەكا مەزن بوو .لڤێرە مە دڤێت ئاماژێ ب هەلویستێ حكومەت وخەلكێ هەرێما كوردستانێ یێ مروڤانە وجوامێرانە وكوردپەروانە كو هەر لدەستپێكا كارەساتێ سەروكێ حكومەتا هەرێما كوردستانێ هەردوو وەزیرێن ناڤخو وساخلەمیێ رەوانەیی سنوری كرن و چەندین تیمێن ساخللەمی وشارەوانی وفەرمانبەرێن هەرێمێ و ب كومەكا زور باش یا دەرمان وئامیرێن میری وهەروەەسا دەزگایی خێرخوازی بارزانی وئازوقەیی وكەلوپەلێن پێتڤی رەوانەیی جهێ ئەردەهژێ كرن ل سوریا وتوركیا كو لایێ هەردوو وەلاتان كرن .ئەو تیمێن حكومەتا هەریما كوردستانێ رەوانەیی جهێ هەردوو وەلاتان كرین كارەكێ زور پیروز ئەنجام دایە وهەروەسا هاریكاریێن زور باش یێن ساخلەمی وخارن وڤەخوارن ودەرمان وكەلوپەلێن پێتڤی گەهاندینە زیانڤێكەفتی یان . هەردیسان حكومەتا هەرێما كوردستانێ هەمی دام ودەزگەهێن حكومەتا هەرێمێ راسپاردن ژبو دانان لیژنێن تایبەت بو كومڤەكرنا كەل وپەلێن خارنێ وناڤمال وهەروەسا پارەیی كو برێكا وان لیژنان و ب هاریكاریا خەلكێ هەرێما كوردستانێ یێ جوامێر لسەرتاسەری ناحیە وقەزا وباژێرو وباژێركێن كوردستانێ هاریكارییان بو كومڤەبكەن ورەوانەیی زیانڤیكەفتی یان بكەن ل باكور وروژئاڤایێ كوردستانێ و جهێن ئەردهەژێ گرتی .ئەڤ هەلویستە بوینە جهێ كەیڤخوشی ودل ئارامییا تەڤایا كوردستانیان وب تایبەت خەلكێ هەرێما
