دژەتیرۆری هەرێمی کوردستان دەڵێت، “فڕۆکە بێفڕۆکەوانەکانی تورکیا” سنووری شنگالیان بۆردوومان کردووە و بەوهۆیەوە دوو “چەکداری پەکەکە” گیانیان لەدەستداوە؛ میدیای نزیک لە پەکەکە رەتیدەکاتەوە هیچ کەسێک گیانی لەدەستدابێت. 

رۆژی هەینی 28-10-2022، دژەتیرۆری هەرێمی کوردستان رایگەیاند، کاژێر 15:40 خولەک “فڕۆکەی بێفڕۆکەوانی سوپای تورکیا” لە سکێنیەی سەر بە ناحیەی گرعوزێر لە قەزای شنگال “ئۆتۆمبێلێکی چەکدارانی پەکەکەی کردە ئامانج و بەوهۆیەوە دوو چەکداری پەکەکە کوژران و 3 چەکداری دیکەش برینداربوون.”