وه‌زاره‌تی دارایی و ئابووریی حكوومه‌تی هه‌رێمی كوردستان، مووچه‌ی مانگی 11ی چه‌ند شوێنێك دابه‌ش ده‌كات.
به‌پێی ئه‌و خشته‌یه‌ی كه له وه‌زاره‌تی داراییه‌وه بۆ گه‌نجینه نێردراوه، سبه‌ی چوارشه‌ممه 1/12/2021، مووچه‌ی وه‌زاره‌تی كاروباری شه‌هیدان و ئه‌نفالكراوان، كه‌سوكاری شه‌هیدان دەدرێت.
هەر بەپێی خشته‌كه، سبەی مووچەی لیوای یەک و دووی پۆلیسی پاراستنى دامودەزگاكانی نه‌وت و فه‌رمانده‌یی زێره‌ڤانی و بەرگری و فریاکەوتن دابه‌ش ده‌كرێت.
رۆژی پێنجشه‌ممه 25/11/2021، وه‌زاره‌تی دارایی به دابه‌شكردنی مووچه‌ی وه‌زاره‌تی ته‌ندروستی، ده‌ستی به پێدانی مووچه‌ی مانگی 11 به‌بێ لێبڕین، كرد.
