خەبات: پەریهان عومەر:- هونەرمەند شنیار نەجیب لە ساڵی(١٩٩٧ )لەشاری سلێمانی لەدایك بووە،لەتەمەنی منداڵیدا چوار كلیپی منداڵانی كردووە كەهەر چواری ئاوازی خۆی بووە چونكە لە تەمەنی ٩ ساڵیدا فێری یەكێك لە ئالەتەكانی موزیك بووە هەربۆیە ئاوازی گۆرانی منداڵانی خۆی بووە بەشداری چەندین چالاكی جۆراو جۆری كردووە و لە چەندین ڤیستیڤاڵ و كۆنسێرتی گەورەدا بەشدار بووە هەندێ جار بەموزیك بەشدار بووە هەندێ جاریش بە گۆرانی دوای تەواوكردنی قۆتاغی ناوەندی چۆتە پەیمانگای هونەرەجوانەكانی سلێمانی و درێژەی زیاتری بەبوارەكەی داوە دواتر چۆتەگرووپی موزیكی (لوڕ) وەك گۆرانیبێژ و بەشداری لە گەورەترین میهرەجانی بابلدا كردووە لەگەڵ چەند هونەرمەندێكی تر.

هونەرمەند شنیار نەجیب لە چاوپێكەوتنێكی تایبەت بە (خەبات ) باسی لەكاری هونەری خۆی كردو گوتی: من لەكاری هونەری بەردەوام بووم دواتر كە پەیمانگام تەواو كرد بەپڕۆفیشناڵی بڕیاری یەكەم گۆرانی و كلیپم دا كە گۆرانی (دڵ لەسینەم دەرچوو) دەنگدانەوەیەكی زۆر باشی هەبوو ، دواتر بەرهەمێكی ترم هەبوو كە زۆر نزیكبوو لە فۆلكلۆر ئەویش گۆرانی (لۆمە)كە میلۆدییەكەی هی خۆم بوو دواتر چەند بەرهەمێكی تری هونەریم تۆمار كردووەلەگەڵ (دوێتێكا)بەناوی (سڵاو)لەگەڵ هونەرمەندی بەتوانا (ئامانج ڕواندزی)كۆتابەرهەمم لەدوای دویتەكەوە بەرهەمێكی تایبەت بوو لام بە ناوی (وازم لێبێنە) ئێستاش من خاوەنی ٤بەرهەم و دوێتێكم.

شنیار زیاتر گوتی: لە ٢٥/١٠/٢٠٢٢بەشداربووم لە كۆنسێرتێكی زۆر گەورە لە شاری سلێمانی لەگەل چەند هونەرمەندێكی گەورە یەك لەوانە هونەرمەند(نیان عەبدوڵڵا)كە بۆ من جێگای فەخرە و خۆشبەختانە توانیمان كارێكی زۆر جوان پێشكەش بكەین.

هونەرمەند باسی لە هونەری ئێستاش كردوگوتی: بەڕای من هونەری ئێستا جوانە ، بەڵام هەست ئەكەم هەندێ كەس بەرەولاوازی دەبەن هونەر لای من جوابە وپیرۆزە نابێ هەموو كەس بتوانی بێتە ناو بوارەكەوە خۆزگە شتێك ببوایە تێست بكراینایە ئینجا پێمان بگوترایە هونەرمەند.