سەرچاوەیەكی ئەمنی فەرمی ڕایگەیاند، ناوچەی سەوز لە ناوەندی بەغدای پایتەخت بە نۆ مووشەك هێرشی كراوەتە سەر.
لەوبارەیەوە شانەی راگەیاندنی ئەمنی عێراق رایگەیاند: ناوچەی سەوز لە بەغدا و دەوروبەری بە 9 موشەكی كاتیۆشا بۆردومان كرا.
ئاماژەی بۆ ئەوەشكردووە كە هێرشەكە بووەتە هۆی برینداربوونی ژمارەیەك لە ئەندامانی دەزگا ئەمنییەكان و هاووڵاتیان، دواتریش وردەكاریی زیاتر بڵاودەكەنەوە.
هەروەها سەرچاوەیەكی دیكەی ئەمنی رایگەیاند كە ئامێرەكانی ئاگاداركردنەوە لەناو ناوچەی سەوزدا چالاككراون.
ئەمەش لە كاتێكدایە بڕیارە ئەمڕۆ پەرلەمان دانیشتنێكی تایبەت بۆ هەڵبژاردنی سەرۆكی كۆمار ئەنجام بدات